ஆண்டர்சனை இந்தியா கொண்டு வர அமைச்சர்கள் குழு பரிந்துரைக்கும்? பிரதமரிடம் இன்று அறிக்கை

யூனியன் கார்பைடு நிறுவன முன்னாள் தலைவர் வாரன் ஆண்டர்சனை இந்தியாவுக்கு கொண்டு வர அமெரிக்காவை அணுக அமைச்சர்கள் குழு பரிந்துரைக்கும் எனத் தெரிகிறது.

÷அமைச்சர்கள் குழுவின் அறிக்கை பிரதமர் மன்மோகன் சிங்கிடம் திங்கள்கிழமை அளிக்கப்படும்.

÷1984-ல் போபாலில் யூனியன் கார்பைடு நிறுவனத்தில் இருந்து விஷவாயு வெளியேறியதில் 15 ஆயிரத்துக்கும் மேற்பட்டோர் உயிரிழந்தனர். லட்சக்கணக்கானோர் பாதிக்கப்பட்டனர்.

÷இது தொடர்பான வழக்கின் தீர்ப்பில், முக்கிய குற்றவாளியான வாரன் ஆண்டர்சன் பற்றி எதுவும் குறிப்பிடப்படவில்லை. குற்றம்சாட்டப்பட்ட மேலும் 7 பேருக்கு 2 ஆண்டு சிறைத் தண்டனை விதிக்கப்பட்டது. இந்தத் தீர்ப்பு நாடு முழுவதும் அதிர்ச்சி அலைகளை ஏற்படுத்தியது.

÷இதையடுத்து, இப் பிரச்னை தொடர்பாக 2004-ல் அமைக்கப்பட்ட அமைச்சர்கள் குழுவை பிரதமர் மன்மோகன் சிங் மாற்றியமைத்தார். அமைச்சர்கள் குழு உடனடியாக சந்தித்து 10 நாள்களுக்குள் அறிக்கை தாக்கல் செய்ய வேண்டும் என உத்தரவிட்டார்.

÷ஏற்கெனவே வெள்ளி மற்றும் சனிக்கிழமைகளில் 3 முறை சந்தித்த அமைச்சர்கள் குழு ஞாயிற்றுக்கிழமையும் சந்தித்தது.

÷இந்த வழக்கு தொடர்பாக உச்ச நீதிமன்றத்தில் மறு ஆய்வு மனு தாக்கல் செய்யவும், ஆண்டர்சனை இந்தியாவுக்கு கொண்டு வர அமெரிக்காவை அணுகவும், குற்றம்சாட்டப்பட்டவர்கள் மீது கடுமையான பிரிவுகளில் வழக்குப் பதிவு செய்யவும் பரிந்துரை செய்ய முடிவு மேற்கொள்ளப்பட்டதாகத் தெரிகிறது.

÷விபத்து நடந்த இடத்தில் மாசுபட்ட மண், குடிநீர் மற்றும் நச்சுக் கழிவு ஆகியவற்றை நவீன விஞ்ஞான தொழில்நுட்ப உதவியுடன் அகற்றும் பணியை மேற்கொள்ளுமாறு மாநில அரசைக் கேட்டுக் கொள்வது எனவும், அதற்கு நிதி உதவியையும், தொழில்நுட்ப உதவியையும் மத்திய அரசு அளிப்பது எனவும் இக் கூட்டத்தில் முடிவு செய்யப்பட்டதாக அரசு வட்டாரங்கள் தெரிவித்தன.

÷இறந்தோர் குடும்பத்துக்கும், காயமடைந்தோர், நிரந்தரமாக பாதிக்கப்பட்டோருக்கும் அளிக்கப்பட வேண்டிய நிவாரண உதவி குறித்தும் கூட்டத்தில் விவாதிக்கப்பட்டது என்றும் அந்த வட்டாரங்கள் தெரிவித்தன.

÷கூட்டத்துக்குப் பின் உள்துறை அமைச்சர் ப.சிதம்பரம் கூறியதாவது:

÷எந்த விஷயங்கள் குறித்து விவாதிக்கப்பட வேண்டும் என அடையாளம் காணப்பட்டனவோ, அவை அனைத்தும் விரிவாக விவாதிக்கப்பட்டன.

÷அமைச்சர்கள் குழு திங்கள்கிழமை காலை சந்தித்து அறிக்கைக்கு இறுதி வடிவம் கொடுத்த பின் பிரதமர் மன்மோகன் சிங்கிடம் அளிக்கப்படும் என்றார்.

÷அர்ஜுன் சிங்கின் அறிக்கை பொய் மூட்டை- ம.பி. அமைச்சர்: "வாரன் ஆண்டர்சன் அமெரிக்கா சென்றதற்கு மத்திய அரசுதான் பொறுப்பு என்றும், தனக்கு அதில் பங்கில்லை என்றும் மத்தியப் பிரதேச முன்னாள் முதல்வர் அர்ஜுன் சிங் அறிக்கை விட்டுள்ளார். இந்த அறிக்கை பொய் மூட்டை' என மத்தியப் பிரதேச அமைச்சர் நரோத்தம் மிஸ்ரா வெளியிட்ட அறிக்கையில் தெரிவித்துள்ளார்.

÷மனித உரிமை கமிஷன் தலைவர் வேண்டுகோள்:÷பாதிக்கப்பட்ட அனைவருக்கும் நாட்டிலேயே சிறந்த மருத்துவமனைகளில் சிகிச்சை அளிக்க வேண்டும் என மத்தியப் பிரதேச மாநில மனித உரிமை கமிஷன் தலைவர் டி.எம்.தர்மாதிகாரி வேண்டுகோள் விடுத்துள்ளார்.

கொண்டுவந்து தான் என்ன பண்ண போறாங்க?
வெட்டி செலவு. மக்கள் வரிப் பணம் தான் வீணாகும்.

அரசியல் வியாதிங்களின் அடுத்த காமடி நாடகம் . ஆரம்பிசாச்சா

ராஜா wrote:அரசியல் வியாதிங்களின் அடுத்த காமடி நாடகம் . ஆரம்பிசாச்சா

என்ன பண்ண அவங்க பொழப்பே அதுல தானே போய்கிட்டு இருக்கு