உங்கள் வீட்டிற்கும் வரலாம் உளவு ஊர்தி!

**சாமி** · **சாமி** Tue 3 Sep 2013 - 15:49

இரண்டு இறக்கைகள் கொண்ட சிறிய பறக்கும் ஊர்தி ஒன்று உங்கள் வீட்டிற்குப் பால் போடவும்,கொரியர் கொடுக்கவும் வந்தால் எப்படியிருக்கும்?

இன்னும் பெயரிடப்படாத அந்த ஊர்தி, UAV (Unmanned Aerial Vehicle) என்று அழைக்கப்படுகிறது. மனிதர்களால் எளிதில் செல்ல முடியாத சந்து பொந்துகளிலும் இவை பறந்து செல்லும் திறன் உடையவை.

இந்த UAV கண்டுபிடிக்கப்பட்ட ஆரம்பத்தில் உளவு பார்க்கவும் தகவல்களைச் சேகரிக்கவும் பயன்படுத்தப்பட்டது. பார்ப்பதற்கு ஹெலிகாப்டர்களின் சிறு வடிவம் போலக் காணப்படும் இந்த உளவு ஊர்திகள், தற்போது பல்வேறு தேவைகளுக்கும் பயன்படும் வகையில் தயாரிக்கப்படுகின்றன.

அமெரிக்காவைச் சேர்ந்த டீல் குரூப் எனும் வானியல் ஆராய்ச்சி மையம், வான்வெளித் துறையில் 11.6 பில்லியன்கள் செலவிடும் பெரும் துறையாக இது இருப்பதாகத் தெரிவித்துள்ளது.

நம் நாட்டிலும் இலகுரக UAVக்கள் ராணுவம்,கடற்படை,விமானம் என்று முப்படைகளிலும் பயன்படுத்தப்பட்டு வருகிறது.

அண்மையில் கூட குஜராத் முதல்வர் நரேந்திர மோடி, ஜெகன்நாதர் கோயில் வருகையின்போது இவ்வகை ஊர்தி ஒன்று ரகசிய கண்காணிப்புப் பணியில் ஈடுபடுத்தப்பட்டது. இது மட்டுமில்லாமல், காசிரங்கா தேசிய வனவிலங்குப் பூங்காவில் மிருகங்களைப் பாதுகாக்கவும் இவை பயன்படுத்தப்பட்டு வருகின்றன.

தேசியப் பாதுகாப்பு மற்றும் ஆராய்ச்சி மையம் (DRDO), தேசிய வான்வெளி ஆய்வுக்கூடங்கள், ஹிந்துஸ்தான் ஏரோனாட்டிக்கல் லிமிடெட் (HAL) போன்ற அரசுத்துறை நிறுவனங்
கள்தான் UAV உளவு ஊர்திகளை உருவாக்கி வந்தன. தற்போது தனியார் நிறுவனங்களும் இந்த சிறிய ரக ஊர்திகளைத் தயாரித்து வருகின்றன.
மும்பை நிறுவனமான ஐடியா போர்ஜ், நெத்ரா எனும் குறைந்த எடையுள்ள UAVயை உருவாக்கியுள்ளது. இதன் எடை 1.5 கிலோகிராம் மட்டுமே. இதன் மீது பொருத்தப்பட்ட கேமரா உதவியுடன் கண்காணிப்பின் போது குறிப்பிட்ட பகுதியை மட்டும் Zoom செய்து பார்க்க முடியும். மேலும் அது காட்டும் படக்காட்சியையும் கணினியின் உதவியுடன் நேரலையாகப் பார்க்க முடியும்.

300 மீட்டர் உயரத்தில் 2 முதல் 3 கிலோ மீட்டர் தொலைவிற்கு நெத்ரா பறக்கும் திறனுடையது. HAL நிறுவனம், இதை வடிவமைக்கும் மற்றும் மேம்படுத்தி சந்தைப்படுத்தும் முயற்சியில் இறங்கியுள்ளது.UAVக்களில் பல ரகங்கள் உள்ளன.

HALE ரக UAV 30 முதல் 30,000 அடி உயரத்திற்கு மேலேயும் MALE எனும் ரகம் 20 முதல் 30,000 அடி தொலைவிலும் பறக்கும் திறனுடையவை. மைக்ரோ ரக UAVக்கள் எளிதில் ஒருவராலேயே தூக்கிச்செல்லக் கூடியது. மினிரக UAV உள்ளங்கையில் அடக்கிவிடக்கூடிய அளவு மிகவும் சிறியது. அமெரிக்க விமானப்படை தற்போது UAV ரக ஊர்திகளை இயக்கும் பயிற்சியை விமானிகளுக்கு அளித்து வருகிறது.

விரைவில் இந்த வகை உளவு ஊர்திகள் உங்கள் வீட்டுக் கதவையும் தட்டலாம்...‘சார் கொரியர்’ என்று!

ரஞ்சித் வைத்தியலிங்கம் - நன்றி - புதிய தலைமுறை

17/02/2013

நல்ல பதிவு
இதனை நானே பொம்மை ஹெலிகாப்டர் வைத்து
அலைபேசியிலேயே சோதித்திருக்கிறேன்
நாட்டிற்கு பாதுகாப்பை உறுதி செய்யும் முயற்சி

**Muthumohamed** · **Muthumohamed** Tue 3 Sep 2013 - 16:27

அதையும் ஒரு கை பார்ப்போமே

**SajeevJino** · **SajeevJino** Tue 3 Sep 2013 - 21:28

மும்பை நிறுவனமான ஐடியா போர்ஜ், நெத்ரா எனும் குறைந்த எடையுள்ள UAVயை உருவாக்கியுள்ளது. இதன் எடை 1.5 கிலோகிராம் மட்டுமே. இதன் மீது பொருத்தப்பட்ட கேமரா உதவியுடன் கண்காணிப்பின் போது குறிப்பிட்ட பகுதியை மட்டும் Zoom செய்து பார்க்க முடியும். மேலும் அது காட்டும் படக்காட்சியையும் கணினியின் உதவியுடன் நேரலையாகப் பார்க்க முடியும்.

இதை தயாரித்தது இந்தியாவின் DRDO வும் ஐடியா போர்ஜ் இரண்டும் இணைந்து செய்தது இது 3 idiots படத்தில் உள்ள UAV போல செய்ய பட்டுள்ளது ..உத்ரகாண்ட் பேரழிவின் போது ராணுவம் செல்ல முடியாத இடங்களில் சென்று படம் எடுக்க மிகவும் உதவியது

உங்கள் வீட்டிற்கும் வரலாம் உளவு ஊர்தி! Dsc03178jg

உங்கள் வீட்டிற்கும் வரலாம் உளவு ஊர்தி! Dsc03178jg

HALE ரக UAV 30 முதல் 30,000 அடி உயரத்திற்கு மேலேயும் MALE எனும் ரகம் 20 முதல் 30,000 அடி தொலைவிலும் பறக்கும் திறனுடையவை

தவறு

HALE ரக UAV இது சுமார் 30000 அடி உயரத்திற்கு மேலே சுமார் 24 மணி நேரம் பறக்கக் கூடியது

இது அமெரிக்காவின் Global Hawk UAV சுமார் 3 நாட்கள் தொடர்ந்து பறக்கக்கூடியது

உங்கள் வீட்டிற்கும் வரலாம் உளவு ஊர்தி! RQ-4_RIAT2009_1946_800

உங்கள் வீட்டிற்கும் வரலாம் உளவு ஊர்தி! RQ-4_RIAT2009_1946_800

MALE எனும் ரகம் 20 முதல் 30,000 அடி உயரத்தில் அதிக பட்சமாக 3 மணி நேரம் தொடர்ந்து பறக்கும்

இஸ்ரேல் நாட்டின் MALE ரக UAV

உங்கள் வீட்டிற்கும் வரலாம் உளவு ஊர்தி! Mahatz

. மினிரக UAV உள்ளங்கையில் அடக்கிவிடக்கூடிய அளவு மிகவும் சிறியது.

இதை NANO ரக UAV என்று சொல்லுவார்கள் ..உலகிலேயே அமெரிக்காவும் இஸ்ரேலிடமும் மட்டும் தான் இவ்வகை UAV உள்ளது

உங்கள் வீட்டிற்கும் வரலாம் உளவு ஊர்தி! Black-Hornet-Nano-letjelica-stigla-u-Afganistan_VIDIClanakNaslovna

உங்கள் வீட்டிற்கும் வரலாம் உளவு ஊர்தி! Black-Hornet-Nano-letjelica-stigla-u-Afganistan_VIDIClanakNaslovna

இது சிறிய குழுக்களால் பயன்படுத்தப்படும் UAV ..அமெரிக்காவும் இஸ்ரேலும் தான் இதை அதிகம் பயன் படுத்துகிறது

உங்கள் வீட்டிற்கும் வரலாம் உளவு ஊர்தி! AIR_UAV_Skylark-I_Launch_and_Controller_lg

உங்கள் வீட்டிற்கும் வரலாம் உளவு ஊர்தி! AIR_UAV_Skylark-I_Launch_and_Controller_lg

அமெரிக்க விமானப்படை தற்போது UAV ரக ஊர்திகளை இயக்கும் பயிற்சியை விமானிகளுக்கு அளித்து வருகிறது.

இது சண்டை போடும் UAV யின் விமானிகள் ..விமானம் வானில் சண்டை இடும் இவர்கள் ஒரு அறையில் இருந்து அதை இயக்கலாம் ..அமெரிக்காவிடம் மட்டுமே இவ்வகை தொழில்நுட்பம் உள்ளது ..மற்ற நாடுகள் இதை அடைய எப்படியும் ஒரு 20 அண்டுகளுக்கு மேல் ஆகலாம்
உங்கள் வீட்டிற்கும் வரலாம் உளவு ஊர்தி! Article-0-19C6C902000005DC-202_964x589