பாட்டி வடை சுட்டு காக்கை திருடிய கதையின் -கதை

உலகின் மிக அதிகம் பயணம் செய்தது யாரென என்னை கேட்டால் கதைகள் என்றே சொல்வேன்.
கதைகளை நீங்கள் வெறும் பொழுது போக்காக நினைத்து விட வேண்டாம். அவை உங்களின் கற்பனை தொடர்புடையது.

உங்களின் மனதோடு மனதாக உறவாடும் அளவிற்கு சக்தி வாய்ந்தது. நீங்கள் வாழாத உங்களின் விருப்பை நிகழ்த்திக்காட்ட கதைகளே சாத்தியம். ஆம் கதைகள் அதிகம் பயணம் செய்யக்கொடியவை. நீங்கள் கேட்டு வளர்ந்த பாட்டி வடை சுட்டு காக்கை திருடியதாக சொன்ன கதையின் வரலாறே அருமையாக உள்ளது. இனி அதன் வரலாறு,

கதை நம் தமிழ் நாட்டு கதை இல்லை யாம். இதன் மூலம் கிரேக்கத்தை கொண்ட கதை யாம், அந்த கிரேக்க காக்கை கதையில் காக்கை வடை திருட வில்லையாம், வெண்ணை துண்டை திருடியதாம். பின் அந்த கதை பிரான்சுக்கு வந்த பொது அதே காக்கை ,கதை யில் பாலில் செய்த இனிப்பு ஒன்றை திருடியதாம், பின் அது அரபு நாடுகளுக்கு பயணம் செய்த பொது அந்த காக்கை கதையில் மாமிசத்தில் செய்த இனிப்பு ஒன்றை திருடியதாம். ஒருவழியாக இந்திய வந்த பொது வட இந்தியா வில் அதே காகம் ஜாங்கரி திருடியதாம் பின் தமிழ் நாட்டுக்கு வந்த போது தான் பாட்டி சுட்ட வடையை திருடியதாம். இந்த வரலாறு என்னை அதி வியப்பில் ஆழ்த்தியது. கதை மூலம் மாறவே இல்லை ஆனால் கலாச்சாரத்திற்கும் சூழலுக்கும் தகுந்த வாறு கதையில் மாற்றம் ஏற்பட்டு இருக்கிறது. கதை கலாச்சாரத்தினையும் சாயமாக பூசிக்கொண்டே வருகிறது.
இவ்வளவு காலம் சொல்லி வந்த கதை நம்ம கதை இல்லை என்பதே என்னால் நம்ப வே முடியவில்லை, பின்னரே உணர்ந்து கொண்டேன் அவ்வளவு அழகாக நமக்கு சொல்லப்பட்டு இருக்கிறது என்று. இந்த நேரத்தில் கட்டாயம் நன்றி சொல்ல வேண்டும் கதை சொன்ன, சொல்லிக்கொண்டு இருக்கும், சொல்லப்போகும் அனைத்து பாட்டிக்கும்......

நன்றிகள்:
தகவல்கள்: எழுத்தாளர். எஸ். ராமகிருஷ்ணன்

இதுவும் சுட்ட கதை தானா?

சுட்ட கதை தானே சுவை தரும்.

சுட்டாலும் சூடு குறையாமல் கதை சொல்லும் பாங்கு பாட்டிகளை பாராட்டியே தீர வேண்டும்.

சுட்ட பினினணியை அறியத்தந்தமைக்கு நன்றி

தோழமைக்கு,
பின்னூட்டம் அளித்த அனைவருக்கும் நன்றி!