ராட்சஷ பறவை 'ரபேல்'

**ayyasamy ram** · **ayyasamy ram** Sun Apr 12, 2015 2:30 am

First topic message reminder :

ராட்சஷ பறவை 'ரபேல்' - Page 2 LwQenI5xQaeNmWFNHut6+Tamil_News_large_1227797

-

பிரான்சிடம் இருந்து இந்தியா வாங்க முடிவு செய்துள்ள
"ரபேல்' போர் விமானங்கள், மிகவும் நவீனத்துவமும்
போர் திறனும் வாய்ந்தவை.

ரபேல் என்ற பிரெஞ்ச் வார்த்தைக்கு "வெடிப்பு' ,
"தொடர் வெடி' என்று அர்த்தம். இப்படிப்பட்ட 36 "ரபேல்'
ரக போர் விமானங்களை வாங்க, மத்திய அரசு முடிவு
செய்துள்ளது. பிரான்ஸ் சென்றுள்ள பிரதமர் மோடி
இதற்கான ஒப்பந்தத்தில் கையெழுத்திட்டுள்ளார்.

"மல்டி ரோல் பைட்டர் ஏர்கிராப்ட்' வகையை சேர்ந்த
இந்த போர் விமானம், பல்வேறு பணிகளை செய்யக்
கூடியது. பிரான்சில் உள்ள "டசால்ட்' என்ற நிறுவனம்
இவ்வகை விமானங்களை தயாரிக்கிறது.

1986ம் ஆண்டு தான் முதன்முதலாக இது தயாரிக்கப்பட்டது.
ஏற்கனவே பிரான்ஸ் விமானப்படையில் இவை பயன்
பாட்டில் உள்ளன. சாதாரணமான குண்டுகளை மட்டுமல்லாமல்,
அணு ஆயுதங்களையும் தாங்கிச் செல்லக் கூடியது.

ஏற்கனவே ஆப்கானிஸ்தான், லிபியா, ஈராக் ஆகிய
நாடுகளில் நடந்த தாக்குதலில் இந்த விமானம் வெற்றிகரமாக
பயன்படுத்தப்பட்டது.

நடு வானிலேயே பெட்ரோல் நிரப்பிக்கொள்ளும் வசதி உள்ள
இவ்விமானம், தற்காலத்தில் உள்ள நவீன போர் விமானங்களில்
ஒன்றாக கருதப்படுகிறது. இரண்டு விமானிகள் ஓட்டக் கூடிய
இவ்விமானங்களை ரேடாரில் கண்காணிப்பது சிரமம்.

இதில் துப்பாக்கிகளும் பொருத்தப்பட்டுள்ளன.
லேசர் வழிகாட்டி வெடிகுண்டுகளையும் இதில் சுமந்து செல்ல
முடியும். நடு வானில் எதிரி நாட்டு விமானங்களுடன்
சண்டையிடும் திறன் படைத்தது. நான்கு ஏவுகணைகளையும்,
ஒரு பீரங்கியையும் தூக்கிக்கொண்டு பறக்கக் கூடியது.

குறைவான தூர ரன்வே போதும் என்பதால் விமானம் தாங்கி
கப்பலிலும் இவற்றை இறக்க முடியும்.

சிறப்பு அம்சங்கள்:
விமானத்தின் நீளம் - 15.27 மீ

இறக்கைகள் நீளம் - 10.80 மீ
உயரம் 5.34 மீ

காலி விமான எடை - 9,500 கிலோ
வெடிகுண்டுகளுடன் எடை - 14,016 கிலோ

தொடர்ந்து பறக்கும் தூரம் - 3,700 கி.மீ.,
அதிக உயரத்தில் வேகம் - 1912 கி.மீ.,/ஒரு மணி நேரத்திற்கு

குறைந்த உயரத்தில் வேகம் - 139 கி.மீ/ஒரு மணி நேரத்திற்கு
-
---------------------------------------
தினமலர்

**சிவா** · **சிவா** Sun Apr 12, 2015 2:12 pm

ரஃபேல் போர் விமானங்கள் இந்திய விமானப் படைக்கு ஊக்கம் தருமா?

இந்தியாவில் போர்விமானங்களின் எண்ணிக்கை வேகமாக குறைந்து வரும் சூழலில், பிரான்சிடமிருந்து 36 விமானங்கள் வாங்கப்படும் என பிரமதர் மோடி அறிவித்துள்ளார்.

பிரான்சிடமிருந்து 36 அதிநவீன ரஃபேல் போர் விமானங்களை வாங்க இந்தியா முடிவு செய்துள்ளது விமானப்படைக்கு புதிய வலுவைக்கொடுக்கும் என்று எதிர்பார்க்கப்படுகிறது.

இந்திய விமானப் படைக்கு புதிய போர் விமானங்களை வாங்க கடந்த பல ஆண்டுகளாக எடுக்கப்பட்ட முயற்சி தற்போது பலன் தந்துள்ளது.

30 டன்களுக்கு எடை குறைவான, அதே நேரத்தில் வான் பாதுகாப்பு, கண்காணிப்பு மற்றும் தரை மீதான இலக்குகளை தாக்கும் வல்லமை உள்ளிட்ட 126 விமானங்கள் தேவை என்று இந்திய விமானப் படை பல ஆண்டுகளாக கேட்டுவருகிறது.

விமானப்படையின் தேவைக்காக அமெரிக்கா, ரஷ்யா மற்றும் ஐரோப்பிய நாடுகளைச் சேர்ந்த 6 விமானங்கள் ஆய்வு செய்யப்பட்டன. இறுதியில் பிரன்சின் ரஃபேல் விமானமே இந்தியாவின் தேவையை முழுமையாக பூர்த்தி செய்வதாகக் கூறி இந்திய விமானப்படை அந்த விமானத்தை தேர்ந்தெடுத்தது.

பிரான்சிடமிருந்து நேரடியாக 18 விமானங்களை வாங்கிவிட்டு, மீதமுள்ள 108 விமானங்களை பிரான்ஸ் உதவியுடன் இந்தியாவில் தயாரிக்க முதலில் உத்தேசிக்கப்பட்டது.

ஆனால் தொடர்பான தொழில்நுட்ப பேச்சுக்களில் கடந்த இரண்டு ஆண்டுகளில் பல சிக்கல்கள் ஏற்பட்டன.

இந்நிலையில் பிரான்சிடமிருந்து 36 ரஃபேல் விமானங்களை நேரடியாக வாங்க இந்தியா முடிவெடுத்துள்ளது. சுமார் 17 ஆண்டுகால இடைவெளிக்குப் பிறகு போர் விமானங்கள் வாங்குவதாக இந்தியப் பிரதமர் அறிவித்தது தமக்கு நிம்மதியை அளித்துள்ளதாக பாதுகாப்பு அமைச்சர் மனோகர் பாரிக்கர் தெரிவித்துள்ளார்

விமானப்படைக்குத்தேவைப்பட்டால் கூடுதலான ரஃபேல் விமானங்கள் இந்தியாவில் தயாரிக்கப்பட வாய்ப்புள்ளது என இந்திய பாதுகாப்பு அமைச்சர் கூறியுள்ளார். இந்த விமானம் ஒன்றின் விலை 700 கோடி ரூபாய்க்கும் மேல் இருக்கும். பாரமரிப்பு மற்றும் இயக்கச்செலவுகளும் கணிசமாக இருக்கும்.

இரண்டு ஆண்டுகளில் இந்த விமானங்கள் விமானப்படையில் சேர்க்கப்படும் என்று பாதுகாப்பு அமைச்சு கூறியுள்ளது. பிரான்சில் தயாரிக்கப்பட்ட மிராஜ் 2000 விமானங்கள் ஏற்கனவே இந்திய விமானப் படையில் பயன்படுத்தப்படுவதால், பிரஞ்சு தொழில்நுட்பத்தை கையாள்வது பெரிய சவாலாக இருக்காது என்று நிபுணர்கள் கூறுகின்றனர்.

அதே நேரம் புதிதாக ஒரு விமானத்தை தேர்வு செய்வதைவிட, ஏற்கனவே விமானப்படையில் இருக்கும் சுகாய் 30 விமானங்களைக் கூடுதலாக வாங்கலாம் என்று சில முன்னாள் விமானப்படையினர் கருத்துவெளியிட்டுள்ளனர்.

ரஃபேல் விலையை விட சுகாய் விமானங்களின் விலை குறைவு என்று அவர்கள் சுட்டிக் காட்டுகின்றனர். அதேநேரம் ஆயுதங்களுக்காக ரஷ்யாவை மட்டுமே சார்ந்து இருப்பது நல்லதல்ல என்ற எதிர்வாதமும் வைக்கப்படுகிறது.

சோவியத் ஒன்றியத்திடமிருந்து வாங்கப்பட்ட மிக் 21 மற்றும் மிக் 27 ரக விமானங்கள்தான் இந்திய விமானப்படையில் கிட்டத்தட்ட பாதியளவுக்கு இருக்கின்றன.

இவை அடிக்கடி விபத்துக்குள்ளாகின்றன; நாற்பது ஆண்டுகளுக்கும் மேலாகிவிட்ட இந்த விமானங்களை பராமரிப்பது பெரிய சவாலாக இருக்கிறது.

விமானப் படையின் மிகவும் சக்தி மிக்க ஆயுதமாகக் கருதப்படும், சுகாய்30 ரக விமானங்களின் பாரிய தொழில்நுட்ப பிரச்சனைகளை ஏற்பட்டுள்ளன.

இதன் காரணமாக அந்த விமானங்கள் முழுமையாக இயக்கப்படாமல் இருக்கின்றன. உள்நாட்டில் தயாரிக்கப்பட்ட தேஜஸ் என்று பெயரிடப்பட்ட இலகுரக போர் விமானம், விமானப் படையில் சேர்க்கப்படும் தகுதியை சில மாதங்களுக்கு முன்தான் பெற்றுள்ளது.

கணிசமான எண்ணிக்கையில் இந்த விமானங்களைத் தயாரிக்க மேலும பல ஆண்டுகள் பிடிக்கும்.

நீண்டதூரம் சென்று தாக்குதல் மேற்கொள்ளும் வல்லமை கொண்ட ரஃபேல் போர்விமானங்கள், பாகிஸ்தானுடனான இந்தியாவின் ராணுவ வல்லமையை சற்றே உயர்த்தும்.

ஆனால் வை சீனா தொடர்பான பாதுகாப்பு சூழலில் பெரிய மாற்றங்களைக் கொண்டுவந்துவிடாது.

ராட்சஷ பறவை 'ரபேல்'

ராட்சஷ பறவை 'ரபேல்'

Re: ராட்சஷ பறவை 'ரபேல்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக