தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

**ayyasamy ram** · **ayyasamy ram** Sun Jul 28, 2019 5:28 pm

சென்னை:
தி.நகர் நடைபாதை வளாகத்தை குப்பைத் தொட்டி இல்லாத பகுதியாக மாற்றும் பணியை சென்னை மாநகராட்சி தொடங்கியுள்ளது.ஸ்மார்ட் சிட்டி திட்டத்தின் கிழ் தி.நகரில், சாலை மேம்பாடு, பூங்கா சீரமைப்பு, பல்அடுக்கு வாகன நிறுத்தல் உள்ளிட்ட பல்வேறு பணிகள் நடைபெற்றுவருகிறது.

குறிப்பாக சாலைகளை சீரமைத்து நடைபாதை வளாகம் அமைக்கும் பணி விரைவாக நடைபெற்றுவருகிறது. பனகல் பூங்கா முதல் தணிகாசலம் சாலை வரை 730மீ நீளம் பகுதி. தணிகாசலம் சாலை முதல் போக் சந்திப்பு வரை 380 மீ நீளம் பகுதி, போக் சாலை சந்திப்பு முதல் அண்ணா சாலை வரை 565மீ நீளம் பகுதி உள்ளிட்ட 3 பகுதிகளில நடைபாதை வளாகம் அமைக்கும் பணி நடைபெற்றுவருகிறது.

இந்தப் பணி இந்தாண்டு இறுதிக்குள் முடிவடையும்என்றுஎதிர்பார்க்கப்படுகிறது.
இந்நிலையில் இந்த பகுதியை குப்பை தொட்டி இல்லாத பகுதியாக மாற்றும் பணியை சென்னை மாநகராட்சி தொடங்கியுள்ளது. அதன்படி கடந்த வாரத்தில் தியாகராய சாலை முதல் பாண்டி பஜார் சாலை வரை உள்ள பகுதி குப்பை தொட்டி இல்லாத பகுதியாக மாற்றப்பட்டுள்ளது.

இந்த பகுதியில் இருந்த 11 குப்பைத் தொட்டிகள் அப்புறப்படுத்தப்பட்டுள்ளது. இதனைத் தொடர்ந்து கடைகளுக்கு சென்று குப்பை சேகரிக்கும் பணியை சென்னை மாநகராட்சி தொடங்கியுள்ளது.

அதன்படி காலை 11 மணி மற்றும் மதியம் 2 மணி என்று நாள் ஒன்று இரண்டு முறை லாரிகள் மூலம் குப்பை சேகரிக்கப்படுகிறது. எனவே வியாபாரிகள் குப்பை தரம்பிரித்து லாரிகள் வரும் அளிக்க வேண்டும் என்று அறிவுறுத்தப்பட்டுள்ளது.

இதைத் தவிர்த்து சென்னை மாநகராட்சியின் திடக்கழிவு மேலாண்மை துறையின் துப்புரவு பணியாளர்கள் காலை மற்றும் இரவு உள்ளிட்ட இரு வேளைகளில் தி.நகர் பகுதியில் துப்புரவு பணிகளை மேற்கொண்டு வருகின்றனர்.

இந்த திட்டம் வெற்றியடைந்தால் உஸ்மான் சாலை மற்றும் வெங்கட் நாராயணா சாலை ஆகியவற்றிலும் இந்த முறையை செயல்படுத்த மாநகராட்சி முடிவு செய்துள்ளது.
-
தினகரன்

**T.N.Balasubramanian** · **T.N.Balasubramanian** Sun Jul 28, 2019 6:27 pm

மக்களின் ஒத்துழைப்பு இல்லாவிட்டால் மிக மிக கடினம்.
சுத்தம் செய்துகொண்டே இருப்பர் ஒரு சாரார்
மாக்கள் போல் அசுத்தம் செய்து கொண்டே செல்லும்
மக்கள் இருக்கும் வரை நம் முயற்சிகள் வெற்றி அடையாது.

வெற்றி பெற வாழ்த்துக்கள்.

ரமணியன்

**M.Jagadeesan** · **M.Jagadeesan** Sun Jul 28, 2019 6:58 pm

மரங்கள் அடர்ந்த பாண்டிபஜார் பகுதியில் , நடைபாதைக் கடைகள் அகற்றப்பட்டால் , மக்களுக்கு மிகவும் நன்மையாக இருக்கும் . அப்பகுதியின் அழகும் கூடும் . அவர்களால்தான் அதிக குப்பை சேருகிறது .

**T.N.Balasubramanian** · **T.N.Balasubramanian** Sun Jul 28, 2019 7:34 pm

நடைபாதை கடைகள் மறுபடியும் முளைக்கும்.
போலீஸ்காரர்கள் ஏஜென்ட் மூலம் காசு பார்த்து
கண்டும் காணாமலும் இருப்பார்கள்.
ஆமாம் இதற்காக army யா போடமுடியும்?
பாண்டி பஜார் மரங்கள் நிறைந்து இருந்தது
என்பதுதான் தற்போதைய உண்மை.
பகுத்தறிவில்லாத மிருகங்களுக்கு உள்ள
ஒழுங்குமுறை கூட நம் மக்களிடம் கிடையாது.

பார்க்கத்தான் போகிறோம் வருங்காலங்களில்.
ரமணியன்

Guest · Guest Sun Jul 28, 2019 9:54 pm

திருடனாய் பார்த்து திருந்தாவிட்டால் திருட்டை ஒழிக்க முடியாது.
சினிமாவில் இப்படி வீசுவதை பார்த்திருப்பார்கள். இன்று சினிமா தான் வழிகாட்டி.

Sponsored content · Sponsored content

தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

Re: தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

Re: தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

Re: தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

Re: தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

Re: தி.நகர் நடைபாதை வளாகத்தை குப்பைத்தொட்டி இல்லாத பகுதியாக மாற்றும் பணி தொடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக