பேரீச்சம்பழம் பெட்டிகளின் நடுவே வைத்து கடத்திய மின்னணு சாதனங்கள் பறிமுதல்

நவீன் · நவீன் Sat Aug 21, 2010 8:12 am

தூத்துக்குடி: சவுதி அரேபியாவிலிருந்து, பேரீச்சம் பழம் பெட்டிகளின்
நடுவே வைத்து கடத்தி வந்து இறக்குமதி செய்யப்பட்ட, ஐந்து லட்சம் ரூபாய்
மதிப்பு மின்னணு சாதனங்களை, தூத்துக்குடியில் சுங்கத்துறையினர் பறிமுதல்
செய்தனர். தூத்துக்குடி சுங்கத்துறை கமிஷனர் அஜய் தீக்ஷித் உத்தரவுப்படி,
கூடுதல் கமிஷனர் சந்திரமோகன் தலைமையில் அதிகாரிகள், துறைமுகத்தில்
இறக்குமதி செய்யப்பட்ட கன்டெய்னரை ஆய்வு செய்தனர். அதில், ஈரானிலிருந்து
தரம் குறைவான பேரீச்சம் பழம் இறக்குமதி செய்யப்பட்டதாக ஆவணங்களில்
இருந்தது. அதற்கு மாறாக அவற்றில் சவுதி அரேபியாவிலிருந்து, இறக்குமதி
செய்யப்பட்ட உயர் தர பேரீச்சம் பழம் இருந்தது கண்டுபிடிக்கப்பட்டது.
அதனுள் எல்.இ.டி., "டிவி', எல்.சி.டி., "டிவி' மற்றும் விலை உயர்ந்த
மின்னணு சாதனங்கள் பதுக்கியிருந்ததும் தெரியவந்தது. மற்றொரு பெட்டகத்தில்
உயர் ரக பேரீச்சம் பழ பெட்டிகளின் நடுவே உயர் ரக தேன் மற்றும் பேரீச்சம்
பழச்சாறு அடங்கிய பாட்டில்கள் மறைத்து வைக்கப்பட்டிருந்தது
கண்டுபிடிக்கப்பட்டது. இரண்டு பெட்டகங்களில் பெட்டிகளில் இருந்த பேரீச்சம்
பழத்தின் மொத்த மதிப்பு 15 லட்சம் ரூபாய். மின்னணு சாதனங்களின் மதிப்பு
ஐந்து லட்சம் ரூபாய். ஒரு பொருளை இறக்குமதி செய்வதாக அனுமதி வாங்கிவிட்டு,
வேறொரு பொருளை பதுக்கி கடத்தி இறக்குமதி செய்த குற்றத்திற்காக, அவை
பறிமுதல் செய்யப்பட்டன. வேறு ஒரு பெட்டகத்தில் மூன்று லட்சம் ரூபாய்
மதிப்புள்ள பழைய இரும்புக் கழிவுகள் என்ற பெயரில் இறக்குமதி செய்யப்பட்ட,
முதல் ரக தகர டின் சீட்டுகள் பறிமுதல் செய்யப்பட்டன. அவற்றின் மதிப்பு 12
லட்சம் ரூபாய். அதிக வரி கட்டாமல் இருப்பதற்காக, இறக்குமதியாளர் இவ்வாறு
மோசடி செய்துள்ளார். மற்றொரு பெட்டகத்தில், வெளிநாட்டிற்கு ஏற்றுமதி செய்ய
தயாராக இருந்த ஆயத்த ஆடைகளை ஆய்வு செய்த போது, அவை மிகவும் தரம் குறைந்து
இருந்தது தெரியவந்தது. மத்திய அரசிடம் 10 லட்சம் ரூபாய் ஊக்கத்தொகை
பெறுவதற்காக, தரம் குறைந்த அந்த ஆடைகளை, 1.2 கோடி ரூபாய் மதிப்புடைய தரம்
உயர்ந்த ஆடைகள் என ஆவணங்களில் குறிப்பிட்டு மோசடி செய்தது தெரியவந்தது.
அதையடுத்து அந்த பெட்டகமும் பறிமுதல் செய்யப்பட்டது. தூத்துக்குடி
சுங்கத்துறை கமிஷனர் அஜய் தீக்ஷித் கூறுகையில், ""வரி ஏய்ப்புக்காக
பேரீச்சை பழம், தகர டீன்கள் உள்ளிட்டவற்றை மோசடியாக இறக்குமதி செய்த,
ஆயத்த ஆடையை ஏற்றுமதி செய்யவிருந்த தனியார் நிறுவனத்தினருக்கு, அதற்குரிய
விளக்கம் கேட்டு நோட்டீஸ் அனுப்பப்பட்டுள்ளது. இந்த குற்றங்களுக்காக,
அந்நிறுவனங்களுக்கு அதிக அபராதம் விதிக்கப்படும். தூத்துக்குடி
துறைமுகத்தில் சரக்கு பெட்டகங்களை சோதனை செய்ய ஒரு கோடி ரூபாய்
மதிப்பீட்டில், "ஸ்கேனர்' கருவி இரண்டு மாதத்தில் அமைக்கப்படும்,''
என்றார். கூடுதல் கமிஷனர் சந்திரமோகன், அதிகாரிகள் உடனிருந்தனர்.

பேரீச்சம்பழம் பெட்டிகளின் நடுவே வைத்து கடத்திய மின்னணு சாதனங்கள் பறிமுதல்

பேரீச்சம்பழம் பெட்டிகளின் நடுவே வைத்து கடத்திய மின்னணு சாதனங்கள் பறிமுதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக