சிரிய இராணுவத்துக்கு தகுந்த பாடம் கற்பிக்க அமெரிக்கா உறுதி,,,

**டார்வின்** · **டார்வின்** Tue Sep 03, 2013 4:39 pm

சிரியா மீது பெரிய அளவில் பரந்துபட்ட இராணுவ நடவடிக்கையை மேற்கொள்ள அமெரிக்க அதிபர் ஒபாமா திட்டமிடுகிறார் என்று வாஷிங்டனில் இருந்து வரும் தகவல்கள் தெரிவிக்கின்றன.
முன்னதாக சிரியா இரசாயன ஆயுதங்களை பயன்படுத்தியது எனும் குற்றச்சாட்டின் அடிப்படையில் மட்டுப்படுத்தப்பட்ட தாக்குதல்களையே அமெரிக்கா மேற்கொள்ளும் என்று வெளிப்படையாக கூறப்பட்டது.

இந்த விஷயம் தொடர்பில், அமெரிக்க இராணுவப் படைகளின் துணைத் தலைவர் ஜெனரல் ஜாக் கீன் குடியரசுக் கட்சியின் நாடாளுமன்ற உறுப்பினர்களுடன் பேசியுள்ளார்.

கடும் எச்சரிக்கை
கடந்த திங்கட்கிழமையன்று அதிபரின் வெள்ளை மாளிகையில் இது குறித்து அவர்களுக்கு விளக்கமளிக்கப்பட்டது.
சிரியா மீதான தாக்குதலுக்கு அமெரிக்க நாடாளுமன்றத்தின் ஒப்புதல் கிடைத்தால், அதிபர் அஸதின் இராணுவத்துக்கு குறிப்பிடத்தகுந்த அளவுக்கு சேதங்களை ஏற்படுத்த திட்டமிட்டுள்ளதாக, அமெரிக்க அதிபர் ஒபாமா குடியரசுக் கட்சியின் நாடாளுமன்ற உறுப்பினர்களுக்கு தனது தனிப்பட்ட உறுதிமொழியை அளித்திருந்தார் என ஜெனரல் கீன் பிபிசியிடம் தெரிவித்தார்.
சிரியாவின் கிளர்ச்சிக் குழுவினருக்கான தங்களது ஆதரவை அதிகரிக்கவும் ஒரு திட்டம் உள்ளதாக ஜெனரல் கீன் மேலும் கூறினார்.
பி‌பி‌சி தமிழ் ,,,

**Muthumohamed** · **Muthumohamed** Tue Sep 03, 2013 5:48 pm

போரை தவிர்ப்பது நல்லது

**ராஜா** · **ராஜா** Tue Sep 03, 2013 6:30 pm

Muthumohamed wrote:போரை தவிர்ப்பது நல்லது

யாருக்கு

**Muthumohamed** · **Muthumohamed** Tue Sep 03, 2013 6:56 pm

ராஜா wrote:
Muthumohamed wrote:போரை தவிர்ப்பது நல்லது
யாருக்கு

அனைவருக்கும் நல்லது தானே

**SajeevJino** · **SajeevJino** Tue Sep 03, 2013 7:27 pm

போர் தான் ஒரே தீர்வாக இருக்க முடியும்

இல்லையெனில் அந்த அசாத் நம் கண்முன்பே இன்னொரு பெரிய இன அழிப்பை செய்து விடுவான்

ஏற்கனவே அவன் சுமார் ஒன்றரை லட்சம் மக்களை கொன்று விட்டான்

இனிமேலும் உலகம் இதை பார்த்துக் கொண்டு சும்மா இருக்காது

ராஜு சரவணன் · ராஜு சரவணன் Wed Sep 04, 2013 6:54 am

இனஅழிப்பு செய்தவனை தண்டிப்பு சரிதான். இலங்கை பல லட்சம் பேரை கொன்று இனவழிப்பு செய்து விட்டு ஓய்யாரமாய் உக்காந்திருக்கும் பக்சே குழுவை என்ன செய்ய போகிறது இந்த அமெரிக்கா.

இந்தியாவே சும்மா இருக்கும் போது அமெரிக்காவை சாடுவது தவறுதான். இருந்தாலும் இலங்கை விசயத்தில் அமெரிக்காவின் போக்கு உண்மையில் வருத்தமளிக்கிறது.

**SajeevJino** · **SajeevJino** Wed Sep 04, 2013 8:53 am

இலங்கை விஷயத்தில் பல நாடுகளின் இரட்டை வேடத்தை நம் கண்ணால் பார்த்தோம்

இலங்கை மீது பொருளாதாரத் தடை கொண்டு வர பல ஐரோப்பிய நாடுகள் முயற்சி செய்த போது அதை சீனாவும் ரஷ்யாவும் veto மூலம் ஐக்கிய நாடுகள் அவையில் தடை செய்து விட்டது ..மேலும் இலங்கையின் அருகில் உள்ள பல நாடுகள் இலங்கைக்கு ஆதரவாகவே செயல் பட்டன

எனவே ஐக்கிய நாடுகள் அவையில் எந்த ஒரு தீர்மானமும் இலங்கைக்கு எதிராக நிறைவேற்றபடவில்லை

எதுவாக இருந்தாலும் ராஜ பக்சே செய்த இன அழிப்பை யாரும் எளிதில் மறந்து விட மாட்டார்கள்

**ராஜா** · **ராஜா** Wed Sep 04, 2013 11:04 am

விரைவில் நடவடிக்கை எடுக்கப்படும் என தெரிகிறது , இங்கு(கத்தாரில்) பள்ளிகள் திறப்பதை தள்ளி போடலாமா என அரசாங்கம் ஆலோசித்து வருவதாக கேள்விப்பட்டேன்.
என்ன ஆகபோகுதுன்னு தெரியவில்லை சோகம்