புள்ளியெழுத்து இல்லாத வெண்பா

**M.Jagadeesan** · **M.Jagadeesan** Tue 20 Feb 2018 - 15:17

புள்ளியெழுத்து இல்லாத வெண்பா
=====================================
உனது முகமோ உதய நிலவு
மனது முழுது முனது - நினைவே
உனது பிரிவா லுருகு மெனது
மனதை யறியாயோ நீ !

**T.N.Balasubramanian** · **T.N.Balasubramanian** Tue 20 Feb 2018 - 21:52

ஐந்தடி கவிதைக்கே தனித்திரி
மனதடியில் மறைந்து போனதோ ?
ஈரடி குறள் மன்னன் நீர் ,
ஓரடி கூட்டிடுவீர்
நேரடி வேண்டுகோளைய்யா !
மாற்றிடுவேன் மனமுவந்தே!!
புள்ளி இல்லா அழகு வெண்பாவிற்கு
அழகு புள்ளி வைத்திடுவோம் !

ரமணியன்
@MJagadeesan

**M.Jagadeesan** · **M.Jagadeesan** Tue 20 Feb 2018 - 23:25

ஐயா !

இந்தத் திரியில் எனது கவிதைகள் தொடரும் . எனவே வேறு திரிக்கு இதை மாற்றவேண்டாம் எனக் கேட்டுக்கொள்கிறேன் .

**M.Jagadeesan** · **M.Jagadeesan** Tue 20 Feb 2018 - 23:32

மருட்பா
========
வெண்பாவும் , ஆசிரியப்பாவும் கலந்து வருவது மருட்பா எனப்படும் .

பொய்களைச் சொல்லாதே ! பாவங்கள் சேர்க்காதே !
பொய்களினால் நன்மை பிறந்திடு மென்றாலும்
மெய்யே வலிதாகும் ; மேன்மைகள் தந்திடுமே !
உய்யும் வழிக்குன்னை உந்துமே ஆதலினால்
மனத்துடன் வாய்மை மொழிந்தால்
மற்றொரு மகாத்மா உன்றன் உருவே !

Guest · Guest Tue 20 Feb 2018 - 23:39

சிந்தியல் வெண்பா,நேரிசை வெண்பா கேட்க ஆசைப்படுகிறோம் ஐயா.

**M.Jagadeesan** · **M.Jagadeesan** Wed 21 Feb 2018 - 7:09

சிந்தியல் வெண்பா என்பது தமிழ்ப் பா வகைகளுள் ஒன்றான வெண்பா வகைகளுள் ஒன்று. இது மூன்று அடிகளை மட்டுமே கொண்டிருக்கும். இவற்றில் முதல் இரண்டு அடிகள் ஒவ்வொன்றும் நான்கு சீர்களைக் கொண்டு அமைந்திருக்கும். இவ்வாறு நான்கு சீர்களைக் கொண்டுள்ள அடிகள் அளவடிகள் என அழைக்கப்படுகின்றன. சிந்தியல் வெண்பாவின் மூன்றாவது அடி, சிந்தடி என அழக்கப்படும், மூன்று சீர்களைக் கொண்ட அடியாக இருக்கும்.

சிந்தியல் வெண்பாக்களில் இரண்டு வகைகள் உண்டு. அவை,

1 . இன்னிசைச் சிந்தியல் வெண்பா
2 . நேரிசைச் சிந்தியல் வெண்பா

என்பனவாம்.

நேரிசை சிந்தியல் வெண்பா , இரண்டாம் அடியின் இறுதியில் தனிச்சொல் பெற்று வரும் . இன்னிசை சிந்தியல் வெண்பா தனிச்சொல் பெறாமல் வரும் .

**M.Jagadeesan** · **M.Jagadeesan** Wed 21 Feb 2018 - 7:34

முதலில் நேரிசை வெண்பாவைப் பார்ப்போம் .

பேருந்துக் கட்டணத்தைப் பேயரசு மாற்றியதால்
ஊருக்குச் செல்வோர் உழல்கின்றார் - பாருக்குள்
இல்லாத கூத்தெல்லாம் இங்கே நடக்குதடா
நல்லோர்க்கு வாழ்வில்லை இங்கு .

நேரிசை வெண்பா நான்கு அடிகளைக் கொண்டதாகும் . முதல் மூன்று அடிகள் அளவடியாகவும் ( நான்கு சீர்கள் கொண்ட அடியை அளவடி என்போம் . ) நான்காம் அடி சிந்தடியாகவும் ( மூன்று சீர்கள் கொண்டது சிந்தடி ) இருந்து தனிச்சொல் பெற்றுவரும் . இந்த வெண்பாவில் தனிச்சொல் " பாருக்குள் " என்பதாகும் .

இன்னிசை வெண்பா என்பது தனிச்சொல் பெறாமல் வருவது .

**M.Jagadeesan** · **M.Jagadeesan** Wed 21 Feb 2018 - 8:34

அடுத்து இன்னிசை வெண்பாவைப் பார்ப்போம் .

சர்க்கரை நோய் ( இன்னிசை வெண்பா )
==========================================
அல்வாவும் லட்டும் அதிரசமும் ஜாங்கிரியும்
இல்லாத வாழ்வு இருந்தென்ன போயென்ன
மெல்லவே கொள்ளும் மதுமேக நோய்தன்னை
வெல்லும் வழியொன்று கூறு .

இரண்டாம் அடியின் இறுதியில் தனிச்சொல் பெறாமல் வருவது இன்னிசை வெண்பாவாகும் .

**பழ.முத்துராமலிங்கம்** · 27/09/2015

M.Jagadeesan wrote:புள்ளியெழுத்து இல்லாத வெண்பா
=====================================
உனது முகமோ உதய நிலவு
மனது முழுது முனது - நினைவே
உனது பிரிவா லுருகு மெனது
மனதை யறியாயோ நீ !

மேற்கோள் செய்த பதிவு: 1260068
அருமை புள்ளி எழுத்தில்லா வெண்பா.
நீங்கள் வெண்பா பற்றிய விவரங்களை
தொடருங்கள்.
நன்றி ஜெகதீஷ்

**பழ.முத்துராமலிங்கம்** · 27/09/2015

M.Jagadeesan wrote:அடுத்து இன்னிசை வெண்பாவைப் பார்ப்போம் .

சர்க்கரை நோய் ( இன்னிசை வெண்பா )
==========================================
அல்வாவும் லட்டும் அதிரசமும் ஜாங்கிரியும்
இல்லாத வாழ்வு இருந்தென்ன போயென்ன
மெல்லவே கொள்ளும் மதுமேக நோய்தன்னை
வெல்லும் வழியொன்று கூறு .

இரண்டாம் அடியின் இறுதியில் தனிச்சொல் பெறாமல் வருவது இன்னிசை வெண்பாவாகும் .

மேற்கோள் செய்த பதிவு: 1260113
இன்னிசை வெண்பாவில் அல்வாவும், ஜாங்கிரியும் மற்றும் அதிரசமும் இனிக்கா
வெண்பாவாகிற்று.
நன்றி ஜெகதீஷ்

Sponsored content · Sponsored content

புள்ளியெழுத்து இல்லாத வெண்பா

புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

Re: புள்ளியெழுத்து இல்லாத வெண்பா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக