சேலம் : 3-வது திருமணம் செய்த பெண் கழுத்து அறுத்து கொலை

**சிவா** · **சிவா** Tue Jun 25, 2013 6:32 pm

சேலம் அருகில் உள்ளது கொண்டப்பநாய்க்கன்பட்டி. இங்குள்ள அய்யன்கரடு பகுதியை சேர்ந்தவர் சக்திவேல் (வயது 34). கூலி வேலைக்கு சென்று வந்தார். இவர் திருமணம் ஆகி தனியே வசித்து வந்தார்.

பின்னர் இவர் சுமதி (வயது 34) என்ற பெண்ணை 2-ம் திருமணம் செய்து கொண்டார். சுமதி ஏற்கனவே இரண்டு முறை திருமணம் ஆனவர். சக்திவேலை அவர் 3-வதாக திருமணம் செய்து கொண்டார். இவர்களுக்கு குழந்தைகள் இல்லை.

சுமதியின் நடத்தையில் சக்திவேல் சந்தேகப்பட்டு வந்தார். இதனால் இருவருக்கும் அடிக்கடி தகராறு இருந்து வந்தது. இந்த நிலையில் நேற்று இரவு சக்திவேல் சேலம் டவுனுக்கு வந்து சினிமா பார்த்து விட்டு வீட்டிற்கு இரவு 10.30 மணிக்கு சென்றார். அப்போது அவருக்கும், சுமதிக்கும் தகராறு ஏற்பட்டது.

இதில் கோபம் அடைந்த சக்திவேல், சுமதியை அடித்து உதைத்தார். இதில் அவர் மயங்கி விழுந்து விட்டார். பின்னர் சுமதியின் கை, கால்களை சக்திவேல், கட்டிபோட்டு விட்டு வீட்டில் இருந்த கத்தியை எடுத்து வந்து சுமதியின் கழுத்தை ஆட்டை அறுப்பதுபோல் அறுத்து கொன்றார்.

இதனால் சுமதியின் கழுத்தில் இருந்து ரத்தம் கொட்டியது. பின்னர் சக்திவேல், கத்தியை எடுத்து கொண்டு அங்கிருந்து தப்பி ஓடிவிட்டார். அப்போது ஊர் மக்கள் சிலர் சக்திவேல், கத்தியுடன் ஓடுவதை பார்த்து அதிர்ச்சி அடைந்தனர்.

பின்னர் அவர்கள் சக்திவேலை துரத்தி கொண்டு ஓடினர். ஆனால் அவர் இருட்டில் புகுந்து தப்பி ஓடிவிட்டார். பின்னர் பொதுமக்கள் இதுபற்றி சேலம் கன்னங்குறிச்சி போலீசில் புகார் செய்தனர். இதன் பேரில் உதவி கமிஷனர் உதயக்குமார், இன்ஸ்பெக்டர் ரஜினிகாந்த், சப்-இன்ஸ்பெக்டர் நெப்போலியன் மற்றும் போலீசார் சம்பவ இடம் சென்று சுமதியின் பிணத்தை கைப்பற்றி விசாரித்தனர்.

பின்னர் பிணம் சேலம் அரசு ஆஸ்பத்திரிக்கு அனுப்பி வைக்கப்பட்டு, பிரேத பரிசோதனை கூடத்தில் வைக்கப்பட்டது. பெண்ணை கொன்ற சக்திவேலை கைது செய்ய சேலம் போலீஸ் கமிஷனர் கே.சி.மஹாலி தனிப்படை அமைத்தார்.

இதில் உள்ள போலீசார் சக்திவேலை இன்று அதிகாலை முதல் தேடி வந்தனர். கொண்டப்பநாய்க்கன்பட்டி மற்றும் இதையொட்டி உள்ள கரடு பகுதிகளில் சக்திவேலை தேடினர். அப்போது சக்திவேல் சிக்கிக்கொண்டார். இவரை போலீசார் கைது செய்து விசாரித்து வருகிறார்கள். இவர் கத்தியை எங்கு வீசி சென்றார் என தெரியவில்லை. இதனால் போலீசார் சக்திவேலை அழைத்து கொண்டு கத்தியை தேடி வருகிறார்கள்.

சுமதிக்கும், வேறு சிலருக்கும் பழக்கம் இருந்து இருக்கிறது. சுமதியை தேடி பலரும் அவரது வீட்டிற்கு வந்து சென்றுள்ளனர். இந்த கள்ளக்காதலை அறிந்த சக்திவேல், சுமதியை சத்தம் போட்டு வந்துள்ளார். ஆனால் அவர் திருந்தவில்லை. இதில் கோபம் அடைந்த அவர் சுமதியை கொன்று இருக்கலாம் என போலீசார் கருதுகிறார்கள்.

இந்த கொலைக்கு வேறு காரணம் ஏதும் உண்டா? என்றும் விசாரணை நடக்கிறது. இந்த கொலை சம்பவம் கொண்டப்பநாய்க்கன்பட்டி பகுதியில் பெரும் பரபரப்பை ஏற்படுத்தி உள்ளது.

நக்கீரன்

யினியவன் · யினியவன் Tue Jun 25, 2013 6:37 pm

சூப்பர் கணவன் சூப்பர் மனைவி - இருவருக்குமே இரண்டாவதோ, மூன்றாவதோ - இதுக்கு மேல வேற காரணம் இருக்குமா என்ன?

**சிவா** · **சிவா** Tue Jun 25, 2013 6:40 pm

யினியவன் wrote:சூப்பர் கணவன் சூப்பர் மனைவி - இருவருக்குமே இரண்டாவதோ, மூன்றாவதோ - இதுக்கு மேல வேற காரணம் இருக்குமா என்ன?

இருக்குமான்னு எங்களைக் கேட்டால் எப்படி? உங்களுக்குத்தானே தெரியும்! சோகம்

**சிவா** · **சிவா** Tue Jun 25, 2013 6:41 pm

விழுப்புரம்: பட்டப் பகலில் பெண் கொலை

விழுப்புரத்தில் பட்டப்பகலில் வீட்டில் தனியாக இருந்த பெண் கத்தியால் குத்தி கொலை செய்யப்பட்டுள்ளார். டீக்கடை உரிமையாளரான கிருஷ்ணராஜ் மனைவி சரளாவை 5 பேர் கொண்ட கும்பல் தாக்குதல் நடத்திவிட்டு தப்பியது. கத்தியால் தாக்கப்பட்ட சரளா சம்பவ இடத்திலேயே உயிரிழந்தார்.

சம்பவ இடத்திற்கு விரைந்த போலீசார் உடலை கைப்பற்றியதுடன், வழக்குப் பதிவு செய்து மர்ம கும்பலை தேடி வருகின்றனர்.

யினியவன் · யினியவன் Tue Jun 25, 2013 6:42 pm

சிவா wrote:
யினியவன் wrote:சூப்பர் கணவன் சூப்பர் மனைவி - இருவருக்குமே இரண்டாவதோ, மூன்றாவதோ - இதுக்கு மேல வேற காரணம் இருக்குமா என்ன?

இருக்குமான்னு எங்களைக் கேட்டால் எப்படி? உங்களுக்குத்தானே தெரியும்!

அட கடைசி வரி சொல்லுது பாருங்க போலீஸ் தீவிரமா துப்பு, வெங்காயம் இதெல்லாம் அரியராங்கலாம்