மாணவர்கள் கல்வி கரை சேர, ஆற்றில் நீந்தி பாடம் கற்பிக்கும் ஆசிரியர்

soplangi · soplangi Wed Jun 26, 2013 11:05 am

தினமும் நதியில் நீந்தி பள்ளிக்குச் செல்லும் ஆசிரியர் Tamil_News_large_743005

தன்னிடம் படிக்கும் குழந்தைகள் தேர்வில் வெற்றி பெற, கேரளாவை சேர்ந்த ஒரு வகுப்பாசிரியர், கரைபுரண்டோடும் ஆற்று தண்ணீருடன் தினமும் போரிட்டு தோற்கடித்தாக வேண்டிய கட்டாயம் ஏற்பட்டுள்ளது.

கேரள மாநிலம் மலப்புரம் மஞ்சேரி யானைக்கயம் பெரும்பலத்தைச் சேர்ந்தவர் அப்துல் மாலிக். இவர் இரும்பழி எனுமிடத்தில் உள்ள பள்ளியில் 1992ல் ஆசிரியராக சேர்ந்தார். வீட்டிலிருந்து மூன்று பஸ்கள் மாறினால்தான் பள்ளியை அடைய முடியும். அதுமட்டுமின்றி பஸ் ஏறுவதற்கு வீட்டிலிருந்து இரண்டு கிலோ மீட்டர் தூரம் நடக்கவும் வேண்டும். அதுமட்டுமல்லாமல், இந்த ரூட்டில் பஸ் சர்வீஸ் மிக குறைவு. எப்படிதான் வேகமாக மூச்சிரைக்க ஓடி வந்தாலும் பள்ளிக்கு சரியான நேரத்துக்கு அப்துல் மாலிக்கால் வரமுடியவில்லை. வேலையில் சேர்ந்து முதல் கல்வியாண்டு முடிந்த பிறகுதான் பள்ளிக்கு எளிதில் வர கடலுண்டி ஆற்றை கடந்தால் போதும் என்ற யோசனை பிறந்தது.

அன்று முதல் இன்று வரை கடலுண்டி ஆறு, மாலிக்கின் தினசரி போக்குவரத்து வழியாக மாறிவிட்டது. மாலிக்கின் வீடும் அவர் பணியாற்றும் பள்ளியும் கடலுண்டி ஆற்றின் இருகரைகளில் உள்ளது. இதன் அருகே பாலங்கள் எதுவும் இல்லை. வீட்டிலிருந்து நேராக யானைக்காயம் பெரிம்பலம் ஆற்றின் கரையோரம் வந்து, அணிந்துள்ள ஆடைகள், டிபன் பாக்ஸ், குடை மற்றும் புத்தகங்களை பிளாஸ்டிக் பையில் வைத்து இடுப்பில் துண்டால் இறுக்க கட்டிக் கொள்கிறார். இந்த பையையும் செருப்பையும் ஒரு கைய்யால் ஏந்தி, மறுகையால் டயர் டியூபில் நீச்சலடித்து ஆற்றை தாண்டி அக்கரை சென்றடைகிறார். பிறகு ஆடைகளை அணிந்து டியூபை அருகிலுள்ள வீட்டில் வைத்து விட்டு பள்ளிக்கு செல்கிறார். மாலையிலும் இதேபோல் வீடு திரும்புகிறார். தற்போதுள்ள கனமழையிலும் மாலிக் இந்த கடின பாதையை வழிதான் பள்ளிக்கு செல்கிறார் என்பது குறிப்பிடத்தக்கது.

இது குறித்து மாலிக் குறுகையில், ""இதுவரை எந்தவித ஆபத்தும் ஏற்படவில்லை. வெள்ளம் அதிகரித்துள்ளதால் தற்போது ஆற்றின் தரை மட்டத்தை தொடமுடியவில்லை. நீச்சலடித்து செல்லும்போது ஆற்றின் இடையே உள்ள பாறைகளிலோ, கற்களிலோ நின்று சிறிது நேரம் ஒய்வெடுப்பேன். தற்போது 12 ஆடி உயரத்தில் ஆற்றில் நீர் உள்ளது. கன மழை தொடர்ந்தால் 36 ஆடி உயரத்துக்கு தண்ணீர் பாய்ந்து செல்லும். அப்போதுதூன் ஆற்றைக் கடப்பது சிறிது சிரமமாக இருக்கும்,'' என கூலாக கூறுகிறார்.

-- தினமலர்

**அகல்** · **அகல்** Wed Jun 26, 2013 1:24 pm

அறிமாயன ஆசிரியரை அடையாளப் படுத்தியதற்கு மிக்க நன்றி தோழர்..

**சாமி** · **சாமி** Fri Sep 06, 2013 8:17 am

பேருந்திலும், ரயிலிலும் பயணிக்கும் நாமே பல நேரங்களில் போக்குவரத்து நெரிசல் குறித்தும், கால தாமதம் குறித்தும் வெறுப்படைகிறோம்.

ஆனால், கேரள மாநிலத்தில், ஒரு ஆசிரியர் தினமும் கழுத்தளவு ஆழம் உள்ள ஆற்றில் நீந்தி பள்ளிக்குச் சென்று பாடம் நடத்தி விட்டு, மீண்டும் ஆற்றில் நீந்தி வீட்டுக்கு திரும்பி வருகிறார்.

ஆசிரியர் தினமான இன்று இப்படி ஒரு வியப்பான ஆசிரியரைப் பற்றி நாம் பார்க்கலாம்.

கேரள மாநிலம் மலப்புரம் மாவட்டத்தில் ஒரு அரசுப் பள்ளியில் பணியாற்றும் அப்துல் மாலிக் (40) என்ற ஆசிரியர், தினமும் காலை 9 மணிக்கு தனது உடமைகளை பாலிதீன் கவரில் போட்டு எடுத்துக் கொண்டு, காற்று நிரப்பப்பட் டயர் ட்யூப்பை நெஞ்சுப் பகுதியில் போட்டுக் கொண்டு ஆற்றில் இறங்குகிறார். சுமார் 15 நிமிடம் நீந்தி மறு கரையை அடைந்து, உடைகளை அணிந்து கொண்டு பள்ளிக்குச் செல்கிறார். மீண்டும் மாலையில் இதே முறையில் வீட்டுக்கு திரும்புகிறார்.

இது பற்றி அவரிடம் கேட்டால், எனது வீட்டில் இருந்து பள்ளிக்கு இந்த ஆற்றை சுற்றிக் கொண்டு செல்ல 12 கி.மீ. தூரம் உள்ளது. அந்த தூரத்தை நான் பேருந்தில் சென்றால் உரிய நேரத்துக்கு பள்ளிக்குச் செல்ல இயலாது. எனவே தான் இந்த வழியை கண்டுபிடித்தேன் என்கிறார் சிரித்துக் கொண்டே.

சுமார் 20 ஆண்டுகளாக இந்த முறையில்தான் இவர் பள்ளிக்குச் சென்று வருகிறார் என்பது குறிப்பிடத்தக்கது.

பூவன் · பூவன் Fri Sep 06, 2013 10:42 am

தினமும் நதியில் நீந்தி பள்ளிக்குச் செல்லும் ஆசிரியர் 1005123_365630320227119_1608256700_n

இவர் தான் அந்த அப்துல் மாலிக்..

பூவன் · பூவன் Fri Sep 06, 2013 11:31 am

தினமும் நதியில் நீந்தி பள்ளிக்குச் செல்லும் ஆசிரியர் 1239037_210915929032195_79942157_n

பெளஷான் கட்டார்
கேரளா மாநிலம் மலப்புரம் மாவட்டத்தை சேர்ந்த அப்துல் மாலிக் என்ற இந்த ஆசிரியர் தினந்தோறும் ஆற்றில் இறங்கி டியூப் மூலம் கரையை கடந்து, பள்ளிக்கு சென்று பாடம் நடத்துகிறார்.

பஸ் மூலம் சென்றால் 3 மணி நேரம் ஆகும் என்று ஆற்றின் வழியாக 15 நிமடத்தில் பள்ளிக்கு சென்று பாடம் எடுக்கிறார்.

இன்று அவர் ஆற்றை கடந்து பள்ளிக்கு சென்ற போது ஏரளமான மாணவர்கள் வாழ்த்து அட்டையுடன் காத்திருந்து அவருக்கு அசிரியர் தின வாழ்த்துக்களை தெரிவித்தனர்.

ஜாஹாங்கீர் என்ற ஏழு வயது மாணவனிடம் பெரியவனாகி என்னவாவாய் என்று கேட்டதற்கு ’மாலிக் சார்’ மாதிரி ஆசிரியர் ஆவேன் என்று கூறியுள்ளான்.

இன்று ஒரு சில ஆசிரியர்கள் காலையில் பள்ளிக்கு சென்று கையெழுத்து போட்டதோடு சரி பிறகு எங்கு போனார் என்று யாருக்குமே தெரியாது,ஒரு சில ஆசிரியர்கள் 12 மணிக்கு மேல் தான் பள்ளிக்கே வருவர்.இப்படிப்பட்ட ஆசிரியர்களிடையே அப்துல் மாலிக்கின் சேவையை பாராட்டத் தான் வேண்டும். -

17/02/2013

கலைமகளின் மைந்தன்
வணங்குகிறேன்

soplangi · soplangi Fri Sep 06, 2013 12:25 pm

ஏற்கனவே ஒரு பதிவு உள்ளது

http://www.eegarai.net/t100582-topic

பாலாஜி · பாலாஜி Fri Sep 06, 2013 12:30 pm

soplangi wrote:ஏற்கனவே ஒரு பதிவு உள்ளது

http://www.eegarai.net/t100582-topic

பதிவுகள் இணைக்கப்பட்டது

பாலாஜி · பாலாஜி Fri Sep 06, 2013 12:32 pm

வாழ்த்துகள் அப்துல் மாலிக்..

வணங்குகிறேன்...தேசிய நல்லசிரியர் விருதை பெற அன்பு வாழ்த்துகள்

**சிவா** · **சிவா** Fri Sep 06, 2013 12:46 pm

இவரை எப்படித்தான் பாராட்டுவது? 100 நல்லாசிரியர் விருது கொடுத்தாலும் தகும். பாராட்டுக்கள் ஆசிரியரே!

Sponsored content · Sponsored content

தினமும் நதியில் நீந்தி பள்ளிக்குச் செல்லும் ஆசிரியர்

மாணவர்கள் கல்வி கரை சேர, ஆற்றில் நீந்தி பாடம் கற்பிக்கும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

Re: தினமும் நதியில் நீந்தி பள்ளிக்குச் செல்லும் ஆசிரியர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக