லக்ஷயா விமானம் வெற்றிகர சோதனை

**இளமாறன்** · **இளமாறன்** Sat Jan 28, 2012 1:33 pm

பாலாசூர் : பைலட் இல்லாமல் பறந்து எதிரி இலக்கை தாக்கும் லக்ஷயா விமானம், ஒடிசாவின் பாலாசூர் கடற்கரை பகுதியில் நேற்று வெற்றிகரமாக பரிசோதிக்கப்பட்டது. ராணுவ ஆராய்ச்சி மற்றும் மேம்பாட்டு மையம், பல்வேறு நவீன ராணுவத் தளவாடங்களை தயாரித்து வருகிறது. பல்வேறு ஏவுகணைகளைத் தயாரித்து சோதனை நடத்தி வரும் இந்த மையம், லக்ஷயா-2 என்ற ஆளில்லாமல் பறந்து, நடுவானில் எதிரி விமானங்களை தாக்கவல்ல விமானத்தை தயாரித்துள்ளது.

நேற்று முன்தினம் இந்த விமானம் வெற்றிகரமாக பரிசோதிக்கப்பட்டது. மீண்டும் நேற்று, ஒடிசாவின் பாலாசூர் கடற்கரை பகுதியில் லக்ஷயா வெற்றிகரமாக பரிசோதிக்கப்பட்டது. இதுவரை லக்ஷயா, 11 பரிசோதனைக்கு உட்படுத்தப்பட்டுள்ளது. கடலில் 15 மீட்டர் உயரத்தில் பறந்து இலக்கை தாக்கும் பரிசோதனை நிகழ்ச்சி, நேற்று வெற்றிகரமாக நடத்தப்பட்டது. பெங்களூரில் உள்ள ஏரோநாட்டிக்ஸ் நிறுவனத்தில் லக்ஷயா வடிவமைக்கப்பட்டது என்பது குறிப்பிடத்தக்கது

தினமலர்