மறதி - ஒரு பக்க கதை

**ayyasamy ram** · **ayyasamy ram** Wed Nov 27, 2013 10:23 am

-
அம்புஜமும் சுமதியும் அடுத்தடுத்த போர்ஷன் வாசிகள்.
வழக்கம்போல இருவரும் கறிகாய் வாங்கிவிட்டு,
திரும்பும்போது சுமதி கேட்டாள்..
-
உன் வீட்டுக்காரர் காய்கறிக்கும் மளிகைக்கும் மாசம்
ஐயாயிரம் ரூபாய் கொடுக்கிறார், அதுலயும்
மிச்சம் பிடிக்கிறியா? வெங்காயம் வாங்கலையே...?
-
சேச்சசே அதெல்லாம் ஒண்ணும் இல்ல...வேற ஒரு
காரணம் இருக்கு என சஸ்பென்ஸ் வைத்து
நிறுத்தினாள் அம்புஜம்.
-
வீட்டை நெருங்கும்போது, அம்புஜத்தின் கணவர்
அலுவலகம் செல்ல பைக்கை உதைத்துக்
கொண்டிருந்தார்.
-
இந்தாங்க நூறு ரூபாய், ஆபிசில் இருந்து வரும்போது
ஒரு கிலோ வெங்காயமும் மிச்சத்துக்கு
தக்காளியும் வாங்கிட்டு வாங்க. எனக்கு வரவர
மறதி அதிகமாய் போச்சு..மார்க்கெட்ல வாங்க
மறந்திட்டேன் என அவரிடம் பணத்தை நீட்டினாள்
அம்புஜம்,
-
முனகலோடு வண்டி கிளம்பியது
-
உடனே சுமதி கேட்டாள் ''நான்தான் ஞாபகப்ப
படுத்தினேனே?''
-
அட நீ ஒண்ணு...ஆம்பிளைங்களுக்கு விலைவாசியே
தெரியலை. ஒரு கிலோ வெங்காயத்துக்கே
எண்பது ரூபாய் போகும், மிச்சம் இருபதுக்கு தக்காளி
வாங்கிட்டு வருவார். எப்படி நூறு ரூபாய்
கரையுதுன்னு அவருக்கும் புரியுமில்லை...!
-
அதோட, அடுத்த மாசமே ஐநூறு ரூபாய் அதிகம்
கேட்டாலும் கொடுத்துவாருல்ல, அதுக்குத்தான் இப்படி!
-
அட...! மூக்கின் மேல் விரலை வைத்தாள் சுமதி.
-
-------------------------------------
>கே.எம்.சம்சுதின்
நன்றி: குங்குமம்