ந.க.துறைவனின் கவிதைகள்

ந.க.துறைவன் · ந.க.துறைவன் Tue Feb 18, 2014 8:52 am

*உன் வசம்

புரியாத உலகம்
புரியாத தத்துவம்
புரியாத எழுத்து
புரியாத வாழ்வெனப்
புலம்பித் தவியாதே.
மனதை இருத்து
கவனம் செலுத்து
உணர், அனுபவி,
படி,எழுது
புரியும் வரை…
குழம்பாதே,
அறிவுத் தெளிவு பெறு.
புரிந்தால் எல்லாம்
புலப்படும்,
உலக வாழ்வு
உன் வசப்படும்.

*தாய் மொழி

நர்சரியில்
ஆங்கலம் பயிலும்
அந்தக் குழந்தை
அம்மாவிடம் கேட்டது
“தமிழ் எந்த நாட்டின்
தாய் மொழி?”-என்று.

*தனிமை

கூட்டமாய் வாழும்
தென்னையைப் பார்த்து
வெறுப்போடு
புலம்பிய வண்ணம்
ஏரிக் கரையில்
தனித்திருந்த
ஓற்றைப் பனை மரம்
.
-ந.க.துறைவனின் “காற்றுக்குப் புரியும்”
என்ற தொகுப்பிலிருந்து.

**ஜாஹீதாபானு** · **ஜாஹீதாபானு** Tue Feb 18, 2014 4:41 pm

மூன்றும் சூப்பர்

myimamdeen · myimamdeen Tue Feb 18, 2014 7:05 pm

ந.க.துறைவன் · ந.க.துறைவன் Thu Mar 06, 2014 8:37 am

சிறுவர் பாடல்
சிரிப்பு... சிரிப்பு... !
அன்னை தந்தை பாட்டி தாத்தா
அன்புப் பொங்கச் சிரிப்போம்
அக்கா தங்கைத் தம்பிகள் தம்மை
படித்தச் சிரிப்பை எண்ணி எண்ணி
பண்பாய் மனதுள் சிரிப்போம்

"கடி' ஜோக்கை சொல்லச் சொல்லிக்
கற்பனைச் செய்து சிரிப்போம் !
முணுமுணுத்துப் பேசுவோரின்
முகம் மலர்ந்திடச் சிரிப்போம்
கடுகடுப்பாகப் பேசுவோரின்
கண்கள் விழிப்புறச் சிரிப்போம் !

நண்பர்களோடு ரகசியம் பேசி
கலகலப்பாகச் சிரிப்போம்
நன்றாய் விளையாட்டில் துன்பம் மறந்து
வியந்து மகிழ்ந்துச் சிரிப்போம் !
சுற்றுப் புறத்தில் நிகழும் சம்பவம்
பார்த்தும் கேட்டும் சிரிப்போம்

சுற்றுலா சென்று இயற்கை ரசித்து
சந்தோஷமாய்த் துள்ளிச் சிரிப்போம் !
சிரிப்பு வந்தால் சிரிப்போம் - ஒன்றாய்ச்
சிரித்து சிரித்து மகிழ்வோம்

சிரிப்பு உடலுக்கு மருந்து - கூடி
சிரித்தால் அனைவருக்கும் விருந்து !

**ஜாஹீதாபானு** · **ஜாஹீதாபானு** Thu Mar 06, 2014 1:25 pm

அருமை நானும் சிரிக்கிறேன் புன்னகை

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

myimamdeen · myimamdeen Thu Mar 06, 2014 5:34 pm

தமிழில் திருத்தம் தேவை

**ஜாஹீதாபானு** · **ஜாஹீதாபானு** Thu Mar 06, 2014 5:43 pm

myimamdeen wrote:தமிழில் திருத்தம் தேவை

திருத்திட்டேன் ந.க.துறைவனின் கவிதைகள் 1571444738

கிருஷ்ணா · கிருஷ்ணா Fri Mar 07, 2014 7:59 am

சிரித்து சிறப்புறுவோம் :-)
விருந்தும் மருந்தும் மூன்றேநாளுக்கு
இரண்டும் சிரிப்பானால் வாழ்நாளுக்கு !

Sponsored content · Sponsored content

ந.க.துறைவனின் கவிதைகள்

ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

Re: ந.க.துறைவனின் கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக