கிராமத்து வாடைகள்!

**சிவா** · **சிவா** Mon Nov 04, 2013 4:48 am

அத்தை மகனைப் பார்க்கும்பொழுது வரும் கிராமத்து வெட்கம்
சண்டையிட்டுக் கொண்டாலும் சாவில் கலந்துகொள்ளும் உறவுகள்
அடைக்காத பெரிய கதவுகள்
அணையாத பெருஅடுப்புகள்
சாணி தெளித்த வாசல்கள்

ஊரைக்கூட்டும் மஞ்சள் நீராட்டு விழாக்கள்
நீளமான ஒலிபெருக்கிகள்
சூடாக சொம்பில் கறக்கும்பால்
காலையில் கூவும் சேவல்
பம்பு செட்டில் குளிக்கும் பச்சைக் கிளிகள்

மேய்ச்சலுக்காகப் போகும் எருமை மாடுகள்
அவை போடும் சாணியில் தட்டப்படும் வறட்டிகள்
எரிந்த வறட்டியின் சாம்பலில் பல் தேய்க்கும் ருசி
பயிர்களுக்காக சாலையின் இரு புறமும் போடப்படும் எருக்குழிகள்
தாவணி போடச் சொல்லிக் கொடுத்த பல் போன கிழவி
வெற்றிலை இடிக்கும் உரல்

அரை மணிக்கொருதரம் நேரத்தைச் சொல்லும் புகை வண்டியின் சத்தம்
பேய்க் கதைகள் சொல்லும் பிள்ளைமடமும், பனையங்குளமும்
முள் குத்தியவுடன் உடனே கிடைக்கும் எருக்கம்பால்
கண்ணில் தூசி விழுந்தவுடன் கிடைக்கும் தாய்ப்பால்

மணக்க மணக்கமசாலா அரைக்கும் அம்மிக்கல்லும், ஆட்டு உரலும்
பூட்டிக் கிழவி செய்து தந்த சோளக் காடி
வழி நெடுகிலும் வாயில் எச்சில் ஊற வைக்கும் புளியமரங்கள்
காக்கை தின்று விட்டுப் போடும் வேப்பம்பழக் கொட்டைகள்
அந்தக்கொட்டைகளைப் பொறுக்கும் சட்டையில்லாச் சிறுமிகள்
பல்லாங்குழி ஆடிக்கொண்டே -

பக்கத்து வீட்டு அண்ணனைப் பார்க்கும் தாவணி போட்ட அக்காக்கள்
இளைப்பாறும் திண்ணைகள்
காலம் காலமாக கதைகள் சொல்லும் சுமைதாங்கி
கோயில் கொடையில் அடிக்கும் வில்லுப்பாட்டும் கும்மியும்
அர்த்த ராத்திரியில் வரும் கோடாங்கி...

இப்படி கிராமத்து வாடைக் காற்றுகள் என்னைக் குளிர வைத்தாலும்
மேலூர், கீழூர் என்று பாகுபாடு பார்க்காத -
நகரத்தை விரும்பும் பைங்கிளி நான்.

தென்காசிப் பைங்கிளி

**ஜாஹீதாபானு** · 16/04/2011

கிராம வாடை அருமை

எங்க ஊர்ல வயசு பொண்ணுக சாயந்திர நேரம் ஊரணிக்கு வந்து பொழுது சாயும்வரை தோழிகளுடன் சிரித்துப் பேசிவிட்டு வீட்டுக்கு போவாங்க...ஆனா இப்போ அந்த பழக்கம் இல்ல சோகம்

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**சிவா** · **சிவா** Mon Nov 04, 2013 1:19 pm

ஜாஹீதாபானு wrote:கிராம வாடை அருமை

எங்க ஊர்ல வயசு பொண்ணுக சாயந்திர நேரம் ஊரணிக்கு வந்து பொழுது சாயும்வரை தோழிகளுடன் சிரித்துப் பேசிவிட்டு வீட்டுக்கு போவாங்க...ஆனா இப்போ அந்த பழக்கம் இல்ல

இப்ப எந்த ஊர் பக்கம் இந்தப் பழக்கம் இருக்குன்னு சொன்னீங்கன்னா..... கண்ணடி

**ஜாஹீதாபானு** · **ஜாஹீதாபானு** Mon Nov 04, 2013 1:38 pm

சிவா wrote:
ஜாஹீதாபானு wrote:கிராம வாடை அருமை

எங்க ஊர்ல வயசு பொண்ணுக சாயந்திர நேரம் ஊரணிக்கு வந்து பொழுது சாயும்வரை தோழிகளுடன் சிரித்துப் பேசிவிட்டு வீட்டுக்கு போவாங்க...ஆனா இப்போ அந்த பழக்கம் இல்ல
இப்ப எந்த ஊர் பக்கம் இந்தப் பழக்கம் இருக்குன்னு சொன்னீங்கன்னா.....

எந்த ஊர்ல இருந்தாலும் ஆண்களுக்கு அங்கே அனுமதி இல்லையே இல்லையே ஜாலி

**krishnaamma** · **krishnaamma** Mon Nov 04, 2013 3:31 pm

மன்னிக்கணும் பானு, நான் கிராமத்து வடைகள் என்று படித்துவிட்டு உள்ளே வந்துவிட்டேன் புன்னகை

**ஜாஹீதாபானு** · **ஜாஹீதாபானு** Mon Nov 04, 2013 4:38 pm

krishnaamma wrote:மன்னிக்கணும் பானு, நான் கிராமத்து வடைகள் என்று படித்துவிட்டு உள்ளே வந்துவிட்டேன்

என்ன இப்படி ஆளாளுக்கு காமெடி செய்றீங்க சிரிப்பு

**சிவா** · **சிவா** Mon Nov 04, 2013 4:42 pm

krishnaamma wrote:மன்னிக்கணும் பானு, நான் கிராமத்து வடைகள் என்று படித்துவிட்டு உள்ளே வந்துவிட்டேன்

தீபாவளி நேரம், எதைப் பார்த்தாலும் இப்படித்தான் வடை, நெய்யுருண்டை, அதிரசம் போலவே தெரியும்!

இதன் பெயர் தீபாபோஃபியா! சிப்பு வருது

**krishnaamma** · **krishnaamma** Mon Nov 04, 2013 6:24 pm

சிவா wrote:
krishnaamma wrote:மன்னிக்கணும் பானு, நான் கிராமத்து வடைகள் என்று படித்துவிட்டு உள்ளே வந்துவிட்டேன்
தீபாவளி நேரம், எதைப் பார்த்தாலும் இப்படித்தான் வடை, நெய்யுருண்டை, அதிரசம் போலவே தெரியும்!

இதன் பெயர் தீபாபோஃபியா!

ஹா....ஹா..........ஹா........... புன்னகை

**krishnaamma** · **krishnaamma** Mon Nov 04, 2013 6:25 pm

ஜாஹீதாபானு wrote:
krishnaamma wrote:மன்னிக்கணும் பானு, நான் கிராமத்து வடைகள் என்று படித்துவிட்டு உள்ளே வந்துவிட்டேன்
என்ன இப்படி ஆளாளுக்கு காமெடி செய்றீங்க

"ஊரோடு ஒத்து வாழ் " என்பார்களே அது இது தான் பானு புன்னகை

Sponsored content · Sponsored content

கிராமத்து வாடைகள்!

கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

Re: கிராமத்து வாடைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக