நவீன வசதிகளுடன் நகரும் காவல் நிலையம் – சென்னையில் நடமாட்டம்!

ராஜு சரவணன் · ராஜு சரவணன் Fri Aug 02, 2013 12:02 pm

சென்னை பெருநகர காவல்துறையின் சார்பில் அண்ணாநகர் காவல் மாவட்ட பகுதிகளில் சுற்றிவரும் நவீன நடமாடும் காவல் நிலைய சேவை வியாழக்கிழமை தொடங்கி வைக்கப்பட்டது.சென்னை மேற்கு மண்டல இணை கமிஷனர் சண்முகவேல் துவக்கி வைத்தார். அண்ணாநகர் துணை கமிஷனர் சேவியர் தன்ராஜ், உதவி கமிஷனர்கள் பாலசுப்பிரமணியம், கண்ணன், செந்தில்குமரன் பங்கேற்றனர்.

2002ல் போலீஸ் வாகனத்தில் சிறியளவில் துவங்கப்பட்ட இந்த நடமாடும் காவல் நிலையம் இப்போது புதுப்பொலிவுடன் கணினி, விழிப்புணர்வு பிரசாரம் செய்ய புரொஜக்டர்கள், ஒலிபெருக்கிகள் இணைக்கப்பட்டுள்ளது. ஒரு இன்ஸ்பெக்டர், எஸ். ஐ, 4 போலீசார் இருப்பர். பெண் போலீசாரும் பணியில் இருப்பார்கள். அண்ணாநகர் மண்டலத்துக்கு உட்பட்ட மக்கள் கூடும் இடங்களான மார்க்கெட், தியேட்டர்கள், பள்ளிகள், முக்கிய சந்திப்புகளில் வந்து நிற்கும். காவல் நிலையம் சென்று புகார் கொடுக்க இயலாதவர்கள் இதில் புகார் கொடுக்கலாம். அப்போதே புகாரை பதிவுசெய்து, அவர்களுக்கு ரசீது வழங்கப்படும்.

நவீன வசதிகளுடன் நகரும் காவல் நிலையம் – சென்னையில் நடமாட்டம்! P82m

நடமாடும் காவல்நிலையம் வரும் நேரத்தை அந்தந்த காவல்நிலைய ரோந்து வாகனங்கள் மக்களுக்கு அறிவிக்கும். காட்டப்படும் குறும்படத்தில் வீடு புகுந்து கொள்ளையடிப்பதை தடுப்பது குறித்த விழிப்புணர்வு, செயின் பறிப்பு, வழிப்பறி கவனத்தை திசைதிருப்பி திருடுவது உள்ளிட்டவை அடங்கும். இங்கு விசாரிக்க முடியாத பெருங்குற்றங்கள் எல்லைக்கு உட்பட்ட காவல் நிலையத் துக்கு அனுப்பி வைக்கப்படும். இந்த நடமாடும் காவல்நிலையத்தில் கணினி வசதி இருப்பதால் பதிவான புகார்கள் அனைத்தும் உயர் அதிகாரிகளுக்கு உடனுக்குடன் தெரிவிக்கப்படும்.

நன்றி- ஆந்தை ரிப்போர்ட்டர்

பூவன் · பூவன் Fri Aug 02, 2013 12:05 pm

காவல் நிலையம் சென்று புகார் கொடுக்க இயலாதவர்கள் இதில் புகார் கொடுக்கலாம். அப்போதே புகாரை பதிவுசெய்து, அவர்களுக்கு ரசீது வழங்கப்படும்.

ரசீது சரி நடவடிக்கை எப்போனு சொல்லவில்லை ...

இந்த வாகனம் காணாமல் போகாமல் இருந்தால் சரி

நவீன வசதிகளுடன் நகரும் காவல் நிலையம் – சென்னையில் நடமாட்டம்!

நவீன வசதிகளுடன் நகரும் காவல் நிலையம் – சென்னையில் நடமாட்டம்!

Re: நவீன வசதிகளுடன் நகரும் காவல் நிலையம் – சென்னையில் நடமாட்டம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக