பாவமே எனை கொன்றுவிடு!!!

ranhasan · ranhasan Sat 8 Oct 2011 - 21:30

பாவமே எனை கொன்றுவிடு - இந்த
பாவியை முழுதாய் தின்றுவிடு...
பண்ணிய பாவம் பரிதிமுன் பனியாய் மறைய வேண்டாம்
இறுதியின் மணியாய் இடையறாது இசைக்கட்டும்...
எண்ணிய எண்ணங்கள் பிறர் பொருட்டு
இன்னலை தூண்டுகையில்
திண்ணிய நெஞ்சம் எனக்கெதற்கு? அது
திடமற்ற முடமாய் முறியக் கடவ...
நிழலாய் பின்தொடர்ந்தவை தற்போது
அனலாய் கண் தொடட்டும்...
குற்றத்தின் தாக்கம் கூர் முள்ளாய் குரல்வளை நெறிக்கட்டும்...
முற்றும் வேளையை முன்வினைகள் முடிவாய் கூறட்டும்...
மூளையின் நரம்புகள் மூர்க்கமாய் தெறிக்கட்டும்...
உதிரத்தின் துளி ஒரு சொட்டு மிஞ்சும் வரை
உயிரின் வலி உடலினை வதைக்கட்டும்...
பற்றிய வயிறுகளின் சாபங்கள் வற்றும்முன்
இன்னலின் இறுக்கத்தில் இற்றுவிடட்டும் இவ்வுயிர்...
வெறுமையின் வெப்பத்தில் வேகும் மனம்
மறுமையிலும் பெறட்டும் இத்தவிப்பை...
பிறர்க்கு இன்னலை மட்டும் இறைத்தளிக்கும் இதயமே நீ இழிவாய் மட்டும் இறந்துபடு...

(சொற்பிழை பொருட்பிழை இருப்பின் மன்னிக்கவும், பிழை திருத்தும் அளவிற்கு தற்போது மனநிலை இல்லை.)

**ayyamperumal** · **ayyamperumal** Sat 8 Oct 2011 - 21:52

நல்லா இருக்குப்பா ! ஏன் கட்டுரையில் பதிந்தாய் ?

ranhasan · ranhasan Sat 8 Oct 2011 - 21:54

கட்டுரையாய் தொடரும் கவலைகளை கவிதையாய் பதிய மனமில்லை...

**ayyamperumal** · **ayyamperumal** Sat 8 Oct 2011 - 21:56

ranhasan wrote:கட்டுரையாய் தொடரும்
கவலைகளை
பதிய மனமில்லை.
கவிதையாய் ..

இங்க பாருயா அழகான ஹைக்கூ கவிதைய

**இளமாறன்** · **இளமாறன்** Sat 8 Oct 2011 - 22:46

அழகான வார்த்தை பின்னல்
சோகத்திலும் வலியின் வெளிப்பாடு

என்ன ஆச்சு காதல் ரசம் சொட்டி கொண்டிருந்த பதிவுகள் இன்று வலிகளோடு அதிர்ச்சி

ரேவதி · ரேவதி Mon 10 Oct 2011 - 11:04

என்றுமே உங்களிடம் இருந்து நகைச்சுவை பதிவுகளை மட்டுமே பார்த்து இருக்கிறோம்.......இப்போது சோகம் நிறைந்த பதிவு

ranhasan · ranhasan Tue 11 Oct 2011 - 22:35

செஞ்ச பாவம்லாம் செருப்பும் கையுமா துரத்தும்போது முடிஞ்ச அளவு நகைச்சுவை பகிர்ந்து ஒளிஞ்சுக்க பார்க்குறேன், எத்தனை நாள்தான் ஓட முடியும்... ??? சரிவிடுங்க... ஏதோ ஒரு விரக்தி இந்த பதிவுல கொட்டித் தீர்துட்டேன்... இனி வழக்கம்போல நகைச்சுவையாகவே பதிவுகளை தொடர்கிறேன்...என்னால் இனி அடிக்கடி ஈகரையில் இணைய முடியாது... நேரம் கிடைக்கும்போதெல்லாம் இங்குதான் கட்டாயம் வருவேன்.....
இத்தனை கோவமும் விரக்தியும் குறைஞ்சு இப்போ தெளிவா இறுக்குறேன்னா அதுக்கு ஒரு ஸ்லோகம்தான் காரணம்... மூன்றே வார்த்தைகள், முத்தான வார்த்தைகள், கருத்தாழமிக்க வார்த்தைகள், கடமையை நினைவு கூறும் வார்த்தைகள், பிறப்பின் பலனை உணர்த்தும் வார்த்தைகள், நீங்களும் முயன்றுபாருங்கள்...
நடு நிசியில் இந்த ஸ்லோகனை சொல்ல சோகங்கள் அனைத்தும் தீர்ந்து சொர்கத்தின் இன்பம் உணரமுடியும்...
கவனச்சிதறல் இன்றி முழு மனத்துடன் மொழிய வேண்டும்... இத்தனை நாள் நான் மட்டும் சொல்லிக்கொண்டிருந்த இந்த ஸ்லோகனை உங்களுடன் இன்று பகிர்கிறேன்...

"நமீதா நாமம் வாழ்க" ஒன்னும் புரியல