உத்தரகண்டில் மீட்பு பணிகள் தீவிரம்: மேலும் பலர் நிலச்சரிவில் சிக்கியிருப்பதாக தகவல்,

டேராடூன்: உத்தரகண்டில் ஏற்பட்ட வெள்ள பாதிப்பை ‌தொடர்ந்து அங்கு மீட்பு பணிகள் இன்றும் நடந்து வருகின்றன. மேலும் 300-க்கும் மேற்பட்டோர் நிலச்சரிவுகளில் சிக்கியுள்ளதாக தேசிய பேரிடர் மேலாண்மை ஆணையம் தெரிவித்துள்ளது.(என்.டி.எம்.ஏ.) கடந்த 17ம் தேதி, உத்தரகண்ட் மற்றும் இமாச்சல பிரதேசத்தில் பெய்த பேய் மழையால், காட்டாறுகளில் வெள்ளம் கரைபுரண்டு ஓடி, கேதார்நாத், பத்ரிநாத், கங்கோத்ரி, யமுனோத்ரி போன்ற புனித தலங்களில் வழிபாடு நடத்திக் கொண்டிருந்த பக்தர்கள் மற்றும் அப்பகுதி பொதுமக்களை சுருட்டியது.வெள்ளத்திலிருந்து தப்பிக்க முடியாதபடி, நிலச்சரிவுகள் சரமாரியாக ஏற்பட்டதாலும், பக்தர்கள் வந்திருந்த வாகனங்கள், தண்ணீரில் அடித்துச் செல்லப்பட்டதாலும், தங்கியிருந்த அடுக்கு மாடி கட்டடங்கள், இடிந்து விழுந்ததாலும், ஒரு லட்சம் பேர் தத்தளித்தனர். இரண்டு நாட்களாக அந்தப் பகுதியை யாருமே அணுக முடியாத நிலை ஏற்பட்டதால், உயிரிழப்பு அதிகரித்தது.மூன்றாவது நாளில் துவங்கிய மீட்புப்பணிகள், கேதார்நாத் தான் அதிக பாதிப்பை சந்தித்திருந்ததை படம் பிடித்துக் காட்டியது. பிரசித்தி பெற்ற கேதார்நாத் ,சிவன் கோவிலின் கர்ப்பகிரகம் தவிர, அனைத்து பகுதிகளும் சேதமடைந்திருந்தன.

இந்தோ-திபெத் ‌படையினர், ராணுவம் போன்ற பிரிவுகளைச் சேர்ந்த மீட்புக்குழுவினர் மீட்புப்பணியில் ஈடுபட்டு வருகின்றனர். உத்தர்கண்டில் மழை மீண்டும் பெய்துவருவதால் மீட்புபணிகள் பாதிக்கப்பட்டன. இந்நிலையில் தேசிய பேரிடம் மேலாண்மை ஆணையம் வெளியிட்டுள்ள செய்தியில், நிலச்சரிவு ஏற்பட்ட பகுதிகளில் இன்னும் பலர் சிக்கியுள்ளனர். மிகவும் அழுகிய நிலையில் உடல்கள் உள்ளன. எனினும் பலர் உயிருடன் மரக்கிளைகளில் தொங்கியபடி இருக்கலாம் என மீட்புக்குழுவினர் தேடி வருகின்றனர். இவ்வாறு அந்த ஆணையம் தெரிவித்துள்ளது. வெள்ள தேசதம், நிலச்சரிவில் பலி எண்ணிக்கை மேலும் அதிகரிக்கலாம் எனவும் தகவல்கள் கூறுகின்றன. இதற்கிடையே உத்தர்கண்ட் கவர்னர் ஆசிஸ் குரேஷி, சேதமடைந்த பகுதிகளை பார்வையி்ட்டு ஆய்வு செய்தார். இந்நிலையில் உத்தர்கண்டில் மீண்டும் இன்று நிலச்சரிவு ஏற்பட்டது. சேதம் குறித்த தகவல் இல்லை.

சுப்ரீம் கோட்டில் அறிக்கை:

‌வெள்ள மீட்புப்பணிகள் தொடர்பாக சுப்ரீம் ‌கோர்ட் உத்தரவுப்படி இன்று, உத்தர்கண்ட் அரசு, அறி்க்கை ஒன்றை தாக்கல் செய்தது, அந்த அறிக்கையில், வானிலை சரியானால் அடுத்த 72 மணிநேரத்திற்குள் மலைப்பகுதிகளில் சிக்கித் தவிக்கும் அனைத்து யாத்ரீகர்களும் மீட்கப்படுவர் .உயிரிழந்தவர்களின் உடல்கள் அகற்றப்படுவதற்கும், அவர்களை அடையாளம் காண்பதற்கும் முக்கியத்துவம் அளிக்கப்படும் எனவும், மேலும் காணாமல் போனவர்களின் பட்டியல் தயார் செய்யப்பட்டு அவர்களை தேடும் பணி நடைபெற்று வருகிறது. இவ்வாறு உத்தர்கண்ட் அரசு அந்த அறிக்கையில் தெரிவித்துள்ளது.

தினமலர்

பலி எண்ணிக்கை 10,000 ஐ தாண்டக்கூடும்

SajeevJino wrote:பலி எண்ணிக்கை 10,000 ஐ தாண்டக்கூடும்

நிச்சயம் இருக்கும் என நம்புகிறேன்!