தற்போதைய செய்திகள்

**ayyasamy ram** · **ayyasamy ram** Mon Jan 23, 2017 2:24 pm

தற்போதைய செய்தி

சென்னை:
-
தற்போதைய செய்திகள் KaKlNs77TDm0Mzxsieui+Tamil_News_large_1695985_318_219

-

சென்னையில் ஜல்லிக்கட்டு ஆதரவு போராட்டக்காரர்கள்
போலீஸ் இடையே கடும் மோதல் வெடித்துள்ளது.

இதில் திருவல்லிக்கேணி, பீச்ரோடு, ராயபுரம், உள்ளிட்ட
வட சென்னையில் ஆங்காங்கே வன் செயல்கள் நடந்து
வருகிறது.

கீழ்பாக்கம் உள்ளிட்ட பல இடங்களில் மறியல் நடப்தால்
பூந்தமல்லி நெடுஞ்சாலையில் போக்குவரத்துக்கு முடங்கியது.

-
-----------------
தினமலர்

**ayyasamy ram** · **ayyasamy ram** Mon Jan 23, 2017 2:27 pm

சென்னை:

போராட்டத்தில் ஈடுபட்டு வரும் இளைஞர்களை விரட்டி
அடித்து வரும் போலீசார் சென்னையில் மெரினா
கடற்கரைக்கு செல்லும் அனைத்து சாலைகளுக்கும்
சீல் வைக்கப்பட்டுள்ளது.

மெரினா கடற்கரையில் இருந்து விரட்டி அடிக்கப்பட்டுள்ள
இளைஞர்கள் ராயப்பேட்டை மற்றும் திருவல்லிக்கேணியில்
உள்ள சாலைகளில் குவிந்துள்ளனர்.

அவர்கள் மீண்டும் கடற்கரை பகுதிக்கு செல்லாமல் இருக்க
போலீசார் அனைத்து சாலைகளுக்கும் சீல் வைத்துள்ளனர்.

கடற்கரை சாலையுடன் இணையும் சாலைகளில் போலீசார்
குவிக்கப்பட்டுள்ளனர்.

வேளச்சேரியில் இருந்து கடற்கரை வரை இயக்கப்படும்
மேம்பால ரயில் நிறுத்தப்பட்டுள்ளது.

**ayyasamy ram** · **ayyasamy ram** Mon Jan 23, 2017 2:29 pm

சென்னை:

சென்னை திருவல்லிக்கேணி பகுதியில், போராட்டத்தில்
ஈடுபட்ட இளைஞர்களை கலைக்க, போலீசார் வானத்தை
நோக்கி துப்பாக்கியால் சுட்டனர்.

சென்னையில் போராடக்காரர்களை கலைக்க முயன்ற
போலீசார் மீது தாக்குதல் நடத்தப்பட்டது. இதில், ஐந்து
போலீசார் காயம் அடைந்தனர்.

இதனால், அப்பகுதியில் பதட்டமான சூழ்நிலை காணப்படுகிறது.
குறிப்பாக அவ்வை சண்முகம் சாலை, கடற்கரை சாலை
இணைப்பு பகுதியில், 500 இளைஞர்கள் குவிந்துள்ளனர்.
அவர்களுடன் போலீசார் தொடர்ந்து பேச்சு வார்த்தை நடத்தி
வருகின்றனர்.
--

**ayyasamy ram** · **ayyasamy ram** Mon Jan 23, 2017 2:36 pm

மதுரையில் 2 ரயில்கள் சிறைபிடிப்பு
-
மதுரை :
கோவையிலிருந்து நாகர்கோவில் செல்லும் பயணிகள்
ரயில் 5 நாட்களாக மதுரை செல்லூர் ரயில் பாலத்தில்
மாணவர்களால் சிறைப்பிடித்து வைக்கப்பட்டிருந்தது.

இன்று காலை மாணவர்களுடன் போலீசார் பேசி,
ரயிலை 50 மீ நகர்த்திய நிலையில், மீண்டும் அப்பகுதி
பொதுமக்கள் ரயிலை சிறைபிடித்தனர்.

இந்நிலையில் 5 நாட்களாக சிறைபிடிக்கப்பட்ட ரயிலை
மீட்க ரயில்வே சார்பில் மற்றொரு ரயில் என்ஜின் கொண்டு
வரப்பட்டது. செல்லூர் ரயில் பாலத்தில் போராட்டம் நடத்தி
வரும் மக்கள் அந்த ரயில் என்ஜினையும் சிறைபிடித்து
வைத்துள்ளனர்.

இதனால் அங்கு மேலும் பதற்றம் அதிகரித்து வருகிறது.
-

Sponsored content · Sponsored content

தற்போதைய செய்திகள்

தற்போதைய செய்திகள்

Re: தற்போதைய செய்திகள்

Re: தற்போதைய செய்திகள்

Re: தற்போதைய செய்திகள்

Re: தற்போதைய செய்திகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக