எங்க ஊரு மீசைக் கவிஞன்...!!(Mano Red)

Mano Red · Mano Red Wed Sep 11, 2013 7:10 pm

அமரகவியே சொல்,
முறுக்கு மீசையும்,
முண்டாசு தலையும்,
மிடுக்கும் தோற்றமும்,
மிரட்டும் பார்வையும்,
மின்னல் நடையும்,
மீள்பதிவுப் பேச்சும்,
மீண்டும் நாங்கள்
காண கண் கூடுமோ...???

அமரகவியே சொல்,
கவிதைக் குவியலும்,
கருத்துக் பெட்டகமும்,
கோப உரைகளும்,
கொட்டுமுரசுப் பாக்களும்,
தாய்த் தமிழ் முழக்கமும்,
திகட்டாத கவிகளும்,
மீண்டும் நாங்கள்
கேட்கும் நிலை கூடுமோ..??

அமரகவியே சொல்,
பால்ய விவாகம் அழிக்க
பாம்பாய் சீரிய வன்மையும்,
தமிழ் தான் இனிமையென
தரணியெங்கும் சொன்ன வீரமும்,
புவியில் தீண்டாமை தீயணைக்க
பூ நூலை அறுத்த துணிவும்
மீண்டும் நாங்கள்
கேட்டு அறிய கூடுமோ..??

அமரகவியே சொல்,
சுட்டெரித்த அனலாய்
சுதந்திர கவியும்,
வெள்ளையனை முகம் காட்ட
வெளிச்ச கட்டுரையும்,
அடிமைத்தனம் நீங்க
அடிகள் பலவும்
சிரித்தே சுமந்த உன்னை
மீண்டும் நாங்கள்
தழுவ கை கூடுமோ..??

அமரகவியே சொல்,
நீவீர் இல்லையென
எவன் கதைக்க முடியும்,
கவிதை உள்ளவரை
கவிக் கடவுளாய்
நீவீர் என்னுடன் தான் இருப்பீர்..!
மீண்டும் உம்மை இழக்க
நாங்கள் ஒப்ப மாட்டோம்...!!

malik · malik Wed Sep 11, 2013 7:46 pm

புரட்சி கவி பாடிய..
பாரதியின் நினைவு நாளன்று..
மீசைக் கவிஞனுக்கு..
பாடிய கவி மிக நன்று மனோ..!!
எங்க ஊரு மீசைக் கவிஞன்...!!(Mano Red) 3838410834

எங்க ஊரு மீசைக் கவிஞன்...!!(Mano Red) 1571444738

இந்த பதிவைத் துவங்கியவர் நன்றி கூறியுள்ளார் malik

**Aathira** · **Aathira** Wed Sep 11, 2013 9:58 pm

//கவிதை உள்ளவரை
கவிக் கடவுளாய்
நீவீர் என்னுடன் தான் இருப்பீர்..!
மீண்டும் உன்னை இழக்க
நாங்கள் ஒப்ப மாட்டோம்...!!//

கவிதை அழகு. வீரமும் ஆக்ரோஷமும் நிறைந்துள்ளது. முண்டாசுக்காரனுக்கு ஏற்ற வார்த்தைகள். வாழ்த்துகள்

அந்த ஒருமை பன்மை.. உன்னை என்பதை உம்மை என்று மாற்றி விடுங்களேன்.