கிராமத்து காதல்...

பூவன் · பூவன் Sat Sep 29, 2012 11:06 am

குறிப்பு: ஒரு கிராமத்து காதலி, தனது காதலனை காண வருவதாய் சொல்லிவிட்டு வர இயலாத காரணத்தையும், அவள் அவன் மீது கொண்ட அழமான அன்பினையும் அவளது வழக்கு மொழியிலேயே வெளிப்படுத்தும் விதமாக எழுதப்பட்டது.

ஆத்தங்கர ஓரத்துல
அந்தி சாயும் நேரத்துல
காத்து கெடப்பீக
கண்சிமிட்ட மறப்பீக..

தூது சொல்ல ஆளுமில்ல
தோழி இப்ப பக்க மில்ல..
சேதி சொல்லுஞ் சின்னப் புள்ள(தங்கை)
எதிரியானா என் அப்பன் சொல்ல..

இப்ப, செங்காத்தும் வீசுதய்யா
உம் செவி சாச்சு கேளுமய்யா,
பொச கெட்ட இவ மனசில்
புயலடிக்கும் சேதி சொல்லும்..

உயிரோட உயிர் சேந்து
உன் கூட வாழுரப்ப,
புரியாத என் அப்பன்
புது வரன கூட்டி வந்தான்..

அவன்,
அரும்பு மீசைக்காரன்
ஆளு ரொம்ப கெட்டிக்காரன்
ஜல்லிக்கட்டு காளனாலும்
மல்லுக் கட்டும் வீரனவன்

மிடுக்கான பார்வையிலே
மீன் கொத்தும் தூண்டி லவன்
சொடுக்கு போட்டதுமே
சொர்க்கங் காட்டும் சொத்துக் காரன்,
இப்படித் தான் சொல்லுறாக
என் ஊரில் எல்லாரும்...

ஆனா,
நீர்., காலையில கலப்ப கட்டி
காணி யெல்லாம் உழுது புட்டு,
களச்சு போன உமக்கு கொஞ்சம்
கம்மக் கூழு குடுக்குரப்ப..,

ஒரு வாயி ஊட்டி விட்டு
உசுர கொள்ளும் உன் அன்ப,
கோடி கொட்டிக் கொடுத்தாலும்
கொடுப்பானா இவஞ் சொல்லு..?

என் கண்ணெதிரே நிக்கிறவன்
கருங் கல்லா தெரியி றான்யா.
கண்ணுக் கெட்ட தூரத்துல
காத்துகிட்டு நீ இருந்தும்,
என் கண்டாங்கி சேலையாகி
என்னக் கட்டிக்கிட்டு நிக்கி ரய்யா..

பொழுது நல்லா சாஞ்சு போச்சு
திரி விளக்கும் ஏத்தியாச்சு.
தூது சொல்ல ஆளில்லா
துரதிஷ்ட வதி யானே.,

நல்லாப் போய் தூங்கு மைய்யா
நாள வந்து பாப்பே னய்யா..
இப்ப, தூக்கம் வந்து சொக்கியதும்
சொப்பனத்தில் சேர்வோமய்யா ..!

நன்றி அகல்

balakarthik · balakarthik Sat Sep 29, 2012 11:11 am

கிராமத்து காதலை அகல் கொண்டு வெளிச்சத்திற்கு கொண்டுவந்த கிராமத்து ராசா பூவென் வாழ்க வளர்க நன்றி பகிர்விற்கு அருமையிருக்கு

பூவன் · பூவன் Sat Sep 29, 2012 11:15 am

balakarthik wrote:கிராமத்து காதலை அகல் கொண்டு வெளிச்சத்திற்கு கொண்டுவந்த கிராமத்து ராசா பூவென் வாழ்க வளர்க நன்றி பகிர்விற்கு

என்னது ராசா வா என்னை விட்டு விடுங்க அய்யோ, நான் இல்லை

ச. சந்திரசேகரன் · 16/09/2012

கிராமமோ நகரமோ
காதல் = காதல் மட்டுமே

என் மனதில் கிராமம் கொண்டு வந்த கிராமராஜனே வாழ்க வாழ்க.

யினியவன் · யினியவன் Sat Sep 29, 2012 11:55 am

கிராமத்து மைனர் பூவெனின் பகிர்வு நன்று.

பூவன் · பூவன் Sat Sep 29, 2012 12:06 pm

யினியவன் wrote:கிராமத்து மைனர் பூவெனின் பகிர்வு நன்று.

வாழ்த்திய நகரத்து மேஜர் அண்ணாவுக்கு நன்றி .... புன்னகை

யினியவன் · யினியவன் Sat Sep 29, 2012 12:08 pm

நரகத்து மேயர் சைதையார் அடிக்கப் போறாரு...

balakarthik · balakarthik Sat Sep 29, 2012 12:10 pm

யினியவன் wrote:நரகத்து மேயர் சைதையார் அடிக்கப் போறாரு...

அவரு இப்போ அமொண்ட் அடிக்கிறதுல பிசியாம் ஆளை அடிப்பது அவரது ~~பிசின் கிராதர்~~ கசின் பிரதர் ஆவடியாராம்

பூவன் · பூவன் Sat Sep 29, 2012 12:14 pm

யினியவன் wrote:நரகத்து மேயர் சைதையார் அடிக்கப் போறாரு...

balakarthik wrote:
யினியவன் wrote:நரகத்து மேயர் சைதையார் அடிக்கப் போறாரு...

அவரு இப்போ அமொண்ட் அடிக்கிறதுல பிசியாம் ஆளை அடிப்பது அவரது ~~பிசின் கிராதர்~~ கசின் பிரதர் ஆவடியாராம்

அப்படின மிசின் தானே பிஸியா இருக்கும் ...
அவர் குஷியா தானே இருப்பார் ...
நான் கொஞ்சம் ஈசியா சொல்லிட்டேன் ....

**கரூர் கவியன்பன்** · 23/09/2012

கிராமத்து காதலை
கஞ்சி கலையத்துனுள் வைத்து
பகிர்ந்தளித்தமைக்கு
நன்றி

Sponsored content · Sponsored content

கிராமத்து காதல்...

கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

Re: கிராமத்து காதல்...

www.karurkaviyanban.blogspot.in

Re: கிராமத்து காதல்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக