நம்பிக்கைக்கு வெற்றி கிடைக்குமா?

**ayyasamy ram** · **ayyasamy ram** Thu Oct 24, 2013 6:01 am

--
குட்டித் தவளைகள் இரண்டு குதித்து விளையாடிக் கொண்டிருந்தன.

அங்கு ஆழம் அதிகமான ஒரு பாத்திரத்தில் பால் பாதி அளவு இருந்தது.

தாவிக் குதித்துக் கொண்டிருந்த இரண்டு தவளைகளும் பாலில் விழுந்தன.

தான் விழுந்தது பால் என்று தெரிந்ததும் தன்னால் பிழைக்க முடியாது என்று நம்பியது ஒரு தவளை.

அந்தத் தவளை மிகவும் அவநம்பிக்கை கொண்டது. அதனால் அது தப்பிக்க முயற்சி ஏதும் செய்யாமலிருந்தது. பாலிற்குள் மூழ்கி அதனடிக்குச் சென்று உயிரை விட்டது.

இன்னொரு குட்டித் தவளையோ தான் அதிலிருந்து தப்பித்து விடுவோம் என்கிற நம்பிக்கை கொண்டிருந்தது.

அது பால் என்று தெரிந்தும் தன் கால்களைப் போட்டு, இங்கும் அங்கும் அடித்து உதைத்தது நீச்சல் போட்டது. பாலுக்குள் உந்தி..உந்தி நீந்திக் கலக்கியபடி இருந்தது.

பால் கலங்க ஆரம்பித்தது. அந்தப் பாலில் மேலாக ஆடை படரத் தொடங்கியது. அந்தத் தவளை மேலும்... மேலும்... உதைக்க... அந்தப் பாலின் மேலிருந்த ஆடை சிறிதுசிறிதாக வெண்ணைய்ப் பந்து போல உருண்டு பாலில் மிதந்தது.

நம்பிக்கை கொண்ட தவளை வெண்ணைய் மீது சற்று அமர்ந்து இளைப்பாறியது, பின் அதிலிருந்து வெளியே தாவிப் பாய்ந்தது.

நம்பிக்கையுடையவன் செய்யும் செயல்கள் அவனுக்கு எப்போதும் வெற்றியைத் தேடித் தருகிறது.

*****
நன்றி: முத்துக்கமலம்

அசுரன் · அசுரன் Thu Oct 24, 2013 8:38 am

தன்னம்பிக்கை உடையவன் வெற்றிக்கான முயற்சிகளில் ஈடுபடுவான் அதனால் வெற்றியை அடையும் வழியை கண்டுப்பிடிப்பான். அருமையான கதை.

N.S.Mani · N.S.Mani Thu Oct 24, 2013 8:46 am

இக்கதை நமக்கு சொல்லும் கருத்து:

"உன்னால் முடியும் தம்பி" என்பதே

ரேவதி · ரேவதி Thu Oct 24, 2013 12:45 pm

நல்ல கதை பகிர்த்தமைக்கு நன்றி
எனக்கு கதையின் தத்துவத்தை விட அந்த பாத்திரத்தில் இருந்த பாலின் மீதுதான் எண்ணம் போகிறது ..இன்நேரம் அந்த பாத்திரம் எப்படி இருந்திருக்கும் நம்பிக்கைக்கு வெற்றி கிடைக்குமா? 745155

Sponsored content · Sponsored content

நம்பிக்கைக்கு வெற்றி கிடைக்குமா?

நம்பிக்கைக்கு வெற்றி கிடைக்குமா?

Re: நம்பிக்கைக்கு வெற்றி கிடைக்குமா?

Re: நம்பிக்கைக்கு வெற்றி கிடைக்குமா?

Re: நம்பிக்கைக்கு வெற்றி கிடைக்குமா?

Re: நம்பிக்கைக்கு வெற்றி கிடைக்குமா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக