செவிட்டுத்தன்மை பிறப்பிலேயே, மற்றும் பரம்பரை மூலம்...

செவிட்டுத்தன்மை பிறப்பிலேயே, மற்றும் பரம்பரை மூலம் கடத்தப்படுவதால் ஏற்படலாம். ஆகையால் எச்சரிக்கையாகவும் கவனத்துடனும் இருப்பது நல்லது. புதிதாகப் பிறந்த குழந்தைக்கு, உகத்த ஒலியைப் பயன்படுத்தி, அதன் திடுக்கிடும் விளைவை அவதானிக்கலாம். குழந்தை ஒன்றரை மாதமளவில், ஒலிக்கு கவனத்தைச் செலுத்த ஆரம்பிக்கிறது. பாலை உறிஞ்சும் போது, அது பழக்கப்பட்ட ஒரு ஒலியைக் கேட்டால், அதன் உறிஞ்சும் முறையில் மாற்றம் ஏற்படலாம். அது விரைவாக உறிஞ்சும் அல்லது உறிஞ்சுவதை நிறுத்தலாம். நாலரை மாதமளவில், குழந்தையால் தாயின் குரலை அடையாளம் காணமுடியும். தாயின் குரலைக் கேட்டால் மாத்திரம் குழந்தை அழுகையை நிறுத்தும். ஒன்பதரை மாதமளவில், குழந்தை தனது சுய குதூகலத்திற்காக முணுமுணுக்கும் சத்தங்களை உருவாக்குகிறது. (பா பா------, ப்ரம்-கார்ச் சத்தங்கள்) ஒரு வயதில், குழந்தைகள் சில தனிச் சொற்களைப் பேசுவதுடன் சைகைகளின் உதவியில்லாமல் எளிய ஏவல்களைப் புரிந்து கொள்கிறது.

( உ+ம் டா டா, Bye, கைதட்டல்) இரண்டு வயதளவில், குழந்தை 100 சொற்களளவில் விளங்கிக் கொள்வதுடன், எளிய வசனங்களைக் கதைக்கவும் கூடும். சில பெற்றோர்களுக்குக் கேளுணர்வு இழப்பு இருக்கலாம் என சந்தேகப்படினும், குழந்தை ஒரு வயதையடையும் வரை பொதுவாக அவர்கள் மருத்துவ ஆலோசனையைத் தேடுவ தில்லை.

இது பிரச்சனையை குணப்படுத்துவதை தாமதமாக்கு கிறது. புதிதாகப் பிறந்த குழந்தையில், கேளுணர்வை விசேட கருவி ஒன்றினைப் பயன்படுத்தி சோதனையிட முடியும். (Otoacooustic Emittor = மூளைத்தண்டுகேளலைவரைபி) ஒலித்தூண்டல் கொடுக்கப்பட்டு விளைவு கணணியைப் பயன்படுத்தி வரைபு பெறப்படும். அதனை ஒரு சாதாரண குழந்தையின் கேளுணர்வுச் சோதனை முடிவுடன் ஒப்பிடுவதன் மூலம் வைத்தியர் ஒரு முடிவிற்கு வர முடியும். குழந்தை சோதனையில் பாதிப்படைந்ததாக இனம் காணப்பட்டால், தன்மையை உறுதிப்படுத்துவதற்கு, மூளைத்தண்டு கேளலை வரைபியை (Brainstem response audiometry) பயன்படுத்தி மீண்டும் இச்சோதனை செய்யப்படல் வேண்டும். பின்னர் பொருத்தமான நடவடிக்கை எடுக்கப்படும் (வேறு பகுதியில் இது விரிவாக விபரிக்கப்பட்டுள்ளது) ஏழுமாதமளவில், குழந்தை ஒலியிற்கு நன்றாகவே பதிலளிக்கக் கூடியதாக இருப்பதால் அதை மீண்டும் சோதிக்கலாம். அனுபவமிக்க சோதனையாளர்கள் இச்செயன்முறையை வெவ்வெறு ஒலிகளை வெவ்வேறு ஒலிமட்டத்தில் பயன்படுத்து வதன் மூலம் கொண்டு நடத்துவர்.

(குழந்தையை தாயின் மடியில் இருத்தி வைத்திருக்கும் போது) செவிடாக இருப்பது உறுதிப்படுத்தப்பட்டால், ஒரு செவித்துணைக்கருவி. செவித்துணைக்கருவியை தொடர்ச்சியாக அணிந்துகொள்வது முக்கியமானது. தாய், குழந்தையுடன் போதியளவு நேரத்தை செலவளிக்க வேண்டும். பேச்சு மற்றும் மொழி சிகிச்சையாளர்களும் ,செவித்துணைக்கருவியிலிருந்து பெறப்படும் உச்ச நன்மையை பெற பெற்றொருக்கு உதவுவர். மாற்று நத்தைச்சுருள் (Cochlear implant) நன்றி: வைத்தியர். சந்ரா ஜயசூரிய (காது, மூக்கு, தொண்டை வைத்தியநிபுணர்)