'கடனை கட்டு; அல்லது இறப்பு சான்றிதழ் கொடு'

**ayyasamy ram** · **ayyasamy ram** Wed 22 Jul 2020 - 8:30

திருச்சி :
கடனை கட்டாத விவசாயிக்கு, தனியார் பைனான்ஸ் நிறுவனம்,
இறப்பு சான்று கேட்டு, 'மெசேஜ்' அனுப்பியது, அதிர்ச்சியை
ஏற்படுத்தி உள்ளது.

திருச்சி, சிறுகாம்பூர் அருகே, குருவம்பட்டியை சேர்ந்தவர்
முருகானந்தம், 35; விவசாயி. இவர், திருச்சியில் உள்ள தனியார்
நிதி நிறுவனத்தில், ஓராண்டுக்கு முன், 1.90 லட்சம் ரூபாய், டிராக்டர்
லோன் வாங்கி உள்ளார்.

மாதம், 31 ஆயிரம் ரூபாய் வீதம், 12 தவணைகள் கட்ட வேண்டிய
நிலையில், முருகானந்தம், மூன்று தவணைகள் மட்டுமே கட்டி
உள்ளார். மீதி, ஒன்பது தவணைகள் கட்டவில்லை.

நிதி நிறுவனத்தினர் பலமுறை கேட்டும், நேரில் சந்தித்து கூறியும்,
கடன் தொகையை அவர் கட்டவில்லை. இந்நிலையில், மூன்று
நாட்களுக்கு முன், நிதி நிறுவன மேலாளரிடம் இருந்து, முருகானந்தம்
மொபைல் போனுக்கு ஒரு, 'மெசேஜ்' வந்துள்ளது.

அதில், 'கடனை கட்டுங்கள், இல்லாவிட்டால், உங்கள் இறப்பு சான்றிதழை
கொடுத்து, கடனை முடித்துக் கொள்ளுங்கள்' எனக் கூறப்பட்டுள்ளது.

அதிர்ச்சி அடைந்த முருகானந்தம், நேற்றுவாத்தலை போலீசில் புகார்
அளித்தார். போலீசார் விசாரிக்கின்றனர்.

தினமலர்