இந்தியாவில் போலியோவை மீண்டும் பரப்ப திட்டமா?

**சிவா** · **சிவா** Thu Oct 04, 2018 7:41 am

இந்தியாவில் மீண்டும் போலியோவைப் பரப்ப போலியோ சொட்டு மருந்திலேயே வைரஸ் கலப்பு செய்யப்படுவதாக தகவல்

இந்தியா உடபட உலக நாடுகள் பலவற்றிலும் போலியோ முற்றிலும் ஒழிக்கப்பட்ட ஒரு நோயாகக் கருதப்பட்டு வருகிறது. இந்தியா அரசு ஆண்டுதோறும் 5 வயதிற்குட்பட்ட குழந்தைகளுக்கு ஒவ்வோரு வருடமும் போலியோ தடுப்பு சொட்டு மருந்து இலவசமாக அளித்து வருகிறது.

தற்போது உத்திரபிரதேச மாநிலத்தில் வைக்கப்பட்டு இருந்த மாதிரி போலியோ சொட்டு மருந்துகளை பரிசோத்திதுப் பார்த்தபோது அவற்றில் போலியோவைப் பரப்பும் டைப் 2 வகை வைரஸ் இருப்பது உறுதியானது.

இந்திய அரசு பயோமெட் என்ற தனியார் நிறுவனத்திடம் இருந்தே தடுப்பூசி மற்றும் தடுப்பு மருதுகளை மொத்தமாக வாங்குகிறது. அந்த நிறுவனம் இந்திய அரசைத் தவிர வேறு யாருக்கும் மருந்து விற்பனை செய்வதில்லை. இதையடுத்து மத்திய மருந்து சீராய்வகம் அந்த நிறுவனத்தின் மீது வழக்குப் பதிந்து அதன் நிர்வாக இயக்குனரை கைது செய்துள்ளது.

இந்திய மருத்துவ சீராய்வகம், மருந்து தயாரிக்கும் எல்லா தனியார் நிறுவனங்களையும் 2016 ஆம் ஆண்டு ஏப்ரல் மாதமே டைப் 2 வைரஸ் மற்றும் அது சம்பந்தபட்ட அனைத்து சமபந்தமான மூலக்கூறுகள் அனைத்தும் அழிக்கப்பட வேண்டும் என உத்தரவிட்டிருந்தது. பயோ மெட் நிறுவனம் எவ்வாறு டைப் 2 வைரஸ் கலப்படம் செய்தது எனவும் விசாரணை மேற்கொள்ளப்பட்டு வருகிறது.

**ராஜா** · **ராஜா** Thu Oct 04, 2018 7:54 am

நாம் என்ன சாப்பிடணும் எப்ப தூங்கணும் எப்ப சாகனும் என்று இனிமேல் கடவுளால் கூட தீர்மானிக்க முடியாது , அதற்கும் மேலான கார்பொரேட் முதலாளிகள் உள்ளனர்

aeroboy2000 · aeroboy2000 Thu Oct 04, 2018 10:35 am

இப்ப சில ஆவேச பேட்டிகள்
வரலாம்
முந்தைய ஆட்சியில்
இப்போதைய ஆட்சிக்கு களங்கம்
ஏற்படுத்தவேண்டும் என்று

வைரஸ்களை
அழிக்காமல் பாதுகாத்து
வைத்து இருந்தனர் என்று...

அநியாயம்

**சிவா** · **சிவா** Thu Oct 04, 2018 7:12 pm

போலியோ மருந்தில் வைரஸ்: தயாரிப்பு நிறுவனம் மூடல்

புதுடில்லி: குழந்தைகளுக்கு வழங்கப்பட்ட போலியோ மருந்துகளில் வைரஸ் இருப்பது கண்டுபிடிக்கப்பட்டதை தொடர்ந்து, அதனை தயாரித்த நிறுவனம் மூடப்பட்டது. நிர்வாக இயக்குநர் கைது செய்யப்பட்டார்.

இந்தியாவில் போலியோவை முற்றிலுமாக ஒழித்துகட்ட தீவிர நடவடிக்கைகள் எடுக்கப்பட்டு வருகிறது. போலியோ இல்லாத இந்தியா என கடந்த மார்ச் 2014-ம் ஆண்டு அரசு அதிகாரப்பூர்வமாக அறிவிக்கப்பட்டது.

விசாரணை

இந்நிலையில் தெலுங்கானா, மஹாராஷ்டிரா, உத்தரபிரதேசம் ஆகிய மாநிலங்களில் குழந்தைகளுக்கு கெட்டு போன போலியா மருந்து வழங்கப்பட்டது. அந்த மருந்தில் வைரஸ் இருந்தது கண்டுபிடிக்கப்பட்டது.

இதனையடுத்து, அம்மாநில குழந்தைகளுக்கு பக்கவிளைவுகள் , அறிகுறிகள் ஏற்படுகிறதா என கண்காணிக்க உத்தரவிடப்பட்டது. இந்த சொட்டு மருந்தினை உ.பி. மாநிலம் காசியாபாத்தை தலைமையிடமாக கொண்டு செயல்படும் நிறுவனம் தான் சப்ளை செய்துள்ளதாக கூறப்படுகிறது.

கைது

இந்நிலையில், சுகாதார அமைச்சகம் வெளியிட்ட அறிக்கையில், போலியோ மருந்தில் வைரஸ் இருந்தது கண்டுபிடிக்கப்பட்டதை தொடர்ந்து, விசாரணை முடியும் வரை, அந்த நிறுவனம் தயாரித்த மருந்தை பயன்படுத்த வேண்டாம் எனஉததரவிடப்பட்டுள்ளது.

மருந்து கண்காணிப்பு அதிகாரி, உடனடியாக, இது குறித்து புகார் அளித்துள்ளார். இதன் பின் , உடனடியாக நிறுவனம் மூடப்பட்டதுடன், நிர்வாக இயக்குநரும் கைது செய்யப்பட்டார். இவ்வாறு அந்த அறிக்கையில் கூறப்பட்டுள்ளது.