ஈகரைத் திருவிழா:-நிகழ்ச்சி-நெகிழ்ச்சி

First topic message reminder :

இனிய ஈகரை உறவுகளே...
இதய வணக்கம்!

பரிசு வழங்கும் நிகழ்ச்சிக்குப் போயிருந்தேன்.
போனதும் நான் வாசலிலேயே சந்தித்தது முதல் பரிசு வென்ற பி.கஜபதி ராமன்(பிஜிராமன்).அவருடன் அவர் நண்பர் ஒருவரும் அங்கிருந்தனர்.அப்படியே பரஸ்பரம் ஓர் அறிமுகப் படலம்.

மெல்ல உள்ளே நுழைந்து-அரங்கத்துள் நுழைய அங்கே திருமதி.ஆதிரா அவர்கள்...மெல்லியப் புன்னகையோடும் மிகுந்த அன்போடும் வரவேற்றார்.நன்றி.

உள்ளே சென்று இருக்கையில் அமர்ந்தபோது நண்பர் அய்யம்பெருமாள்-அருகிலேயே தம்பி கோவிந்தராஜூ.
அப்படியே அங்கிருந்த தம்பி கார்த்திக்.எம்.ஆர். தன்னை அறிமுகப்படுத்திக்கொள்கிறார்.

அடடே மறந்துவிட்டேன்...அய்யா சுந்தரராஜ் தயாளன் முன்வரிசையில் கம்பீரமாக அமர்ந்திருந்தார்.
அவருடைய முகமும் மீசையும் யாரும் சொல்லாமலேயே அவரை அடையாளம் காட்டியது.அவருடன் அவருடைய துணைவியார் (அம்மாவும்) -அய்யாவின் தம்பியும்.

நண்பர் மஞ்சுநாத் குளிர்பானம் கொடுத்து குளிர்வித்தார் உபசரிப்பில் அனைவரையும்.

அப்புறம் நிறைய பேரை எனக்குத் தெரியவில்லை. அதனால் குறிப்பிட இயலவில்லை.

மேடையில் முனைவர்கள் திரு.முகிலை ராசபாண்டியன்,திரு.கரு.ஆறுமுகத்தமிழன்,கவிஞர்கள் அய்யா க.நா.கலியாணசுந்தரம் மற்றும் ரமணியன் அய்யா அவர்கள்.சிறிது நேரத்தில் அவர்களுடன் இணைந்தார் பிறைநிலாப் பள்ளியின் தாளாளர் அம்மையாரும்.

தொகுத்து வழங்கிய கவிஞர்.உதயா மென்மைத் தமிழிலில் மேன்மைக் காட்டினார்.வாழ்த்துகள்.

பேரா.முகிலை ராசபாண்டியன் அவர்கள் வெகு எளிதாக கவிதையையும் அதற்கான இலக்கணத்தையும் அப்படியே மூளைக்குள் அப்பிவிட்டார்.அது அழியாது.அப்படியே அப்பிக்கிடக்கும்.நன்றி அய்யா.

அவருக்குப் பின்னர் பேரா.ஆறுமுகத் தமிழன் பேச்சு வழக்கு மொழியில் ஆரம்பித்து அருகில் வந்தார் மனதளவில்.
தொடர்ந்து பேசியவர் போகிறப் போக்கில் ஒரு பூகம்ப வெடிக்கானத் திரியைப் பொசுக்கென்றுக் கிள்ளுவாரோ என்று எதிர்பார்த்தேன்.ஆனால் 'நீங்கள் எழுதிய கவிதைகள் கூவல் கவிதைகள்.இதுவே என் விமர்சனம்' என்று மனசில் கிள்ளி மயிலிறகால் அடித்தார்.நன்றி அய்யா.

இவர்கள் இருவருக்கும் இடையிடையே செல்வி.ஜெயா மீனாட்சி மற்றும் திருமதி.சித்ரா மணி அவர்களின் தமிழிசைப்
பாடல்களும் பாடப்பட்டன.அதிலும் திருமதி.சித்ரா மணி அவர்கள் சுடச்சுட இயற்றிய இசைக்கவிதையையும் (வாசித்துப்) பாடினார்.நன்றிகள் இருவருக்கும்.

பள்ளியின் தாளாளரும் அப்பள்ளியின் அழகியத் தமிழாசிரியை (47வயது) திருமதி.ராஜலக்ஷ்மி அவர்களும் பேசி-கவிதையும் வாசித்தார்.

நம் ஈகரை உறவுகளான கவிஞர்கள் அய்யா க.நா.க., மற்றும் ரமணியன் ஆகியோரும் கவிதைப் பேசினார்கள்.நன்றி அய்யா உங்களிருவருக்கும்.

பரிசில் பெற்ற கவிஞர்கள் சார்பாக அய்யா கவிஞர் சுந்தரர்ராஜ் தயாளன் அவர்கள் கவிதையோடு வந்து கம்பீரம் காட்டினார் .

பரிசு பெற்றவர்களில் வந்திருந்தோருக்கு சான்றிதழும் காசோலையும் வழங்கிக் கௌரவிக்கப்பட்டது.நன்றி ஈகரை நிர்வாகத்தினரே .நன்றி.

காணொளிக்கு ஏற்பாடு செய்த திரு.முரளிகிருஷ்ணன் தனக்கிருக்கும் தமிழார்வ மேலீட்டைப் பதிவு செய்து மகிழ்ந்தார்.வாழ்த்துகள் முரளி கிருஷ்ணன்.

இறுதியாக நன்றி உரையுடன் தன் வெண்பாக் கவிதைக்கு விளக்கம் அளித்தார் தம்பி பி.ஜி.ராமன்.வாழ்த்துகள் பி.ஜி.ராமன்.இவர் தன் அக்காவுடனும் அக்காவின் தோழியுடனும் ஆஜர் விழாவில்.

அலட்சியத்தின் காரணமாக மறந்துவிட்டேன் அற்புதமாக நடனமாடிய செல்வி.காவ்யாவை.பாவணைகளிலும் அபிநயத்திலும் அதிசயம் காட்டினார் அந்தப்பெண். வாழ்த்துகளும் நன்றியும்.

முடியும் முன் இயல்பாகப் பேசி இதயம் திறந்தார் தம்பி கோவிந்தராஜ்.நன்றாக இருந்தது தம்பி.
அய்யம்பெருமாளின் உரையில் தெளிவும் தெறிப்பும்.கொஞ்சம் சீமான் வாடை அடித்தது பேசும் முறையில்.அதனாலென்ன?...நன்றாக இருந்தது.வாழ்த்துகள்.

வந்திருந்தவர்களிடம் வாஞ்சையோடு உரையாடிக் கொண்டிருந்தனர் திருமதி.ஜாகீதாபானு மற்றும் திருமதி.உமா அவர்களும்.நட்பும் தோழமையும் அவர்கள் பேச்சில். ஜாகீதாபானுவின் மகளும் உமாவின் குழந்தையும் கூடுதல் சிறப்பு விருந்தினர்கள்.அவர்களுக்கும் வாழ்த்துகள்.

எல்லோரும் பிரிய மனமின்றி ஆங்காங்கே பேசிக்கொண்டே...
ஒரு குட்டிக் கல்யாண மண்டப உறவுகள் போல் தோற்றம் இருந்தது நாம் உறவுகளின் நகராப் பேச்சில். :suspect:

கூட்டிக் குறைத்துச் சொன்னால்...இது நிகழ்ச்சியன்று நெகிழ்ச்சி.

(ஆரம்பித்திலிருந்து எதிர்பார்ப்பு திரு.சிவா,திரு.ராஜா,திரு.இளமாறன்,திரு.மகாபிரபு,திரு.சார்லஸ்,திரு.அசுரன் அவர்கள்
ஆகியோர் வருவார்களென...ஆனால் அவர்களை இறுதிவரை என்னால் காண இயலவில்லை.வரவில்லையாமே?...
காரணமென்ன ?... இதுதான் குறையாகப்பட்டது விழாவில் )

(எவரேனும்-ஏதேனும் குறிப்பிடப்படாமல் விடுபட்டிருந்தால் என் கவனக்குறைவிற்கு மன்னிக்கவும்)

நன்றி ராரா அவா்களே. தங்களது இப்பதிவு நோில் கண்டுகளித்தது போலாயிற்று. வரலாமென்று எனக்கு கொள்ளை ஆவல். ஆனால், ஞாயிற்றுக்கிழமையானதால் என்னால் வர இயலவில்லை. ஞாயிற்றுக்கிழமை எனது பொறுப்புகள் மிக அதிகம்.மற்ற நாட்களானால் நான் நிச்சயம் வந்திருப்ப‌ேன்.

வரமுடியாவிட்டாலும் காணொளிக் காட்சியை கண்டேன். மிக அற்புதம். இந்த நட்பும் நெகிழ்ச்சியும் ஈகரையில் என்றென்றும் தொடர எனது வாழ்த்துக்கள்.
அடுத்த இணைவில் இணைய முயற்சிக்கிறேன்.
பங்கு பெற்ற அனைவரையும் வாழ்த்துகிறேன்.
நன்றிகள் பல... நெகிழ்வுடன்

நல்ல தொகுப்பு அண்ணா..
நான் கல்லூரி வந்தடைந்தேன்..
மேலும் எனக்குத் தெரிந்து முகம்மது பரீத், லக்ஷ்மணன் அண்ணன்கள் மற்றும் அல்கெனா ரிஷி அக்கா ஆகியோர் வந்து இருந்தார்கள்..
நன்றி.

சிவா wrote:இன்னும் யாருமே உறவுகளின் புகைப்படங்களைப் பதிவிடவில்லையே!

தஞ்சை தாசன் அண்ணா சில புகைப்படங்கள் எடுத்து இருந்தார்.. அவற்றையும் ஒலி-ஒளி ஏற்பாடு செய்த கவிஞர் உதயா அவர்களிடம் கொடுத்தார்..
ஆனால் உறவுகள் அனைவரும் சேர்ந்து ஒரு புகைப்படம் கூட எடுக்கவில்லை அண்ணா..

நன்றி ராரா.

மின்சாரம் போகும் வரை நானும் வானொலியில் கேட்டு ரசித்தேன். சிறிது நேரம் காணொளியும் இருந்தது. பின் ஏனோ தடைபட்டுவிட்டது.

மிகச் சிறப்பாக நடந்தேறிய விழாவுக்கு என் பாராட்டுகள்.

இதை நடத்திக்கொடுத்த அனைவருக்கும் தாளாளர் சிவா அவர்களுக்கும் என் நன்றியும் பாராட்டும்..!

நேத்திக்கு என்னோட இணைய வேகம் படு வேகமாக இருந்த காரணத்தால் என்னால் நிகழ்ச்சிய எதையும் கேக்கவும் முடியலை

hega wrote:நேரில் கலந்து கொண்ட உணர்வினை தந்தது தங்கள் வர்ணனை.

நன்று சகோ..

நன்றி...

கார்த்திக்.எம்.ஆர் wrote:நல்ல தொகுப்பு அண்ணா..
நான் கல்லூரி வந்தடைந்தேன்..
மேலும் எனக்குத் தெரிந்து முகம்மது பரீத், லக்ஷ்மணன் அண்ணன்கள் மற்றும் அல்கெனா ரிஷி அக்கா ஆகியோர் வந்து இருந்தார்கள்..
நன்றி.

நன்றி கார்த்தி...அவர்களை எனக்குத் தெரியாது...அதனால்தான் குறிப்பிட முடியவில்லை...அடுத்தமுறை இது நடக்காது...

நன்றி சார்லஸ் அவர்களே...நன்றி பிரபு...