மெல்லிசை மன்னரின் பின்னிசைக் களஞ்சியம்

veeyaar · veeyaar Thu Nov 14, 2013 9:09 pm

First topic message reminder :

மெல்லிசை மன்னரின் பின்னிசைக் களஞ்சியம் - Page 2 11-08-2012-16294-1-3

மெல்லிசை மன்னர் ...
தமிழ்த் திரையிசையின் ஜீவன்...
தமிழ்த் திரையிசையின் முன்னோடி....
தமிழ்த் திரையிசையின் இதயம் ....
இதுபோன்ற பல மொழிகளுக்கு உரித்தானவர்...
இதுபோன்ற பல தகுதிகளை உருவாக்கியவர்....
இதுபோன்ற பல பெருமைகளை உள்ளடக்கியவர்...

இவரின் பாடல்கள் ஒலிக்காத நாடில்லை, வீடில்லை, அதை எழுதாத ஏடில்லை, பாடாத வாயில்லை, கேளாத செவியில்லை..

அந்தக் காலத்து கிராமபோன் இசைத் தட்டுத் தொடங்கி
இன்றைய பென்டிரைவ் வரை
இவர் இசை ஆக்கிரமித்துள்ளது...அதில் இடம் பிடித்துள்ளது...

ஆனால்..
பின்னணி இசை...

இவருடைய பின்னணி இசையைப் பற்றிய ஆய்வே இங்கு இடம் பெறுகிறது...
ஆய்வு என்பது சற்று பெரிய சொல்லோ...

இவருடைய இசையில் இடம் பெற்ற கருவிகள் ஈங்கே ஒவ்வொன்றாய் ...

முதலில்...

அக்கார்டின் ...

Akkord ... அக்கார்ட் என்ற ஜெர்மனியச் சொல்லின் திரிபே அக்கார்டின் அல்லது அக்கார்டியன். இசையின் கோர்வை அல்லது ஒலியின் சங்கமம் என்று கூறுகிறது விக்கிபீடியா ...

பக்கம்...http://en.wikipedia.org/wiki/Accordion .. இதில் இந்த இசைக் கருவியைப் பற்றி பல தகவல்கள் உள்ளன.

இந்த அக்கார்டின் இசைக் கருவி மெல்லிசை மன்னரின் பாடல்களிலும் பின்னணி இசையிலும் பல படங்களில் மிகச் சிறப்பாகக் கையாளப் பட்டுள்ளது. மங்களமூர்த்தி என்கிற மாபெரும் இசைக் கலைஞர் இந்த அக்கார்டின் இசைக் கருவியை வாசிப்பதில் நிபுணர். இவருக்கென்றே தனி ரசிகர் கூட்டமும் உண்டு.

மெல்லிசை மன்னர்கள் விஸ்வநாதன்-ராம மூர்த்தி இசையமைத்த படங்களில் பாடல்களிலும், பின்னணி இசையிலும் இந்த இசைக் கருவி அருமையாக ஒலிக்கும். கேட்கக் கேட்க இனிமையக் கூட்டித் தரக் கூடிய அக்கார்டின் வாத்தியம் இடம் பெற்ற பாடல்களில் பணம் படைத்தவன் படத்தில் இடம் பெற்ற கண் போன போக்கிலே பாடல் பிரசித்தம்.

இந்த அக்கார்டின் இசைக் கருவி மெல்லிசை மன்னர்கள் இசையமைத்த படங்களிலிருந்து சில தொகுப்புகள் இங்கே இடம் பெற உள்ளன.

தொடக்கமாக பூஜைக்கு வந்த மலர் திரைப்படத்தில் வெண் பளிங்கு மேடை கட்டி பாடல் முழுதும் அக்கார்டின் இசை ஒலித்துக் கொண்டே இருக்கும். பாடல் சிறப்படைந்து கொண்டே இருக்கும். அப்பாட்டின் துவக்கத்தில் வரும் அக்கார்டின் இசையை இப்போது கேளுங்கள்.

https://soundcloud.com/veeyaar/venpalingu-accordion

veeyaar · veeyaar Fri Jan 31, 2014 7:05 am

அன்பு நண்பர்களே,
மெல்லிசை மன்னர் எம்.எஸ்.விஸ்வநாதன் அவர்களின் ரசிகர்களால் நடத்தப் படும் எம்.எஸ்.வி.அவர்களுக்கான அதிகார பூர்வமான இணைய தளம், எம்எஸ்விடைம்ஸ், இதனுடைய ஏழாம் ஆண்டு விழா வரும் பிப்ரவரி 22ம் தேதி நடைபெற உள்ளது. அழைப்பிதழின் நிழற்படம் கீழே தரப்படுகிறது. விழாவில் மெல்லிசை மன்னரின் இசைக்குழுவில் பணியாற்றிய தபேலா பிரசாத் அவர்களும், ஏவிஎம் ஒலிப்பதிவுப் பொறியாளர் திரு சம்பத் அவர்களும் கௌரவிக்கப் படுகிறார்கள். அனைவரும் வருக.

மெல்லிசை மன்னரின் பின்னிசைக் களஞ்சியம் - Page 2 Msvtimesannivinvitedesign2fw_zpsb05d1601