இவங்களைப் பார்த்து பேரு வச்சாங்களா...! இப்படியும் விருது வழங்கலாம்

soplangi · soplangi Thu Apr 03, 2014 11:53 am

"அது என்னமோ தெரியல, என்ன மாயமோ புரியல... சில சினிமா தலைப்புகளுக்கும் சில அரசியல் கட்சிகளுக்கும் ஏதோ தொடர்பு இருக்குமோன்னு தோணுது. இத படிச்சுப் பாருங்களேன்.

"பணிவான' அ.தி.மு.க., அமைச்சர்கள் "நிமிர்ந்து நில்'

தொகுதிக்காக தொடர்ந்து மோதிக்கொள்ளும் தே.மு.தி.க., பா.ம.க., --- "கேடி பில்லா, கில்லாடி ரங்கா'

கூட்டணிக்காக கட்சிகளை தேடும் காங்கிரஸ்: - "பரதேசி'

ஒரே ஒரு தொகுதியில் மட்டும் போட்டியிட்டு. "ரிஸ்க்' எடுக்கும் புதிய தமிழகம் -- "நைய்யாண்டி'

மதுரையில் இருந்தபடி அரசியல் நடத்தும் அழகிரி --- "பாண்டிய நாடு'

பிரதமர் ஆவேன் என்ற கனவில் இருக்கும் ஜெயலலிதா -- "நவீன சரஸ்வதி சபதம்'

அனைவரிடமும் மோதுவதையே கொள்கையாகக் கொண்ட கெஜ்ரிவால் --- "இவன் வேற மாதிரி'

நேரு, இந்திரா, ராஜிவ், ராகுல் என, வரிசையாக பிரதமர் கனவில் இருக்கும் ஒரே குடும்பம் -- "தலைமுறைகள்'

எம்.எஸ். தண்டபாணி, மதுரை

-- dinamalar

soplangi · soplangi Thu Apr 03, 2014 11:55 am

நம்நாட்டில், ஒவ்வொரு தலைவருக்கும் ஒரு குணம் உண்டு. ஒருவர், கடப்பாரையை விழுங்கியது போல் உம்மணாமூஞ்சியாகவே இருப்பார். ஒருவர் ஸ்பீக்கரை அணைக்காமல் பேசிக்கொண்டே இருப்பார். ஒருவர் சிரித்த முகமாகவே இருப்பார். ஒருவர், அழுமூஞ்சியாகவே இருப்பார்.இன்னும் சிலர், நிதி அளிப்பு பெட்டியைப் பார்த்தால் மட்டுமே புன்சிரிப்பை உதிர்ப்பர். சிலர், மகளிர் அணியைக் கண்டால்
மட்டுமே உற்சாகத்தை காட்டுவர்.

இப்படிப்பட்ட தனித் தன்மைகளுக்கான விருதுகள்:

1 எந்த டிவி சேனல், "மைக்'கை நீட்டினாலும், வஞ்சகம் இல்லாமல் வாயை திறப்பவருக்கான விருது

இந்திய கம்யூ., டி.ராஜா

2 அதிக நேரம் கண்களை மூடி, ஆழ்ந்த சிந்தனையில் மூழ்கி, நாட்டைப் பற்றி மட்டுமே நினைப்பவருக்கான விருது

தேவகவுடா

3 உரக்க பேசி, உசுப்பேற்றி... நிறைய விஷயம் இருப்பது போன்ற "பிரமை'யை உண்டாக்குபவருக்கான விருது

மோடி

4 "அமுல்' குடிக்க வேண்டிய குழந்தை, இப்படி அரசியல் பேசுகிறதே என, நினைக்க வைப்பவருக்கான விருது

ராகுல்

5 வாயை திறக்காமல், வார்த்தைகளை மட்டுமே வெளிவிடும் வித்தை தெரிந்தவருக்கான விருது

ஜி.கே. வாசன்

6 பிரதமருக்கு அதிக கடிதம் எழுதி, புதிய சாதனை படைத்த முதல்வருக்கான விருது

ஜெயலலிதா

7 எங்கு சேருவது என, முடிவெடுக்காமல், கூட்டணி அறிவிப்பை அதிக காலம் "ஜவ்வாய்' இழுத்தவருக்கான விருது

விஜயகாந்த்

8 எதை கேட்டாலும் "15 நாட்களில் தெரிந்துவிடும்' என "அடித்துக்' கூறும் சிறந்த "காலக்கெடு' நிபுணருக்கான விருது

நாராயணசாமி

--- dinamalar

இவங்களைப் பார்த்து பேரு வச்சாங்களா...! இப்படியும் விருது வழங்கலாம்

இவங்களைப் பார்த்து பேரு வச்சாங்களா...! இப்படியும் விருது வழங்கலாம்

Re: இவங்களைப் பார்த்து பேரு வச்சாங்களா...! இப்படியும் விருது வழங்கலாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக