பிரபல நடிகர் கமல்ஹாசன் மருத்துவமனையில் அனுமதி

First topic message reminder :


சென்னை,

நடிகர் கமல்ஹாசன் சென்னை தனியார் மருத்துவமனையில்
சிகிச்சைக்காக அனுமதிக்கப்பட்டுள்ளார்.நேற்றிரவு நடிகர்
கமல்ஹாசன் சென்னை, ஆழ்வார்பேட்டையில் உள்ள தனது
அலுவலக மாடிப்படியில் இருந்து தவறி விழுந்ததாக கூறப்
படுகிறது.

இதையடுத்து அவர் உடனடியாக மீட்கப்பட்டு அயிரம் விளக்கு
பகுதியில் உள்ள தனியார் மருத்துவமனையில் சிகிச்சைக்காக
அனுமதிக்கப்பட்டார். அங்கு அவருக்கு சிகிச்சை அளிக்கப்பட்டு
வருகிறது.

தவறி விழுந்ததில் கமல்ஹாசனுக்கு முதுதண்டுவடம், கால்
எலும்பில் முறிவு ஏற்பட்டதாகவும் இதனால், அவருக்கு அறுவை
சிகிச்சை செய்யப்பட்டதால் சில வாரங்கள் அவர் ஓய்வில் இருப்பார்
என்று தெரிவிக்கப்பட்டுள்ளது.

அமெரிக்காவில் சபாஷ்நாயுடு படப்பிடிப்பை முடித்து கடந்த வாரம்
வீடுதிரும்பினார் கமல்ஹாசன் என்பது குறிப்பிடத்தக்கது.
-
----------------------
தினத்தந்தி

காலில் அடிபட்டு மருத்துவமனையில் இருக்கும் நடிகர் கமல்ஹாசன்,
விரைவில் குணம் பெற்று வீடு திரும்புவேன் என்று தன் ரசிகர்களுக்கு
வாட்ஸப் குரல்பதிவு மூலம் தகவல் தெரிவித்துள்ளார்.
-

நடிகர் கமல்ஹாச ன் கடந்த வியாழனன்று நள்ளிரவு ஆழ்வார்பேட்டையில் உள்ள அவரது அலுவலக மாடிப்படியில் இருந்து தவறி கீழே விழுந் தார். அவரது காலில் எலும்பு முறிவு ஏற்பட்டது. உடனடியாக பிரபல தனியார் மருத்துவமனையில் அனுமதிக்கப்பட்டு அவருக்கு சிகிச்சை அளிக்கப்பட்டது.இந்நிலையில் அவரது உடல்நிலை குறித்து அவரது ரசிகர்கள் மத்தியில் பெரும் கவலை நிலவி வந்தது.

இந்நிலையில் சனிக்கிழமை மாலை அவரது குரலில் வாட்ஸப் பதிவு ஒன்று ரசிகர்களுக்காக வெளியிடப்பட்டது. அதில் பேசியுள்ள கமல்ஹாசன் தெரிவித்துள்ளதாவது:

எனது உடல்நலம் குறித்தது கவலைப்படும் ரசிகர்களை எண்ணி மனம் நெகிழ்ந்தேன். என்னை உங்கள் குடுமபத்தில் ஒருவனாக எண்ணி அக்கறை காட்டுவதற்கு நன்றி. இதற்கு கைம்மாறாக நான் செய்யக் கூடியது எதுவும் இல்லை.

இதற்கு முன் பல விபத்துக்கள் நடந்தும் அதில் இருந்து பாடம் கற்றுக் கொள்ளாதே இதற்கு காரணம். இதில் இருந்து விரைவில் மீண்டு வருவேன்.

எனது ரசிகர்களுக்கு எனது உடல்நலம் குறித்த தகவல்களை தெரிவிக்க வேண்டியது எனது கடமை.

மிக விரைவில் குணம் பெற்று வீடு திரும்புவேன்.

இவ்வாறு அந்த வாட்ஸப் குரல்பதிவில் தெரிவிக்கப்பட்டுள்ளது.
-
தினமணி

இதோ அந்த ஆடியோ

தான் நலமாக இருப்பதாகவும், விரைவில் எழுந்து நடந்து வருவேன் என்றும் நடிகர் கமல்ஹாசன் வாட்ஸ் அப் மூலம் ரசிகர்களுக்கு தகவல் கொடுத்துள்ளார்.

நடிகர் கமல்ஹாசன் கடந்த 13ஆம் தேதி, அவரது ஆழ்வார்பேட்டை அலுவலக மாடிப்படியிலிருந்து தவறி விழுந்ததில் அவரின் காலில் காயம் ஏற்பட்டது. இதனையடுத்து அவர் சென்னை ஆயிரம் விளக்கு பகுதியில் உள்ள தனியார் மருத்துவமனையில் அனுமதிக்கப்பட்டுள்ளார்.

அவரை பரிசோதித்த மருத்துவர்கள், கமலுக்கு கால் மூட்டு மற்றும் முதுகு தண்டுவட பகுதியில் எலும்பு முறிவு ஏற்பட்டுள்ளதாக கூறினர். இதனையடுத்து அவருக்கு அறுவை சிகிச்சையும் செய்யப்பட்டது. அவர், பூரண குணமடைய இரண்டு வாரங்கள் ஆகும் என்பதால் அவர் முழு ஓய்வில் இருக்க வேண்டும் என மருத்துவர்கள் கூறியிருந்தனர்.

இந்நிலையில், கமல்ஹாசன் வாட்ஸ் மூலம் ஒரு செய்தியை தனது ரசிகர்களுக்கு தெரிவித்துள்ளார். அதில் தன்னை மருத்துவர்கள் நன்றாக கவனித்து கொள்கிறார்கள் என்றும், விரைவில் குணமாகி வீடு திரும்பேன் என்றும் கூறியுள்ளார்.




மேலும், “எனக்கு நல்லது கெட்டது எல்லாவற்றையும் என் ரசிகர்களுக்கு கூற நான் கடைமைப் பட்டிருக்கிறேன். வெற்றிகளும் விபத்துகளும் எனக்கு புதிதல்ல.. பட வேலைகள் நிறைய இருக்கும் போது, இப்படி நடந்திருக்க கூடாதுதான். ஆனால், பல விபத்துக்கள் நடந்தும் பாடம் கற்க மறந்ததற்கு இந்த விபத்து ஒரு சான்று.

எப்போ திரும்பி வருவீங்க.. எப்ப நடப்பீங்க.. என்று கேட்கும் நண்பர்களுக்கும், என்னவாயிற்று என் சகோதரனுக்கு, என்னவாயிற்று என் தலைவனுக்கு.. அப்பனுக்கு.. என்று என் உறவுகளாகவே மாறிவிட்ட என் ரசிகர்களுக்கும் நான் நன்றி கூற கடமைப்பட்டிருக்கிறேன். அவர்களின் அன்புக்கு நான் எந்த தவமும் செய்யவில்லை.

இந்த கடிதத்தை எழுந்து அமர்ந்து நானே எழுதினேன். விரைவில் நடந்து வந்து நன்றி சொல்லுவேன்” என்று அந்த ஆடியோ செய்தியில் அவர் கூறியுள்ளார்.

வெப் துனியா

krishnaamma wrote:

இதோ அந்த ஆடியோ

மேற்கோள் செய்த பதிவு: 1216285
-