சவுதியில் சம்பளம் கிடைக்காமல் திண்டாடிய 10 பெண்கள் இந்தியா திரும்பினர்

**சிவா** · **சிவா** Mon Apr 14, 2014 1:37 pm

சவுதி தலைநகர் ரியாத்தில் உள்ள தனியார் ஆஸ்பத்திரி ஒன்றில் துப்புரவு தொழிலாளர்களாக பணியாற்றச் சென்ற கேரள மாநிலத்தை சேர்ந்த 10 பெண்களுக்கு கடந்த 9 மாதங்களாக ஒப்பந்தப்படி சம்பளப் பணத்தை தராமல் அந்த நிறுவனம் கடும் இன்னலுக்கு உள்ளாக்கியது.

இது தொடர்பாக அந்த பெண்கள் அளித்த புகாரின் பேரில் நடவடிக்கை எடுத்த இந்திய தூதரகம் அவர்களை கடந்த செவ்வாய்க்கிழமை தாயகத்துக்கு அனுப்பி வைத்ததாக உள்ளூர் பத்திரிகை ஒன்று செய்தி வெளியிட்டுள்ளது.

இந்தியர்கள் நல்வாழ்வு நிதியில் இருந்து அவர்களுக்கான விமானக் கட்டணம் செலுத்தப்பட்டதாக தெரிவித்துள்ள அந்த செய்தியில், அதே நிறுவனத்தில் பணியாற்ற சென்ற இன்னொரு இந்தியப் பெண்ணின் ‘பாஸ்போர்ட்’ தவறி விட்டதால், தூதரகம் மாற்று பாஸ்போர்ட் வழங்கிய பின்னர், அவர் விரைவில் இந்தியாவுக்கு அனுப்பப்படுவார் என்றும் கூறப்பட்டுள்ளது.

இந்தோனேசியா, வங்காளதேசம் மற்றும் இலங்கையை சேர்ந்த துப்புரவு பெண் தொழிலாளர்களுக்கு ஒழுங்காக சம்பளம் தந்த ஆஸ்பத்திரி நிர்வாகம், வேண்டுமென்றே தங்களை வஞ்சித்து விட்டதாக பாதிக்கப்பட்ட கேரளப் பெண்கள் குற்றம் சாட்டியுள்ளனர்.

**ayyasamy ram** · **ayyasamy ram** Mon Apr 14, 2014 3:32 pm

தக்க உதவி செய்த இந்திய தூதரகத்தை
பாராட்டுவோம்..!
-

**டார்வின்** · **டார்வின்** Mon Apr 14, 2014 6:56 pm

அவர்கள் கேரள நாட்டினர் அதுதான் வேகமாக இந்திய தூதரகம் நடவடிக்கை எடுத்தது,,,, ...இந்தியர்கள் என்டால் இந்திய தூதரகம் இவ்வளவு வேகமாக நடவடிக்கை எடுக்குமா ???