மும்பையில் இருந்து கன்னியாகுமரிக்கு ஸ்கூட்டரில் வந்த 73 வயது முதியவர்

**டார்வின்** · **டார்வின்** Tue Dec 17, 2013 4:52 pm

கன்னியாகுமரி: மும்பையில் இருந்து 73 வயது முதியவர் தன்னந்தனியாக ஸ்கூட்டரில் பயணம் செய்து கன்னியாகுமரி வந்து சேர்ந்தார்.மும்பை தானே பகுதியைச் சேர்ந்தவர் பிரகாஷ் பட் (வயது 73). இவர் தற்போது தனது ஓய்வு காலத்தை கன்னியாகுமரி விவேகானந்த கேந்திரத்தில் ஆயுட் கால ஊழியராக சேவை செய்து வருகிறார். இந்நிலையில் தமது சொந்த ஊருக்கு சென்ற அவர் அங்கிருந்து தமது ஸ்கூட்டரில் கன்னியாகுமரிக்கு வர திட்டமிட்டார். இதனைத்தொடர்ந்து தமது குடும்பத்தினரின் எதிர்ப்பையும் மீறி அங்கிருந்து ஸ்கூட்டரில் புறப்பட்டார். சுமார் 1800 கிலோ மீட்டர் தூரத்தை 4 நாட்களில் கடந்து அவர் கன்னியாகுமரிக்கு வந்தார். இதுகுறித்து அவர் கூறியதாவது: சொந்த ஊரான மும்பை தானே பகுதியில் இருந்து புறப்பட்டு தினமும் 450 கிலோ மீட்டருக்கு குறையாமல் ஸ்கூட்டரில் பயணம் செய்தேன். இரவு மட்டும் எங்காவது ஒரு பகுதியில் தங்குவேன். வயதும் முதுமையும் எனக்கு ஒரு பொருட்டாக தெரியவில்லை.

மனம் உறுதியாக இருந்தால் நாம் நினைப்பதை சாதிக்க முடியும் என்பதில் எனக்கு நம்பிக்கை இருக்கிறது. இந்த பயணம் என்னைப் பொருத்த வரையில் கடினமாக தெரியவில்லை. பொதுவாகவே எனக்கு இரு சக்கர வாகனத்தில் ஊர் சுற்றிப்பார்ப்பது விருப்பமானது. ஏற்கனவே 1998ம் ஆண்டில் எனது 50 வயதில் எனது மனைவியும் நானும் தென்னிந்தியா முழுவதும் 6400 கிலோ மீட்டர் தூரம் ஸ்கூட்டரில் பயணம் செய்து இருக்கிறோம். இவ்வாறு அவர் கூறினார். மும்பையில் பிரபல எலக்ட்ரானிக் கம்பெனியின் விநியோகஸ்தராக இருந்த இவருக்கு இரண்டு மகள்கள் உண்டு. இருவருக்கும் திருமணமாகி விட்டது. தனது ஓய்வு காலத்தில் சமூக பணி செய்ய வேண்டும் என்ற ஆர்வத்தில் தற்போது கன்னியாகுமரி விவேகானந்த கேந்திராவில் ஆயுட்கால ஊழியராக சேவை செய்கிறார்.
thinakaran

**மாணிக்கம் நடேசன்** · 14/12/2009

எங்களாலும் முடியும்ல, இனிமேல் யாரும் பெருசுங்க சும்மா, அப்படி இப்படின்னு கிண்டல் பண்ண மாட்டீங்க இல்ல.

**ஜாஹீதாபானு** · **ஜாஹீதாபானு** Tue Dec 17, 2013 5:01 pm

மாணிக்கம் நடேசன் wrote:எங்களாலும் முடியும்ல, இனிமேல் யாரும் பெருசுங்க சும்மா, அப்படி இப்படின்னு கிண்டல் பண்ண மாட்டீங்க இல்ல.

மேற்கோள் செய்த பதிவு: 1039109

ஆமோதித்தல்

**டார்வின்** · **டார்வின்** Tue Dec 17, 2013 5:04 pm

மாணிக்கம் நடேசன் wrote:எங்களாலும் முடியும்ல, இனிமேல் யாரும் பெருசுங்க சும்மா, அப்படி இப்படின்னு கிண்டல் பண்ண மாட்டீங்க இல்ல.

மேற்கோள் செய்த பதிவு: 1039109

மகிழ்ச்சி

**பார்த்திபன்** · 24/07/2011

பெரியவர் கலக்கிட்டார்! சூப்பருங்க

**ராஜா** · **ராஜா** Tue Dec 17, 2013 7:18 pm

அடடா ..... 73 வயதில் இவ்வளவு உறுதியா , மிகப்பெரிய சாதனை இது.

நான் இங்கு சில மணி நேரங்களில் 250 கிமீ செல்லுவேன் அதுவும் , குளிர்சாதன வசதி உள்ள வாகனம் அதற்கே , தூக்கம் தூக்கமா வரும் புன்னகை