தவறு செய்த எம்.பி., எம்.எல்.ஏ.க்களுக்கு ஓராண்டுக்குள் சிறை: மோடி

**சிவா** · **சிவா** Tue Apr 15, 2014 4:32 am

பாரதிய ஜனதா கட்சியின் பிரதமர் வேட்பாளரும், அம்மாநில முதல் மந்திரியுமான நரேந்திர மோடி நேற்று குஜராத் மாநிலம், காந்தி நகரில் தேர்தல் பிரசாரக் கூட்டத்தில் பேசினார்.

அவரது உரை ‘3-டி ஹோலோகிராஃபிக் டெக்னாலஜி’ மூலமாக நாட்டிலுள்ள 15 மாநிலங்களின் நூற்றுக்கும் மேற்பட்ட முக்கிய நகரங்களில் ஒளிபரப்பப்பட்டது.

இந்த கூடடத்தில் மோடி பேசியதாவது:-

காங்கிரஸ் கட்சியின் கைங்கர்யமாக கிரிமினல்களின் வசம் அரசியல் சிக்கிக் கொண்டிருப்பது எனக்கு சங்கடத்தை ஏற்படுத்துகிறது. எவ்வகையிலாவது அதிகாரத்துக்கு வந்துவிட வேண்டும் என்பதற்காக காங்கிரஸ் கட்சியினர் கிரிமினல்களை பயன்படுத்த தொடங்கினார்கள்.

பின்நாட்களில், இந்த கிரிமினல்கள் பலம் மிக்கவர்களாக, செல்வாக்குள்ள அரசியல்வாதிகளாக மாறிவிட்டனர். இதைப்போன்ற கிரிமினல்களிடம் இருந்து நமது அரசியல் முறையை நாம் மாற்றியாக வேண்டும். இதை மாற்ற எனக்கு ஒரு வாய்ப்பு தாருங்கள்.

சுப்ரீம் கோர்ட்டின் மேற்பார்வையில் சிறப்பு நீதிமன்றங்களை ஏற்படுத்தி, இந்த கிரிமினல்கள் மீது விசாரனை நடத்தி, ஓராண்டுக்குள் தவறு செய்த எம்.பி., எம்.எல்.ஏக்களுக்கு தண்டனை வழங்கப்படும். அதன் பிறகு குற்றவாளிகள் சிறைக்கு செல்ல நேரிடும்.

எம்.பி., எம்.எல்.ஏ.க்களை தொடர்ந்து, கீழ்மட்ட நிலையில் இருக்கும் பஞ்சாயத்து போன்ற உள்ளாட்சி பிரதிநிதிகளின் மீதும் இதே நடவடிக்கையை எடுத்து ஐந்தே ஆண்டுகளில் நமது தற்போதைய அரசியல் முறையை கிரிமினல்களிடம் இருந்து மீட்டு, தூய்மைப்படுத்துவேன் என்று உங்களுக்கு உறுதியளிக்கிறேன்.

இந்த சுத்தப்படுத்தும் பணியில், எங்கள் கட்சியை சேர்ந்தவர்களாக இருந்தாலும் யாருக்கும் சலுகை அளிக்கப்பட மாட்டாது. யார் மீதும் பாரபட்சமான நடவடிக்கை எடுக்கப்படாது எனவும் உங்களுக்கு உறுதியளிக்கிறேன்.

இவ்வாறு அவர் பேசினார்.

கோ. செந்தில்குமார் · 03/04/2014

தவறு செய்த எம்.பி., எம்.எல்.ஏ.க்களுக்கு ஓராண்டுக்குள் சிறை: மோடி 103459460

இவ்வாறு தவறு செய்யும் மக்களின் பிரதிநிதிகளை தண்டிப்பதற்கென்றே தனி சட்டமும், தனி துறையும் ஏற்படுத்தப்பட வேண்டும். தவறு செய்பவர்கள் மீண்டும் தேர்தலில் போட்டியிட முடியாத அளவிற்கு சட்டங்கள் திருத்தப்பட வேண்டும்.

தவறு செய்த எம்.பி., எம்.எல்.ஏ.க்களுக்கு ஓராண்டுக்குள் சிறை: மோடி

தவறு செய்த எம்.பி., எம்.எல்.ஏ.க்களுக்கு ஓராண்டுக்குள் சிறை: மோடி

Re: தவறு செய்த எம்.பி., எம்.எல்.ஏ.க்களுக்கு ஓராண்டுக்குள் சிறை: மோடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக