என் மகள்

**M.M.SENTHIL** · **M.M.SENTHIL** Thu May 29, 2014 12:45 pm

First topic message reminder :

என் வயிற்றில் ஏழு மாத
சிசுவாய் நீ இருக்கையில்
உன் பிஞ்சு காலில் உதைத்ததை
அப்பாவிடம் சொல்லி மகிழ்ந்தேன்!!
முதன் முதலாய் புரண்டு படுக்கையில்
புகைப்படம் எடுத்து வைத்தேன்!!
நீ சிரித்த அந்த முதல் சிரிப்பு
என் ஜீவன் உதிரும் வரை மறையாது
என் நெஞ்சை விட்டு!!
கஞ்சிக்கு வழியில்லை
ஆனாலும் ஆங்கில வழி கல்வி உனக்கு!!
பள்ளிப் படிப்பு முடித்து நீ
கல்லூரி சென்றால்
ஆகுமே நிறைய செலவு,
அடுத்த குழந்தை வேண்டாமென்று
என் கற்பத்தை தடை செய்தேன்!!
இப்படி உனக்காகவே வாழ்ந்த என்னை
ஏனடி பெண்ணே மறந்து போனாய்,
படிப்பு முடித்து நீ கொண்டுவந்து
கொடுக்கும் அந்த பணத்திற்கா
நான் ஆசைப்பட்டேன் – இல்லையே !!
பிறகேன் நீயே தேடிக்கொண்டாய்
உன் மணவாளனை என்னிடம் கூறாமல்!!
காவல் நிலையம் வந்து
உனக்கும் எனக்கும் ஒண்ணுமில்லன்னு
கையெழுத்துப் போடவா
உன்ன நான் வளத்து வந்தேன்,
இருந்தாலும் மகளே இதோ....
உன் அப்பன் போன பின்னே
நான் சேத்து வச்ச சொத்தெல்லாம்
உனக்குத்தான்னு எழுதிப்புட்டு
நானும் குடிச்சிட்டேன் அரளி விதைய!!
அடுத்த பிறவின்னு ஒன்னு இருந்தா
நீயே எனக்கு மகளா வா!!.