மங்கள்யான் செயற்கைகோள் செய்திகள்

First topic message reminder :

பெங்களூரு:

செவ்வாய் கிரக ஆய்வுக்காக இஸ்ரோ நிறுவனம்
மங்கள்யான் என்ற செயற்கை கோளை அனுப்ப
உள்ளது.

இந்த செயற்கை கோள் விண்ணில் ஏவப்படும்
தேதி நேற்று அறிவிக்கப்படும் என்று கூறப்பட்டது.
ஆனால், தேதி அறிவிக்கப்படவில்லை.

இந்நிலையில், மங்கள்யான் செயற்கை கோளை
ஏவுவது தாமதமாகலாம் என்று இஸ்ரோ அறிவித்துள்ளது.

தென்பசிபிக் கடல் பகுதியில் ஏற்பட்டுள்ள மோசமான
வானிலையே இதற்கு காரணம் என்றும், வரும் 22ம் தேதி,
செயற்கை கோள் ஏவப்படும் தேதி அறிவிக்கப்படும்
என்றும் இஸ்ரோ தெரிவித்துள்ளது.

வரும் 28 அல்லது நவம்பர் 19ம் தேதி மங்கள்யான்
ஏவப்படலாம் என தகவல்கள் தெரிவிக்கின்றன.
முன்னதாக, செவ்வாயக்கு செயற்கை கோள்
அனுப்புவதை தாமதப்படுத்த வேண்டும் என அ
மெரிக்க விண்வெளி நிறுவனமான நாசா கூறியிருந்தது.
ஆனால், எந்த காரணத்தை முன்னிட்டும் தாமதிக்க
முடியாது என இஸ்ரோ அறிவித்திருந்தது
குறிப்பிடத்தக்கது.
-
===========
நன்றி: தினமலர்

ராக்கெட் வெற்றிகரமாக ஏவப்பட்டு விட்டது

வாழ்த்துக்கள் ISRO

அக்டோபர் 2014இல் தான் இந்த செயற்கைக்கோள்  செவ்வாய் கிரகத்தின் சுத்து வட்ட பாதையில்
சென்று அடையும் ,,,,அதுதான் முழுவெற்றி  

டார்வின் wrote:அக்டோபர் 2014இல் தான் இந்த செயற்கைக்கோள்  செவ்வாய் கிரகத்தின் சுத்து வட்ட பாதையில்
சென்று அடையும் ,,,,அதுதான் முழுவெற்றி  

 
உண்மை தான் ..இது வரை எந்த பிரச்சனையும் இன்றி வெற்றிகரமாக நமது பயணம் தொடர்கிறது

அது முழு வெற்றிபெற இறைவனை வேண்டுவோம்

வாழ்த்துக்கள்

சென்னை: இந்தியாவில் 450 கோடி ரூபாய் செலவில் உருவாக்கிய ’மங்கல்யான்’ விண்கலம் பி.எஸ்.எல்.வி,சி25 ராக்கெட் மூலம் செவ்வாய் கிரகத்தை நோக்கி இன்று வெற்றிகரமாக விண்ணில் ஏவப்பட்டது. செவ்வாய் கிரகத்தை ஆய்வு செய்யும் முயற்சியில் அமெரிக்கா, ரஷ்யா, ஜப்பான், சீனா ஆகிய நாடுகள் ஈடுபட்டுள்ளன. அது மனிதன் வாழ தகுதியான கிரகம் என்ற தகவலால் ஆர்வம் அதிகரித்தது. அமெரிக்க தனியார் நிறுவனம் செவ்வாய் கிரகத்துக்கு அனுப்ப திட்டமிட்டுள்ள கலத்தில் மாதக்கணக்கில் பயணம் செய்து செவ்வாயில் குடியேற பலர் அட்வான்ஸ் புக் செய்துள்ளனர். இவர்களில் சில ஆயிரம் பேர் இந்தியர்கள்.

இந்நிலையில் செவ்வாய் கிரகத்துக்கு விண்கலம் அனுப்ப மங்கல்யான் என்ற விண்கலத்தை ரூ.450 கோடி செலவில் இந்திய விஞ்ஞானிகள் தயாரித்தனர். செவ்வாய் கிரகத்தில் தண்ணீர் உள்ளதா, மனிதர்கள் வாழமுடியுமா போன்ற தகவல்களை இந்த ராக்கெட் ஆராயும். இதற்காக இந்த விண்கலத்தில் பல்வேறு கருவிகள் இடம் பெற்றுள்ளன. இது பி.எஸ்.எல்.வி,சி25 ராக்கெட் மூலம் ஸ்ரீஹரிகோட்டாவில் உள்ள சதீஷ் தவான் ராக்கெட் ஏவுதளத்தில் இருந்து இன்று பிற்பகல் 2.38 மணிக்கு ஏவப்பட்டது. இதற்கான ‘கவுன்ட் டவுன்’ நேற்று முன்தினம் காலை 6.08 மணிக்கு தொடங்கியது.

இந்த ராக்கெட் 44 நிமிடங்களில் 17 ஆயிரத்து 415 கிலோமீட்டர் பயணித்து, பூமியின் நீள் வட்டபாதையில் நிலை நிறுத்தப்படும். டிசம்பர் 1ம் தேதி நள்ளிரவு தாண்டி 12.42 மணிக்கு செவ்வாய் நோக்கி மங்கல்யான் விண்கலம் செலுத்தப்படும். 300 நாட்கள் பயணித்து 2014 செப்டம்பர் 24ம் தேதி செவ்வாய் கிரகத்துக்கான சுற்று பாதையில் நிலை நிறுத்தப்படும்.

* 1975 ஏப்ரல் 19ம் தேதி ‘ஆர்யபட்டா’ என்ற முதல் செயற்கை கோளை விண்ணில் செலுத்தியது. ஆனால் அது சோவியத் யூனியனில் இருந்து ஏவப்பட்டது.

* இரண்டாவதாக பாஸ்கரா என்ற செயற்கை கோள் 1979 ஜூன் 7ம் தேதி மீண்டும் அங்கிருந்து ஏவப்பட்டது. அதே ஆண்டு ஆகஸ்ட் 10ம் தேதி ஆர்டிபி என்ற புதிய செயற்கைகோளை இந்திய மண்ணில் இருந்து ஏவியது.

* இதுவரை 67 செயற்கைகோளை இந்தியா ஏவியுள்ளது. இவற்றில் 25 ரஷ்யா, அமெரிக்கா, ஐரோப்பாவில் இருந்து ஏவப்பட்டன. இந்தியாவில் இருந்து ஏவப்பட்ட ஆர்டிபி உட்பட 7 செயற்கைகோள்கள் இலக்கை எட்டவில்லை. 4 முயற்சிகள் தோல்வியில் முடிந்தன.

* மாணவர்கள் தயாரித்த 4 செயற்கைகோளையும், ஜெர்மனி, கொரியா, பெல்ஜியம், இந்தோனேசியா, இத்தாலி, இஸ்ரேல், கனடா, ஜப்பான், துருக்கி, சுவிட்சர்லாந்து, அல்ஜீரியா, சிங்கப்பூர், பிரான்ஸ், ஆஸ்திரியா, டென்மார்க், இங்கிலாந்து நாடுகளுக்காக 35 செயற்கை கோள்களையும் இந்தியா ஏவியுள்ளது.

மிகவும் குறுகிய காலத்தில் மங்கள்யான் திட்டத்தை வெற்றிகரமாக செயல்படுத்தியதற்கு இஸ்ரோ தலைவர் ராதாகிருஷ்ணன், விஞ்ஞானிகளுக்கு தனித்தனியே பாராட்டு தெரிவித்துள்ளார். செவ்வாய்க்கு விண்கலத்தை அனுப்புவது மிகவும் கடினமான, சவாலான பணியாகும் என்றும் அவர் குறிப்பட்டார்.

பிரதமர் பாராட்டு:

மங்கள்யான் செயற்கைகோளை வெற்றிகரமாக ஏவிய விஞ்ஞானிகளுக்கு பிரதமர் மன்மோகன் பாராட்டு தெரிவித்துள்ளார். இஸ்ரோ தலைவர் ராதாகிருஷ்ணனை தொலைபேசியில் அழைத்து மன்மோகன் தனது பாராட்டுக்களை தெரிவித்துள்ளார்.

நன்றி : தினகரன்

செவ்வாய் கிழமை, செவ்வாய் கிரகத்துக்கு செவ்வனே அனுபிட்டாங்கப்பா      

பாரதியின் கனவான.............
"வானை அளப்போம் ; விண்மீனை அளப்போம் ;
சந்திர மண்டலத்தியல் கண்டு தெளிவோம்"
.............. என்ற தீர்க்கமான வார்த்தைகள்,
மீண்டும் மீண்டும், நனவாகின்றது கண்டு , மகிழ்வோம்..