மனைவியிடம் அடி வாங்கும் கணவர்களின் கவனத்துக்கு... :)

மனைவியிடம் அடி வாங்கி, வெளியே சொல்ல முடியாத வேதனையில், தவிக்கும் கணவன்மார்களே... இன்னும், மூலையில் அமர்ந்து, குச்சி மிட்டாயும், குருவி ரொட்டியும் தின்று கொண்டிருக்காமல், உடனடியாக, ராயப்பேட்டையில் உள்ள, ஒய்.எம்.சி.ஏ., மைதானத்துக்கு வாங்க! உங்கள் பிரச்னையை தீர்ப்பதற்கு வழிவகுத்துள்ளது, "தினமலர் ஸ்மார்ட் ஷாப்பர்ஸ்' கண்காட்சி. இங்குள்ள, எலக்ட்ரானிக் மசாஜ் கருவி, உங்களுக்கு கண்முன் உள்ள கடவுள். வாங்கிய அடியில், தசை பிசகிக் கொண்டாலோ, வலியில் உயிர் போனாலோ, இக்கருவியை வைத்து, குறிப்பிட்ட இடத்தில், தேய்த்தால், "பட்'டென வலி பறந்து போகும்.

அதுமட்டுமின்றி, பணம் இல்லாத மாதத்தில், பட்டுப்புடவை கேட்டாலோ, கேட்ட பொருளை வாங்கி கொடுக்காமல் விட்டாலோ, பயப்பட வேண்டாம். உங்கள் மனைவிக்கும், ஐந்து நிமிடம் மசாஜ் செய்தால் போதும்; எல்லா கோபமும் அடங்கி விடும். உடனே இதை வாங்க வேண்டும் என்ற, ஆர்வக் கோளாறில், காலை, 10:30 மணிக்கு முன்பும், இரவு, 8:00 மணிக்கு, பின்பும் வந்து விடாதீர்கள்; கேட் மூடப்பட்ட மைதானத்தை மட்டுமே, பார்க்க வேண்டியதாகி விடும். குறிப்பிட்ட நேரத்துக்குள் வந்து விடுங்கள். கூடுதலாக, குழந்தைகளும் அடம் பிடித்தால், கையோடு கூட்டி வாருங்கள்; இங்குள்ள, திகில் வீட்டுக்கு சென்று வரும் குழந்தைகள், பிறகு உங்களைப் பார்த்தால், பெட்டிப் பாம்பாக அடங்கி விடுவர். பிறகு, காலகாலத்துக்கும், அதை சொல்லியே, சோறு ஊட்டலாம். குடும்பத்துடன் கண்டுகளிக்க, அரங்கில் அனைத்து ஏற்பாடுகளும் செய்யப்பட்டுள்ளன.

வெளியில் வெயில் வாட்டி எடுத்தாலும், அரங்குக்குள், "குளுகுளு' கொடைக்கானல், குளிர்ச்சி உங்களுக்கு கிடைக்கும். இங்குள்ள அரங்குகளில், ஊறுகாய் பொட்டலம் முதல், உலகம் சுற்றும் உயர்தர கார் வரை, அனைத்தும் கிடைக்கும். நீங்கள் டெபிட் கார்டோடு, கைவீசியபடி வந்தால் போதும்; மற்ற அனைத்தையும், விற்பனையாளர்கள் பார்த்துக் கொள்வர். கண்காட்சி முடிய, இன்னும் மூன்று நாட்களே உள்ளன. முடிந்தவரை, கண்காட்சிக்கு உங்கள் மனைவியையும், குழந்தைகளையும் சேர்த்தே, கூட்டி வாருங்கள்; இல்லையெனில், அடிக்கடி எலக்ட்ரானிக் மசாஜ் கருவியை, பயன்படுத்த வேண்டிய சூழல் வரும் என்பதை, கவனத்தில் கொள்ளவும்!

வானில் பறக்கும் "ரிமோட் ஹெலிகாப்டர்!' : "தினமலர் எக்ஸ்போ 2013 வீட்டு உபயோக பொருட்கள் கண்காட்சி, சென்னை, ராயப்பேட்டை ஒய்.எம்.சி.ஏ., அரங்கி"ல் நடந்து வருகிறது. எல்லா விதமான வீட்டு உபயோக பொருட்களும் ஒரே இடத்தில் கிடைப்பதால், மக்கள் கூட்டம் அலைமோதுகிறது.

இதில், "ரிமோட் கார்'களின் கண்காட்சி, பார்வையாளர்களை பெரிதும் கவர்ந்துள்ளது. காரில் ஏறி, சிறார்கள் குதூகலிக்கின்றனர். ஐந்து நாள் கண்காட்சி, ஞாயிற்றுக்கிழமை நிறைவு பெறுகிறது. அன்றைய தினம், "ரிமோட் ஹெலிகாப்டர்' கண்காட்சி நடக்க உள்ளது. மதியம், 1:00 மணி முதல், 5:00 மணி வரை, "ரிமோட் ஹெலிகாப்டர்' பறப்பதை, கண்காட்சிக்கு வரும் மக்கள் பார்க்க முடியும். இது, குட்டீஸ்களை மட்டுமல்ல; பெரியோரையும் பரவசப்படுத்தும்.

"லாஜிக் இல்லா மேஜிக்!' : பிடித்தமான படத்தையோ, பாடலையோ, தொலைக்காட்சியில் பார்த்துக் கொண்டு இருக்கும் போது, திடீரென மின் தடை ஏற்பட்டால், எப்படி இருக்கும்? கல்லால் அடித்து, "ரிமோட்'டை நொறுக்கி விட மாட்டோமா! இப்படி, "டிவி'யே கதி என, அமர்ந்து இருக்காமல், அது போன்ற அவதிகளையும் அனுபவிக்காமல், "தினமலர் எக்ஸ்போ'வுக்கு, உடனே கிளம்பி வாங்க! குழந்தைகள் முதல், பெரியவர்கள் வரை, வயிறு குலுங்க சிரித்து, ஆனந்தத்தில் மூழ்க, இன்றும், நாளையும், காலை முதல், மாலை வரை, "லாஜிக் இல்லா மேஜிக்' புகழ் வசந்த்தின், ஆச்சரியத்தக்க, "மேஜிக் ஷோ' நடக்கிறது!

நமது நிருபர் - dinamalar

ஹா ஹா சூப்பர்மா

அவ்வளவு அழகான மார்க்கெட்டிங் ஆளு