வாங்க, தொழிலதிபர் ஆகலாம்!

வடாம், ஊறுகாய். மசாலாப்பொடி, இட்லிப்பொடி, பருப்பு பொடி, கோதுமை மாவு, மைதா மாவு, ரவை என பல வகையான உணவு பொருள்களையும், பொம்மைகள், ஓவியங்கள், கண்ணாடி பொருள்கள், போன்றவற்றையும் சுயமாக செய்யக்கூடியதிறன் பெற்ற இல்லத்தரசிகள் பலர் உள்ளனர். இதனை எப்படி சந்தைப்படுத்தி காசாக்குவது என்ற விவரம் அவர்களுக்கு தெரியவில்லை. அவர்களுக்கு உதவும் நோக்கில் சில சிந்தனைக்குரிய தகவல்கள்:

முதலில் உணவு சார்ந்த பொருள்களை எடுத்து கொள்வோம், பொருளை தேர்ந்தெடுத்தல்

* உங்களுக்கு பல பொருள்களை தயாரிக்க தெரிந்திருந்தாலும் அவற்றில் நன்கு தெரிந்த ஏதேனும் ஒன்றை மட்டும் முதலில் எடுத்துக்கொள்ளுங்கள்.

* விரைவில் கெட்டுப்போகும் தன்மை கொண்ட உணவு பொருள்களை தவிர்த்து விட்டு நீண்ட நாட்களுக்கு உழைக்ககூடிய பொருள்களை சந்தைப்படுத்தலாம். இதனால் பொருள்களை விற்க,உங்களுக்கு கூடுதல் காலம் கிடைக்கும்.

* உணவுப் பண்டங்களை பொறுத்த வரையில் புரியாத மற்றும் புதிய பெயர்களை கொண்ட சந்தை படுத்த வேண்டாம். உதாரணத்திற்கு அலமாளா என்று யாரும் இது வரை கேட்டிராத, பார்த்திராத சுவைத்திராத உணர்ந்திராத பொருளை சந்தைப்படுத்துவதை விட அல்வா, பால்கோவா போன்ற நன்கு பரிச்சயமான பொருள்களை சந்தைப்படுத்துவது சற்று எளிது.

அரசு உரிமங்கள்

* எந்த பொருளை சந்தைப்படுத்துவது அல்லது என்ன தொழில் செய்வது என்று முடிவு எடுத்த பிறகு ஒரு நிறுவனத்தைநீங்கள் தொடங்க வேண்டும். அந்த நிறுவனத்திற்கு பான்கார்டு, வங்கியில் நடப்பு கணக்கு, விற்பனை வரி எனப்படும் சி.எஸ்.டி. எண். மதிப்பு கூட்டு வரி எனப்படும் வேட் எண், வரி பிடித்தம் செய்ய டி.டி.எஸ். எண், ஆர்.சி எண் போன்ற் விற்பனைக்க உதவக்கூடிய உரிமங்களை பெற வேண்டம். இதற்கு யாரேனும் ஆடிட்டர் ஒரு வரை அனுகினால் அவர் உங்களது தொழலுக்க என்னென்ன வகையான அரசு அனுமதிகளை பெற வேண்டும் என்பது குறித்து விரிவாக எடுத்துரைப்பார்.

தரம்

*பொருள் தரமானாது தானா என்பதை நிர்ணயிக்க அக்மார்க் முத்திரை அல்லது எப்.பி.ஓ. போன்ற அந்த துறை சார்ந்த ஏதேனும் தர முத்திரையை பெற முடியுமா என்பதை கண்டறிய வேண்டும்.

பேக்கிங்

* உங்கள் பொருளுக்கு பிறரை வாங்க தூண்டுகிற கவர்ச்சி தரமான பேக்கிங் மிக முக்கியம். பெரும்பாலும் உணவுப் பொருள்கள் வெளியே தெரியக்கூடிய வகையிலான டிரான்ஸ்ப்ரன்ட் பேக்கிங் மிக சிறந்தது. பொருள்களின் வாழ்நாளை அதிகரிக்க செய்யும் நூதன பேக்கிங் தொழில் நுட்பங்களும் சந்தையில் வந்துள்ளன.

விற்பனை

*பொதுவாக கடைகளில் பொருளை விற்பனைக்கு வைத்து, அது விற்பனையாகி, திரும்பவும் காசை நாம் பெறுவதற்குள் நீண்ட நாட்களாகி விடும். மாறாக சில்லரை கடைகளை தவிர்த்து விட்டு பெரிய பயன்பாட்டாளர்களான ஓட்டல்கள், கேட்டரிங், நிறுவனங்கள், கல்லாரி விடுதிகள், தொழிற்சாலை கேன்டீன்கள் போன்ற இடங்களில் உங்கள் பொருளை சந்தைப்படுத்த முயற்சிக்கலாம்.

* சில்லரை விற்பனையின் போது பொருளை அப்படியே விற்காமல், மதிப்புக்கூட்டி விற்க முயற்சிக்கலாம். தற்போது இன்ஸ்டன்ட் உணவு வகைகளுக்காகன தேவை அதிகிரித்து வருகிறது. எனவே அப்பளம், வடாம் போன்றவற்றை அப்படியேவும் விற்கலாம், அல்லது பொரித்து விற்கலாம்.

*வீடு, வீடாக ஏறி விற்பனை செய்வதை தவிர்த்து விட்டு பொதுமக்கள் கூடும் அலுவலகம், பூங்கா, மருத்துவமனை, கடற்கரை போன்ற இடங்களில் விற்பனை செய்வதற்கு ஆட்களை நியமித்தால் லாபம் அதிகரிக்க வாய்ப்புள்ளது


மங்கையர் மலர்