லிப்ஸ்டிக் போட்டுக் கொள்வது எப்படி?

Jiffriya · Jiffriya Tue Mar 22, 2011 10:03 am

சிலருக்கு தங்கள் நிறத்துக்கு ஏற்ற லிப்ஸ்டிக் தேர்ந்தெடுப்படு மற்றும் அதை போட்டுக் கொள்வது எப்படி என்று தெரிவதில்லை.

அவர்களுக்கான சில குறிப்புகள் :

* கறுப்பாக இருப்பவர்கள் மிகவும் லைட்டாகவோ டார்க்காகவோ இல்லாமல், பொதுவான கலரில் லிப்ஸ்டிக் பயன்படுத்தலாம்.

* மாநிறமாக இருப்பவர்கள் இயற்கையான நிறத்தில் லிப்ஸ்டிக் போட்டுக் கொண்டால் அழகாக இருக்கும்.

* சிவப்பாக இருப்பவர்களுக்கு எல்லா நிற லிப்ஸ்டிக்கும் பொருத்தமாக இருக்கும்.

* வெயில் காலங்களில் இரண்டு நிறங்களை சேர்த்து லிப்ஸ்டிக் போட்டுக் கொண்டால் எடுப்பாக இருக்கும்.

* லிப்ஸ்டிக்குக்கு ஏற்ற வகையில் லிப் லைனர் மற்றும் பென்சிலை தேர்ந்தெடுக்க வேண்டும். லைனர் போட்ட பிறகு, லிப் brush பயன்படுத்தி லிப்ஸ்டிக்கை போட்டுக் கொண்டால், திட்டுத் திட்டாக இல்லாமல் ஒரே சீராக அழகாக இருக்கும்.

* லிப் லைனர் பயன்படுத்தும் போது, பெரிய உதடு உள்ளவர்கள், உதடுக்கு உள்ளே வரைந்தால் உதடுகள் சிறியதாக தெரியும்.

* உதடுகள் பெரியதாக தெரிய வேண்டுமெனில், முதலில் தேவையான நிறத்தில் லிப்ஸ்டிக் போட்டுக் கொள்ள வேண்டும். பிறகு வெள்ளை நிற லிப்ஸ்டிக்கை உதட்டின் நடுவே தடவினால், உதடுகள் பெரிதாக பளிச்சென்று தெரியும்.

* உதடுகள் காய்ந்திருக்கிறது என்று, அடிக்கடி எச்சிலால் உதட்டை ஈரப்படுத்தக் கூடாது.அவ்வாறு செய்தால் எச்சிலில் இருக்கும் பக்டீரியாக்களால் உதட்டில் புண்கள் ஏற்படலாம். மேலும் உதட்டில் உள்ள ஈரப்பதமும் போய்விடும்.