மரியம் மரணம் : விசாரணை வளையத்தில் புதுவயல் லாரி

**ந.கார்த்தி** · **ந.கார்த்தி** Sun 29 May 2011 - 20:58

சென்னையில்
எம்.எல்.ஏ.,க்கள் பதவியேற்பு விழாவிற்காக அமைச்சர் மரியம்பிச்சை,
திருச்சியில் இருந்து காரில் சென்றபோது, பாடாலூர் அருகே காரும், லாரியும்
மோதி விபத்திற்குள்ளானது.

இந்த விபத்தில் அமைச்சர்
பலியானார். இந்த விபத்தில் மர்மம் இருப்பதால், சி.பி.சி.ஐ.டி., போலீசார்
விசாரிக்க முதல்வர் ஜெ., உத்தரவிட்டார்.கூடுதல் டி.ஜி.பி., அர்ச்சனா ராமசுந்தரம் தலைமையில் விசாரணை நடக்கிறது.
ரோட்டில் பொருத்தப்பட்டுள்ள சுழல் காமிராவில் பதிவான, லாரிகள் குறித்த
விபரங்களை சேகரித்துள்ளனர்.

அதில், சிவகங்கை மாவட்டம் புதுவயல் அரிசி ஆலை உரிமையாளர் ஒருவருக்கு சொந்தமான லாரியும், அந்நேரத்தில் ரோட்டை கடந்து சென்றுள்ளது.

இதனால், சி.பி.சி.ஐ.டி.,
போலீசார் புதுவயல் அரிசி ஆலை உரிமையாளர், அவரது லாரி, லாரியை மாற்றம்
செய்துள்ளாரா, என்பது குறித்த விபரத்தை சி.பி.சி.ஐ.டி., போலீசார்
புதுவயலில் சேகரித்து, கூடுதல் டி.ஜி.பி.,க்கு அனுப்பியுள்ளனர்.