உலகச் செய்திகள்!

First topic message reminder :

 தென் ஆப்பிரிக்காவில் பஸ் விபத்தில் 29 பேர் பலி



ஜோகன்ஸ்பர்க், தென் ஆப்பிரிக்கா நாட்டின் கிழக்கே அமைந்துள்ள மபுமாலாங்கா மாகாணத்தில் நேற்று  நள்ளிரவு பஸ்சும், லாரியும் பயங்கரமாக மோதின. அதில் 29 பேர் பரிதாபமாக செத்தனர். மேலும் பலத்த காயம் அடைந்த 18 பேர் மீட்கப்பட்டு மருத்துவமனைகளில் சேர்க்கப்பட்டனர்.இந்த விபத்துக்கான காரணம் தெரியவில்லை. பொதுவாக தென் ஆப்பிரிக்காவில் சாலை விபத்துகளில் ஆண்டுக்கு 14 ஆயிரம் பேர் இறப்பதாகவும், அதற்கு சாலை சரிவர பராமரிக்காமல் இருப்பதே காரணம் என்று கூறப்படுகிறது.

சிறிய அல்லது நீண்ட போருக்கு தயார்: பாகிஸ்தான் பாதுகாப்பு மந்திரி

இந்திய தலைமைக்கு போர் வெறி மேலோங்கினால் சிறிய அல்லது நீண்ட போருக்கு பாகிஸ்தான் தயாராக உள்ளது என்றும் இந்தியாவுக்கு பலத்த இழப்பை ஏற்படுத்தும் என்றும் அந்நாட்டு பாதுகாப்பு துறை மந்திரி கவாஜா ஆசிப் கூறியுள்ளார்.

இந்திய ராணுவ தளபதி தல்பீர் சிங், வருங்காலத்தில் சிறிய மற்றும் வேகமுடனான போருக்கு இந்தியா தயாராகி வருகிறது என்று வெளியிட்ட அறிக்கையை அடுத்து ஆசிப்பின் பதில் கருத்து வெளியாகியுள்ளது. ரேடியோ பாகிஸ்தான் நிகழ்ச்சி ஒன்றில் கலந்து கொண்டு ஆசிப் பேசும்போது, பாகிஸ்தான் அமைதியில் நம்பிக்கை கொண்டுள்ளது. ஆனால் எந்த தாக்குதலுக்கும் எப்படி பதிலடி கொடுக்க வேண்டும் என தெரியும் என்று கூறியுள்ளார்.

இந்திய ராணுவ தளபதியின் கருத்து குறித்து பேசிய ஆசிப், இந்தியா சிறிய அல்லது நீண்ட போரை தொடுத்திட்டால் அதற்கு சரியான பதிலடி கொடுக்க பாகிஸ்தான் முழு அளவில் தயாராகவுள்ளது என கூறியுள்ளார். இதற்கு முந்தைய போர்கள் குறித்து அவர் பேசுகையில், கடந்த 1965ம் ஆண்டு இந்திய படைகளின் தாக்குதல்களை பாகிஸ்தான் படையினர் முறியடித்தனர்.

1965ம் ஆண்டில் லாஹூரை ஆக்கிரமிக்கும் இந்தியாவின் கனவை எங்களது படைகள் நசுக்கின. வருங்காலத்திலும் இதனையே நாங்கள் செய்வோம் என அவர் கூறியுள்ளார். கடந்த 50 வருடங்களுக்கு முன்பு இருந்ததை விட அதிக அனுபவம் மற்றும் செயல் திறனுடன் பாகிஸ்தான் ராணுவம் தற்பொழுது உள்ளது என அவர் கூறியுள்ளார். தீவிரவாதத்திற்கு எதிராக பல வருடங்களாக எங்களது படைகள் போரிட்டு வந்துள்ளன.

எந்த சவாலையும் எப்படி எதிர்கொள்ள வேண்டும் என அவர்களுக்கு தெரியும் என்றும் அவர் கூறியுள்ளார். எனினும், பிரதமர் நவாஸ் ஷெரீப் அமைதியில் நம்பிக்கை கொண்டுள்ளார் என ஆசிப் கூறியுள்ளார். சமீபத்தில் எல்லை கட்டுப்பாட்டு கோடு பகுதியில் எழுந்த பதற்றம் மற்றும் இந்திய மற்றும் பாகிஸ்தானிய படைகளுக்கு இடையே நடந்த துப்பாக்கி சூடு ஆகியவற்றை அடுத்து ஆசிப்பின் இந்த கருத்து வெளியாகியுள்ளது.

ஒரு வரிச் செய்திகள்!

குவாட்டமாலா: குவாட்டமாலா நாட்டின் அதிபர் ஓட்டோ பெரஸ் தனது பதவிலியிலிருந்து விலகிய அடுத்த சில மணி நேரங்களில் கைது செய்யப்பட்டு சிறையில் அடைக்கப்பட்டார்.

இலண்டன்: சிரியா சிறுவன் மரணத்தின் எதிரொலி – மேலும் ஆயிரக்கணக்கில் சிரியா அகதிகளுக்கு தஞ்சம் தருவோம் என பிரிட்டிஷ் பிரதமர் டேவிட் கெமரூன் அறிவிப்பு!

கோலாலம்பூர்: “மகாதீர் மீது காவல் துறை நடவடிக்கை வேண்டாம்” அமைச்சர் நஸ்ரி வேண்டுகோள்!

கோலாலம்பூர்: கள்ளக் குடியேறிகள் படகு விபத்து – மரண எண்ணிக்கை 24 ஆக உயர்ந்தது!

கோலாலம்பூர்: “மலேசியாவுக்கு எல்லாமே இறங்கு முகமாக இருக்கின்றது” – நஜிப்பின் தம்பி நசிர் ரசாக்

கொபானே: தனது மரணத்தால், உலகை அதிர்ச்சிக்குள்ளாக்கி திரும்பிப் பார்க்க வைத்த 3 வயது சிரியா சிறுவன் சிரியா எல்லையில் நல்லடக்கம்!

கோலாலம்பூர்: “2.6 பில்லியன் சாதாரண நன்கொடையல்ல – பிரம்மாண்ட ஊழல்” – வெளிப்படைத்தன்மைக்கான அனைத்துலக மன்றத் தலைவர் கூறுகின்றார்.

கோலாலம்பூர்: “நஜிப் பதவி விலகி 700 மில்லியன் அமெரிக்க டாலர் நன்கொடை மீதான விசாரணைக்கு வழிவிட வேண்டும்” -ஐக்கிய நாட்டு சபையின் ஊழல் ஒழிப்புக்கான கூட்டமைப்பின் தலைவர் அறைகூவல்

ஜோகூர் பாரு: “ஐக்கிய அரபு குடியரசிடம் 10-0 கோல் கணக்கில் மலேசியா மோசமான தோல்வி – காரணமான பயிற்சியாளரை மாற்றுங்கள்” – ஜோகூர் இளவரசர் அறைகூவல்

கோலாலம்பூர்: “நஜிப் பெற்ற சர்ச்சைக்குரிய நன்கொடையை இனியும் புத்ரா ஜெயா மூடி மறைக்க முடியாது” – பிரபல அமெரிக்க பத்திரிக்கையாளர் டேவிட் கப்ளான் ஊழல் தடுப்பு மாநாட்டில் பேச்சு

உலகையே உலுக்கிய சிரிய குழந்தையின் மரணம்: தாய் மற்றும் சகோதரனுடன் சொந்த ஊரில் அடக்கம்

சிரியாவில் நிலவும் போர்ச்சூழல் காரணமாக, ஐரோப்பாவிற்கு சென்று தஞ்சம் புகுவதற்காக, லட்சக்கணக்கான அகதிகள் கடல் வழியாக பாதுகாப்பற்ற பயணம் மேற்கொண்டுள்ளனர். இவர்களில் 23 பேர், கடந்த புதன் அன்று, துருக்கியிலிருந்து கிரீஸ் நாட்டிற்கு இரு படகுகளில் சென்றனர். அதில் படகு கவிழ்ந்து 12 பேர் நடுக்கடலில் மூழ்கி மூச்சுத்திணறி, துடிதுடித்து பலியாகினர். 9 பேர் மட்டுமே பிழைத்துள்ளதாக தெரிவிக்கப்பட்டுள்ளது.

அதில் ஒருவன்தான் மூன்று வயதே ஆன ஐலன். அவனோடு சேர்ந்து அவன் தாயும் 5 வயது அண்ணனும் நீரில் மூழ்கி இறந்தனர். முன்னரே இது போன்ற சம்பவங்கள் பல நிகழ்ந்திருந்தும் கூட தன் நாட்டிற்கு அகதிகளை அழைத்துக்கொள்வதில் ஆர்வம் காட்டாமல் பிடியை இறுக்கியபடியே இருக்கிறார்கள் ஐரோப்பிய கொள்கை வகுப்பாளர்கள்.

இந்த நிலையில், 3 வயது குழந்தையான ஐலன், கடற்கரை மணலில் முகம் புதைத்தபடி, வெறும் சடலமாகக் கிடக்கும் புகைப்படம், உலகின் கள்ள மௌனத்தை அசைத்து பார்க்கத் துவங்கியுள்ளது. இந்த கொடூர சம்பவம் நடந்த துருக்கியின் போட்ரம் மாவட்டம், கடல் கடந்து வரும் அகதிகளின் சந்திப்பு புள்ளியாக உள்ளது. இங்குள்ள அகியர்லார் கடற்கரையில், கடந்த புதன்கிழமை காலை 6 மணியளவில் நிலுபர் டெமிர் என்ற பெண் புகைப்பட-நிருபர் இந்த புகைப்படத்தை எடுத்துள்ளார்.

இந்நிலையில் இறந்த மூவரின் உடலும், அவர்களது சொந்த ஊரான சிரியாவின் கொமானியில் இன்று அடக்கம் செய்யப்பட்டது. இந்த இறுதிச் சடங்கு நிகழ்ச்சியில் குடும்பத் தலைவரான அப்துல்லா கதறி அழுதபடி, தன் குடும்பத்தினரின் உடல்களை வலம் வந்த காட்சி, அங்கு கூடியிருந்தவர்களை விம்மி அழ வைத்தது.

எல்லையை கடந்தது குறித்து இறந்த குழந்தையின் தந்தையான அப்துல்லா குர்தி கூறுகையில், “என்னுடைய குடும்பத்தின் மரணம் அரபு நாடுகள் சிரிய அகதிகளுக்கு உதவ வைக்கும் என்று நம்புகிறேன்.” என்று பிற அகதிகளின் உயிர் காக்கும் அக்கறையுடன் கண்ணீர் சிந்தினார்.

‘ஐ.எஸ். தீவிரவாதிகளை சும்மாவிடமாட்டேன், நாடு திரும்பி அவர்களுக்கு எதிராக சண்டையில் குதிப்பேன்’ கடலில் பலியான பிஞ்சுக் குழந்தையின் தந்தை

‘ஐ.எஸ். தீவிரவாதிகளை சும்மாவிடமாட்டேன், நாடு திரும்பி அவர்களுக்கு எதிராக சண்டையில் குதிப்பேன்’ என்று கடலில் பலியான பிஞ்சுக் குழந்தையின் தந்தை அப்துல்லா குர்தி கூறிஉள்ளார்.

சிரியாவின் உள்நாட்டுப்போர், அந்த நாட்டு மக்களின் வாழ்க்கையை சின்னாபின்னமாக்கி விட்டது. அவர்களில் பலரும் தங்கள் மீதியான வாழ்க்கையை கழித்தே ஆக வேண்டும் என்ற நிர்ப்பந்தமான நிலையில், அண்டை நாடான துருக்கி வழியாக ஐரோப்பிய நாடுகளுக்கு அகதிகளாக சென்று கொண்டிருக்கிறார்கள். ஆனால் அகதிகள் பிரச்சினையை ஐரோப்பிய நாடுகள் தீராத தலைவலியாக கருதுகின்றன. இந்நிலையில் துருக்கியில் கடலில் பலியாகிக்கிடந்த குழந்தை அய்லான் படம், உலகையே உலுக்கி விட்டது. இதனையடுத்து ஐரோப்பிய நாடுகளின் நிலைப்பாட்டிலும் சற்று மாற்றம் வந்துஉள்ளது.

குழந்தை அய்லானின் தந்தை முதலில் கனடாவிடம் அடைக்கலம் கேட்டு உள்ளார் என்ற தகவல் வெளியாகிஉள்ளது. ஐ.எஸ். தீவிரவாதிகளின் தாக்குலுக்கு பயந்து சிரியாவின் கொம்பானி நகரில் இருந்து கடந்த ஆண்டு துருக்கி சென்ற அப்துல்லா குர்தி என்பவர், தனது மனைவி ரெஹான், மூத்த மகன் காலிப்(வயது 5), இளைய மகன் அய்லான்(3) ஆகியோருடன் கனடா நாட்டில் அடைக்கலம் புக அனுமதி கேட்டார். அது நிராகரிக்கப்பட்டது. இதனால் கிரீஸ் நாட்டுக்கு கள்ளப்படகில் சென்று அங்கிருந்து ஏதாவது ஒரு ஐரோப்பிய நாட்டில் தஞ்சம் புகுந்தவிடலாம் என்று கருதினார்.

துருக்கி கடல் பகுதியில் மனைவி குழந்தைகளுடன் திருட்டு படகில் பயணம் செய்வதற்காக 3.5 லட்சம் ரூபாயை அப்துல்லா குர்தி கொடுத்து இருக்கிறார். பாதுகாப்பற்ற கடல் பயணத்தை மேற்கொண்டபோதுதான் அப்துல்லா குர்தி தனது மனைவி குழந்தைகளை ராட்சத கடல் அலைகளுக்கு காவு கொடுக்க நேர்ந்தது. அதுவும் பிஞ்சுக் குழந்தை அய்லான் கடற்கரையில் முகம் புதைந்த நிலையில் பிணமாக கிடந்த புகைப்படம் உலகையே ஒரு உலுக்கு உலுக்கிவிட்டது.

முதலில் அப்துல்லா குர்திக்கு அடைக்கலம் கொடுக்க மறுத்த கனடா அரசு, தற்போது அய்லானின் மரணக் காட்சியைப் பார்த்தும், எதிர்க்கட்சிகளின் வற்புறுத்தலுக்கும் பதறிப்போய் அவருக்கு அடைக்கலம் கொடுக்க முன் வந்துள்ளது. ஆனால், அப்துல்லா குர்தி கனடாவின் அழைப்பை ஏற்க மறுத்துவிட்டார்.

அப்துல்லா குர்தி பேசுகையில், எனது மனைவிதான் இந்த உலகம். அவள் இல்லாமல் எதுவுமே கிடையாது. மனைவியும், குழந்தைகளும் என் கைகளில் இருந்தபோதே மரணத்தை தழுவி விட்டனர். தற்போது, எனது இளைய மகன் இறந்த புகைப்படக் காட்சியை பார்த்து எனக்கு அடைக்கலம் தருவதாக கனடா அரசாங்கம் கூறுகிறது. இதை நான் ஏற்கப் போவதில்லை. எனது குடும்பத்தையே இழந்துவிட்டேன். இனி நான் கனடா சென்று வாழ்வதால் எதுவும் ஆகிவிடாது. என்னை இந்த நிலைக்கு ஆளாக்கிய ஐ.எஸ். தீவிரவாதிகளை சும்மாவிடமாட்டேன். நாடு திரும்பி அவர்களுக்கு எதிராக சண்டையில் குதிப்பேன்.என்று கூறிஉள்ளார்.

நன்றி சிவா

ஐயோ பாவம் !

ரமணியன்

பெரு நாட்டை அதிர வைத்த நிலநடுக்கம்: 4 பேர் பலி, பலர் காயம்

லிமா: பெரு நாட்டில் ஏற்பட்ட நிலநடுக்கத்திற்கு 4 பேர் பரிதாபமாக உயிரிழந்தனர். பலர் காயமடைந்துள்ளனர்.

கைலோமா மாகாணத்தில் உள்ள ஆரெக்வீபா மற்றும் அன்யு பகுதிகளில் ஏற்பட்ட இந்த நிலநடுக்கம் 5.3 ஆக பதிவாகியுள்ளது. இரவு நேரத்தில் ஏற்பட்ட இந்த நிலநடுக்கத்தால் பல வீடுகள் இடிந்து விழுந்து இடிபாடுகளில் சிக்கியுள்ளனர். இந்த நிலநடுக்கத்தில் 4 பேர் உயிரிழந்ததாகவும் சுற்றுலா பயணிகள் உள்பட 30-க்கும் மேற்பட்டோர் காயமடைந்ததாகவும் தகவல்கள் வெளியாகியுள்ளது.

சம்பவ இடத்துக்கு வந்த மீட்புக் குழுவினர் ஹெலிகாப்டர் மூலம் மீட்பு பணிகளில் ஈடுபட்டு வருகின்றனர். இடிபாடுகளில் இருந்து மீட்கப்பட்டவர்கள் சிகிச்சைக்காக மருத்துவமனைக்கு கொண்டு செல்லப்பட்டனர்.

மிகவும் தாழ்வான பகுதியான கைலோமா மாகாணத்தில் கடந்த 2007-ம் ஆண்டு ஏற்பட்ட நிலநடுக்கத்தில் நூற்றுக்கணக்கானோர் பலியானர்கள் என்பது குறிப்பிடத்தக்கது

-

91 அடி ஆழம் உள்ள கடலில் 38 மணி நேரம் நீந்தி உயிர் தப்பிய பெண்

சீனாவை சேர்ந்த பான் (32) என்ற பெண், ஜப்பானிலிருந்து ஷாங்காய் நகருக்கு சென்ற குரூஸ் என்ற கப்பலில் கடந்த 10ம் தேதி பயணம் செய்துள்ளார். அவர் ஷாங்காய் பகுதி அருகே வந்த போது கப்பலில் இருந்து தவறி விழுந்துள்ளார்.

ஆனால் தன் மகள் வீடு திரும்பாததை அறிந்த அவரது தந்தை பான் சென்ற கப்பலுக்கு தொடர்புகொண்டு பேசியுள்ளார். ஆனால் அவர்களோ தாங்கள் பயணிகள் அனைவரையும் ஷாங்காய் நகரில் இறக்கிவிட்டதாக கூறினார்.

இந்நிலையில் கடந்த 11 ஆம் தேதி அப்பகுதி வழியே படகில் சென்ற ஒருவர் பான் கடலில் தத்தளித்துகொண்டிருப்பதை கண்டு அவரை உயிருடன் மீட்டு மருத்துவமனையில் அனுமதித்துள்ளார்.

அவர் கடலில் தத்தளித்துக் கொண்டிருந்த போது மீன்கள் சில கடித்திருப்பதாகவும், அதனால் லேசான காயங்கள் ஏற்பட்டுள்ளதாகவும் மருத்துவர்கள் தெரிவித்துள்ளனர்.

மேலும் 91 அடி ஆழம் உள்ள கடலில் ஒரு லைப் ஜாக்கெட் இல்லாமலும், உணவு எதுவுமில்லாமல் தொடர்ந்து 38 மணி நேரம் கடலில் பான் உயிருடன் மீட்கப்பட்டதை கண்டு அவரது தந்தையார் மகிழ்ச்சி அடைந்துள்ளார்.

பான் ஒரு நல்ல நீச்சல் வீரர் என்பதால், அவர் உயிர் பிழைத்திருக்க வாய்ப்பு இருக்கலாம் என்று கூறப்படுகிறது

வாழ்த்துக்கள் பான் .நீண்ட ஆயுள் கடவுள் உனக்கு அருள்வாராக.

ரமணியன்