சிக்சரை கேட்ச் பிடித்த இந்திய ரசிகருக்கு ரூ.52 லட்சம் பரிசு

**டார்வின்** · **டார்வின்** Thu Jan 23, 2014 7:03 pm

நியூசிலாந்து: இந்தியா, நியூசிலாந்து சுற்றுப்பயணத்தில் நியூசிலாந்தில் உள்ள பீர் கம்பெனி, வீரர்கள் அடிக்கும் சிக்சர்களை பார்வையாளர்கள் மாடத்தில் இருக்கும் ரசிகர்கள் கேட்ச் பிடித்தால் அவர்களுக்கு உடனடியாக அங்கேயே 1 லட்சம் நியூசிலாந்து டாலர் (சுமார் ரூ.52 லட்சம்) பரிசு வழங்குவதாக அறிவித்துள்ளது. அதிலும் சில கட்டுப்பாடுகள் உள்ளது. ரசிகர்கள் அந்த நிறுவனத்தின் முத்திரை பெற்ற ஆரஞ்சு கலர் டி-ஷர்ட் அணிந்திருக்க வேண்டும். சிக்சர் அடிக்கும் பந்தை ஒரு கையாலேயே பிடிக்க வேண்டும் என்பது கட்டுப்பாடு.

நேற்று ஹேமில்டனில் நடந்த போட்டியில் ஏராளமான ரசிகர்கள் ஆரஞ்சு கலர் டி-ஷர்ட்டுடன் பார்வையாளர்கள் மாடத்தில் அமர்ந்திருந்தனர்.கோரே ஆன்டர்சன் அடித்த சிக்சர் பந்து பார்வையாளர் மாடத்திற்கு சென்றது. அதை எதிர்பார்த்து காத்திருந்த ஜித்திந்தர் சிங் என்ற இந்திய வம்சாவளி ரசிகர் லாவகமாக தனது வலது கையால் பந்தை பிடித்தார். அவருக்கு உடனடியாக பீர் நிறுவனத்தினர் அங்கேயே குட்டி விழா நடத்தி ரூ.52 லட்சம் பரிசை வழங்கினர்.இதுகுறித்து ஜித்திந்தர் சிங் கூறுகையில், நான் முதலில் சற்று தொலைவில் அமரலாம் என நண்பரிடம் கூறினேன்.

ஆனால் எனது நண்பரோ அந்த இடம் சரிப்பட்டு வராது என்று கூறி தற்போது இருந்த இடத்தில் அமர வைத்தார்.வேகமாக வந்த பந்து என்னை தாண்டி சென்று விடுமோ என நினைத்தேன். ஆனால் கையை உயர்த்திய போது அந்த பந்து என் உள்ளங்கையில் அமர்ந்து விட்டது என சந்தோஷ குரலில் தெரிவித்தார்.இந்த பணத்தில் ஒரு புதிய கார் வாங்க உள்ளேன். நான் படிப்புக்காக வாங்கிய லோனையும் இதன்மூலம் அடைத்து விடுவேன் என்று தெரிவித்தார். 22 வயதாகும் ஜித்திந்தர் அங்குள்ள கிரிக்கெட் கிளப் அணியில் வீரராக உள்ளார் என்பது குறிப்பிடத்தக்கது.
thinakaran