காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

**சிவா** · **சிவா** Tue Dec 17, 2013 1:54 am

அகில இந்திய காங்கிரஸ் காரிய கமிட்டி கூட்டம் டெல்லியில் வரும் ஜனவரி 17–ஆம் தேதி நடக்கும் என கட்சியின் பொதுச் செயலாளர் ஜனார்தன் திவேதி இன்று அறிவித்துள்ளார்.

நாடாளுமன்ற தேர்தல் நடைபெற இன்னும் சில மாதங்களே இருக்கும் நிலையில் காங்கிரஸ் காரிய கமிட்டி கூட்டத்தில் தேர்தல் குறித்தும், கூட்டணி குறித்தும் ஆலோசிக்கப்படும் எனவும் அவர் தெரிவித்தார்.

ராகுல் பிரதமர் வேட்பாளர்?

இக் கூட்டத்தில் காங்கிரஸ் கட்சியின் பிரதமர் வேட்பாளராக ராகுல் காந்தி அறிவிக்கப்படுவார் என்ற எதிர்பார்ப்பு வலுத்துள்ளது. கடந்த செப்டம்பர் மாதம் பாஜக நரேந்திர மோடியை தனது பிரதமர் வேட்பாளராக அறிவித்தது. ஆனால் காங்கிரஸ் இது நாள் வரை தனது பிரதமர் வேட்பாளரை அறிவிப்பதில் தயக்கம் காட்டுவது பல்வேறு தரப்பிலும் சலசலப்பை ஏற்படுதியுள்ளது.

சமீபத்தில் நடந்த சட்டமன்றத் தேர்தலில் காங்கிரஸ் கட்சி டெல்லி, ராஜஸ்தான், மத்திய பிரதேசம், சத்தீஸ்கர் மாநிலங்களில் தோல்வியடைந்தது. மிசோரம் மாநிலத்தில் மட்டும் ஆறுதல் வெற்றியாக காங்கிரஸ் ஆட்சியை தக்க வைத்துக் கொண்டது.

தேர்தல் முடிவுகள் வெளியான தினத்தன்று பேசிய காங்கிரஸ் தலைவர் சோனியா காந்தி, தக்க சமயம் வரும் போது காங்கிரஸ் பிரதமர் வேட்பாளர் அறிவிக்கப்படுவார் என தெரிவித்திருந்தார்,

இந்நிலையில் நேற்று நடைபெற்ற திமுக பொதுக் குழு கூட்டத்தில், காங்கிரஸுடன் கூட்டணி இல்லை என்று தி.மு.க. தலைவர் கருணாநிதி அறிவித்தார். இந்த அறிவிப்பு வெளியான மறுநாளிலேயே காங்கிரஸ் தனது காரிய கமிட்டி கூட்டத்தை அறிவித்துள்ளது அரசியல் முக்கியத்துவம் பெற்றுள்ளது.

இந்து

பாலாஜி · பாலாஜி Tue Dec 17, 2013 6:06 pm

இதற்கு பெயர்தான் சொந்த காசில் சூன்யம் வைத்து கொள்ளுவது என்பதா.

..ஆமா யார அறிவித்தாலும் காங்கிரஸ்க்கு பலன் ஒன்றும் கிடைக்கபோவது இல்லை

**ayyasamy ram** · **ayyasamy ram** Wed Dec 18, 2013 9:23 am

பாஜக மூத்த தலைவர் வெங்கய்ய நாயுடு கூறுகையில்,
“யாரை வேண்டுமானாலும் பிரதமர் வேட்பாளராகத்
தேர்ந்தெடுக்க காங்கிரஸ் கட்சிக்கு உரிமை உள்ளது.
அதே போன்று அதை நிராகரிப்பதற்கு மக்களுக்கும்
உரிமையுள்ளது” என்றார்.
-

**மாணிக்கம் நடேசன்** · 14/12/2009

நிச்சயமாக மக்கள் காங்கிரசுக்கு பெரியா ஆப்பு வைக்கப்போகிறார்கள் என்பது மட்டும் இப்பொழுதே தெளிவாக தெரிகிறது.

Sponsored content · Sponsored content

காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

Re: காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

Re: காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

Re: காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

Re: காங்கிரஸ் பிரதமர் வேட்பாளராக ராகுல் காந்தி ஜன-17.ல் அறிவிப்பு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக