"அப்பா வண்டு".....

இரா.எட்வின் · இரா.எட்வின் Wed Aug 11, 2010 9:07 pm

கிடந்தது
சுவரோரமாய்
ஒரு கருவண்டு

"எப்பப்பா போகும் இது
அவுங்க வீட்டுக்கு? "

எதையாவது கேட்பாள்
சின்ன மகள்
எப்போதும்

"எழுந்ததும்
போகும்"
சமாளிப்பேன் நானும்
இப்படித்தான்

விடவில்லை

"இது
அப்பா வண்டா?
அம்மா வண்டா?"

"அப்பா வண்டு"
சொல்லி வைத்தேன் சும்மா

"அப்பா வண்டுன்னா சரி
எப்ப வேணாலும் போகலாம் வீட்டுக்கு"

சபீர் · சபீர் Wed Aug 11, 2010 10:45 pm

செந்தில் · செந்தில் Thu Aug 12, 2010 9:18 am

கலைவேந்தன் · கலைவேந்தன் Tue Aug 24, 2010 1:03 am

"அப்பா வண்டுன்னா சரி
எப்ப வேணாலும் போகலாம் வீட்டுக்கு"

சுரீலென்று பொட்டிலடித்தால் போன்ற கடைசிவரி...!

அசத்தல் எட்வின்...!

பாராட்டுக்கள்...!

**Aathira** · **Aathira** Tue Aug 24, 2010 1:31 am

தலைப்பே இல்லாத கவிதை,
உரையாடல் கவிதை..
புது உத்தி.. புது யுக்தி..புது புத்தி....
ருசிப்பவருக்கோ புது சக்தி...

உன் விரல் தொடும்போது எழுத்துக்கள்
உயிர்பெறுகின்றனவோ!!!

இக்கவிதை இதே கருத்தைக் கூறும் ஐங்குறு நூறு பாடல் ஒன்றை நினைவில் எழுப்பியது

”வெள்ளாங்குருகின் பிள்ளைச் செத்தென
காணிய சென்ற் மடநட நாரை
காலை இருந்து மாலை செகுக்கும்”

மிக்க நன்றி எட்வின்..