மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

கண்ணன்3536 · கண்ணன்3536 Wed Mar 23, 2011 9:06 pm

[ புதன்கிழமை, 23 மார்ச் 2011, 01:53.45 PM GMT ]

கொழும்பு புதிய மகஸின் சிறைச்சாலையில் தடுத்து வைக்கப்பட்டுள்ள தமிழ் வர்த்தகர் ஒருவர், தமக்கு இழைக்கப்பட்ட துன்புறுத்தல்கள் குறித்து ஐக்கிய நாடுகள் சபையில் முறையிட்டுள்ளார்.
விடுதலைப் புலிகளுடன் தொடர்பினைக் கொண்டிருப்பதாக தெரிவித்து கைது செய்யப்பட்ட தாம், பொலிசாரினாலும், புலனாய்வுத் தரப்பினராலும் பல்வேறு துன்புறுத்தல்களுக்கு உட்படுத்தப்பட்டதாக அவர் குறிப்பிட்டுள்ளார்.

இராமசாமி பிரபாகரன் என்ற அவர், ஐக்கிய நாடுகள் சபையின் மனித உரிமைகள் பேரவைக்கு அனுப்பியுள்ள கடிதம் ஒன்றில் இதனை சுட்டிக்காட்டியுள்ளார். தம்மை விடுவிப்பதற்கான உதவிகளை மேற்கொள்ளுமாறு அவர் இந்த கடிதத்தில் கோரியுள்ளார்.

தாம் கடந்த ஐந்து மாதங்களாக கொழும்பு மகஸின் சிறையில், தடுத்து வைக்கப்பட்டுள்ளதாகவும், தாம் கைது செய்யப்படுவதற்கு முன்னர் சுதந்திர வர்த்தகராக இருந்ததாகவும், பலவந்தமாக அரசாங்கம் தம்மீது பயங்கரவாத முத்திரை குத்த முற்படுகிறது எனவும் அவர் தெரிவித்துள்ளது.

தமது அடிப்படை மனித உரிமைகள் மீறப்பட்டுள்ள நிலையில், தம்மை விடுவிக்க நடவடிக்கை எடுக்குமாறு அவர் கோரியுள்ளார். தாம் இவ்வாற சட்டத்துக்கு முரணாக தடுத்து வைக்கப்பட்டு, உடல் ரீதியாகவும், மன ரீதியாவும் பாரிய அளவில் துன்புறுத்தப்படுவதாக அவர் குறிப்பிட்டுள்ளார்.

கொழும்பில் கடந்த 1983 ம் ஆண்டில் ஸ்தாபிக்கப்பட்ட பனாமா ட்ரேடர்ஸ் என் எலக்ட்ரோனிக் நிறுவனத்தின் உரிமையாளரான தாம், வருடாந்தம் 180 மில்லியன் ரூபாய்களை வருமானமாக பெற்று வந்ததாக அவர் சுட்டிக்காட்டியுள்ளார்.

அத்துடன், கொழும்பு நீச்சல் குழுமம், கொழும்பு கோல்ப் குழுமம், சிங்கள விளையாட்டு கழகம் உள்ளிட்ட பல்வேறு கழகங்களில் தாம் அங்கத்துவம் பெற்றுள்ளதாகவும் அவர் சுட்டிக்காட்டியுள்ளார்.

அத்துடன் தாம் வியாபார நிமித்தமும், விடுமுறைக்காகவும், ஐரோப்பா, அமெரிக்கா, கனடா, சிங்கபூர், மலேசியா, தாய்லாந்து, அரபு இராச்சியம், ஹொங்கொங், அவுஸ்திரேலியா, நியுசிலாந்து போன்ற நாடுகளுக்கு வருடாந்தம் சென்று வருவதாகவும், இந்தியாவில் குடியுரிமையை கொண்டிருப்பதாகவும் தெரிவித்துள்ளார்.

இதேவேளை ஒரு வர்த்தகராக இலங்கையின் அபிவிருத்தி தொடர்பில், பாதுகாப்பு செயலாளருக்கும் பல்வேறு கடிதங்களை அனுப்பியுள்ளதாகவும் அவர் தெரிவித்துள்ளார்.
அத்துடன் பல்வேறு பயங்கரவாதிகளையும் தாம் அடையாளம் காட்டியுள்ளதாக அவர் சுட்டிக்காட்டியுள்ளார்.

இவ்வாறான நிலையில் தம்மை விடுவிக்க உதவி செய்யுமாறு கோரியுள்ள அவர், விடுதலை பெற்றதன் பின்னர், வேறு ஒரு நாட்டில் அரசியல் தஞ்சம் கோரவிருப்பதாகவும் அவர் குறிப்பிட்டுள்ளார்.

கலைவேந்தன் · கலைவேந்தன் Wed Mar 23, 2011 9:15 pm

அவர் விரைவில் விடுதலை பெற்று சுதந்திரக் காற்றை சுவாசிக்க எனது பிரார்த்தனைகள்..!

அலட்டல் அம்பலத்தார் · 29/04/2010

கலை wrote:அவர் விரைவில் விடுதலை பெற்று சுதந்திரக் காற்றை சுவாசிக்க எனது பிரார்த்தனைகள்..!

நன்றி அய்யா , எங்கட பிராத்தனையும் அதுதான் கண்டியலே .

தமிழ்ப்ரியன் விஜி · 26/06/2009

கலை wrote:அவர் விரைவில் விடுதலை பெற்று சுதந்திரக் காற்றை சுவாசிக்க எனது பிரார்த்தனைகள்..!

Sponsored content · Sponsored content

மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

Re: மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

Re: மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

Re: மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

Re: மகஸின் சிறையில் தடுத்து வைக்கப்பட்டுள்ள தமிழர் ஒருவர் ஐ.நா சபைக்கு கடிதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக