மீண்டும் தேர்தலுக்கு தயாராகிறது டெல்லி!

புதுடெல்லி: டெல்லி  சட்டசபைக்கு நடைபெற்ற தேர்தலில் எந்த கட்சிக்கும் பெரும்பான்மை கிடைக்காததாதோடு, யாரும் ஆட்சியமைக்கவும் முன்வராததால், அங்கு ஜனாதிபதி ஆட்சி அமலாகும் எனத் தெரிகிறது.

டெல்லி சட்டசபைக்கு நடைபெற்ற தேர்தலில்  எந்த கட்சிக்கும் பெரும்பான்மை கிடைக்கவில்லை. மொத்தமுள்ள 70 தொகுதிகளில் பா.ஜனதா 31, ஆம் ஆத்மி 28 காங்கிரஸ் 8 மற்றும் இதர கட்சிகள் 3 இடங்களை கைப்பற்றி உள்ளன.

இந்நிலையில் தங்களுக்கு ஆட்சியமைக்க தேவையான 36 இடங்கள் கிடைக்கவில்லை என்பதால், தாங்கள் ஆட்சியமைக்க உரிமை கோரப்போவதில்லை என்று பா.ஜனதா முதலமைச்சர் வேட்பாளராக அறிவிக்கப்பட்ட ஹர்ஷவர்தன் நேற்றே அறிவித்துவிட்டார்.

அதேப்போன்று இரண்டாம் இடத்தை கைப்பற்றிய ஆம் ஆத்மி கட்சித் தலைவர் அரவிந்த் கெஜ்ரிவால், எதிர்க்கட்சி வரிசையில் அமரப்போவதாகவும், ஆட்சியமைக்க யாருடனும் கூட்டணி அமைக்கப்போவதில்லை என்றும் அறிவித்துவிட்டார். மேலும் டெல்லி சட்டசபைக்கு மீண்டும் தேர்தலை சந்திக்க தயார் என்றும் அவர் கூறியுள்ளார்.

நாடாளுமன்ற தேர்தலுடன் மீண்டும் தேர்தல்?

இதனால் அடுத்து என்ன செய்வது என்பது குறித்து டெல்லி ஆளுனர் சட்ட வல்லுனர்களுடன் ஆலோசனை நடத்தி வருகிறார். எந்த கட்சியுமே ஆட்சி அமைக்க முன்வராததால், இப்போதைக்கு டெல்லி சட்டசபையை முடக்கிவைத்துவிட்டு, ஜனாதிபதி ஆட்சியை அமல்படுத்த அவர் முடிவு செய்திருப்பதாக தகவல்கள் தெரிவிக்கின்றன.

சில நாட்களில் நிலைமையில் மாற்றம் வராவிட்டால், சட்டசபையை கலைத்துவிட்டு, மீண்டும் தேர்தல் நடத்த பரிந்துரைக்க அவர் முடிவு செய்துள்ளதாகவும் அத்தகவல்கள் மேலும் தெரிவிக்கின்றன.

அவ்வாறு பரிந்துரைக்கும்பட்சத்தில் 2014 ஏப்ரல் அல்லது மே மாதம் நடைபெற உள்ள நாடாளுமன்ற தேர்தலுடன் டெல்லி சட்டசபைக்கும் தேர்தல் நடத்தப்படும்.

ஆம் ஆத்மி கட்சிக்கு ஐக்கிய ஜனதா தளம் ஆதரவு

இதனிடையே ஆம் ஆத்மி கட்சி ஆட்சியமைக்க ஆதரவு தருவதாக ஒரு இடத்தில் வெற்றி பெற்றுள்ள ஐக்கிய ஜனதா தளம் கட்சி அறிவித்துள்ளது.  அரவிந்த் கெஜ்ரிவால் முதல்வராகவேண்டும் என்றும் ஆகவே ஆம் ஆத்மி கட்சிக்கு ஆதரவளிக்க முடிவு செய்துள்ளதாகவும் அக்கட்சி அறிவித்துள்ளது.

ஆனால் இதனை ஏற்க ஆம் ஆத்மி கட்சி தயாராக இல்லை எனத் தெரிகிறது.

   

யார் ஆட்சி அமைத்தாலும் கவலையில்லை, ஆனால் காங்கிரசை மட்டும் விடாதிங்க டெல்லி மக்களே.

மறுபடியுமா ?

சில நாட்களில் நிலைமையில் மாற்றம் வரும்
என நம்புவோம்...
-

M.M.SENTHIL wrote:யார் ஆட்சி அமைத்தாலும் கவலையில்லை, ஆனால் காங்கிரசை மட்டும் விடாதிங்க டெல்லி மக்களே.

மேற்கோள் செய்த பதிவு: 1037147எனது நிலையும் இது தான்

ராஜா wrote:

M.M.SENTHIL wrote:யார் ஆட்சி அமைத்தாலும் கவலையில்லை, ஆனால் காங்கிரசை மட்டும் விடாதிங்க டெல்லி மக்களே.

மேற்கோள் செய்த பதிவு: 1037147எனது நிலையும் இது தான்

மேற்கோள் செய்த பதிவு: 1037307

      

பாலாஜி wrote:

ராஜா wrote:

M.M.SENTHIL wrote:யார் ஆட்சி அமைத்தாலும் கவலையில்லை, ஆனால் காங்கிரசை மட்டும் விடாதிங்க டெல்லி மக்களே.

மேற்கோள் செய்த பதிவு: 1037147எனது நிலையும் இது தான்

மேற்கோள் செய்த பதிவு: 1037307

      

மேற்கோள் செய்த பதிவு: 1037510

சரியான முடிவு. பாஜக /ஆம் ஆத்மி கட்சி ரெண்டின் முடிவு வரவேற்க தக்கதே. இப்போதைக்கு யார் ஆட்சி அமைத்தாலும் மைனாரிட்டி ஆட்சி, தான். அதுவே மைனஸ் பாயிண்ட் . லோக் சபா தேர்தலுடன் சட்டசபை தேர்தலை இணைப்பது புத்திசாலித்தனம். செலவு மிச்சம்.
ரமணியன்