இந்த வாழ்க்கை

**ayyasamy ram** · **ayyasamy ram** Sat 30 Jul 2016 - 16:02

-
–
இந்த நிமிஷம் வரையிலும் இருந்தது போல்
இனி என் வாழ்க்கை இராது என
ஒரு கோடி முறை எனக்குள் சொல்லிக்கொள்கிறேன்
என்ன பயன்?
என்னை நான் இகழ்ந்து கொண்டதைத் தவிர
–
நான் என் காலை வைக்க வேண்டிய படி எது?
நான் குலுக்க வேண்டிய கை
நான் அணைக்க வேண்டிய தோள்
நான் படிக்க வேண்டிய நூல்
நான் பணியாற்ற வேண்டிய இடம்
ஒன்றும் எனக்குத் தெரியவில்லை
–
இப்படி இருக்கிறது வாழ்க்கை
–
————————————
-சுந்தர ராமசாமி
யாரோ ஒருவனுக்காக – கவிதை தொகுப்பிலிருந்து
படம் – இணையம்