Search found 1 match for முலாம்பழம்

Topics tagged under முலாம்பழம் on ஈகரை தமிழ் களஞ்சியம் Image?url=https%3A%2F%2Fimages.hindustantimes.com%2Ftamil%2Fimg%2F2023%2F04%2F29%2F600x338%2Fa_musk_melon_1682770503737_1682770516128

எடைகுறைப்பு முதல் இதய ஆரோக்கியம் வரை முலாம்பழத்தின் நன்மைகள் குறித்து இங்கு தெரிந்து கொள்ளுங்கள்.

கோடை வந்துவிட்டாலே, தர்பூசணி, பனநுங்கு, வெள்ளரிப்பழம், முலாம்பழம் என வகைவகையான பழங்கள் உடல் குளிர்ச்சியைத் தரக்கூடியவை தாராளமாக விற்பனையாகும்.

கோடைக்கு இதம் தரும் இந்த முலாம்பழம் சுவையும் சதைப்பற்றும் நிறைந்தது. முலாம் பழத்தை குளிர்வித்து சாப்பிட்டால் சுவை இன்னும் அட்டகாசமாக இருக்கும். இவை எடை இழப்பு, ரத்த அழுத்தத்தை கட்டுப்படுத்துவது போன்ற பல்வேறு நன்மைகளைக் கொண்டுள்ளன. இவை உங்கள் கண் பார்வையை மேம்படுத்துவதுடன், சிறுநீரக கற்களை கரைக்கும் நல்ல விளைவுகளை ஏற்படுத்துகிறது.

கோடையில் முலாம் பழங்களை உங்கள் அன்றாட உணவை சேர்த்துக் கொள்வதால் உடலில் ஏராளமான நல்ல விளைவுகளை பார்க்க முடியும். அவை என்னென்ன என்பதை ஒவ்வொன்றாக பார்க்கலாம்.

உயர் ரத்த அழுத்தத்தை கட்டுப்படுத்தும்

முலாம்பழங்களில் பொட்டாசியம் சத்து நிறைந்துள்ளது. இது ரத்த அழுத்தத்தை கட்டுக்குள் வைத்திருக்க உதவும்.

வயிற்று புண்களை ஆற்றும்

முலாம்பழங்களில் மிகச்சிறந்த அளவில் வைட்டமின் C உள்ளது. இது வயிற்றுப் புண்களை சரி செய்வது முக்கிய பங்கு வகிக்கிறது.

சிறுநீரக கற்கள்

முலாம்பழத்தில் உள்ள ஆக்ஸிகைனில் சிறுநீரக பிரச்னைகளை குணப்படுத்தும் தன்மை உள்ளதாக நிரூபிக்கப்பட்டுள்ளது.

கண் பார்வையை மேம்படுத்தும்

முலாம்பழத்தில் அதிக அளவு வைட்டமின் A உள்ளது. இது கண்களின் தசைகளை வலுப்படுத்துகிறது. இதன் மூலம் எதிர்காலத்தில் ஏற்படும் கண் சார்ந்த பிரச்னைகளை தடுக்கலாம்.

எடை இழப்பு

முலாம் பழத்தில் மிகக் குறைந்த அளவு கொழுப்பும், அதிக அளவு பொட்டாசியமும் உள்ளது. உடலால் எளிதில் ஜீரணிக்க கூடிய நல்ல கார்போஹைட்ரேட்கள் இப்பழத்தில் உள்ளன. முலாம் பழம் மற்றும் அதன் விதையில் நார்ச்சத்து அதிகமாக உள்ளதால், இவை உடல் எடையை குறைக்க பெரிதும் உதவும்.

சர்க்கரை நோயை கட்டுப்படுத்தும்

முலாம் பழத்தில் மிகக் குறைவான அளவே கொழுப்பு உள்ளது. மேலும் நார்ச்சத்து நிறைந்த இந்த முலாம் பழம் ரத்த சர்க்கரை அளவை கட்டுப்படுத்த உதவும்.

கர்ப்பிணிகளுக்கு நல்லது

இதில் அதிக அளவில் உள்ள ஃபோலேட் அதிகப்படியான சோடியத்தை அகற்ற உதவுகிறது. கர்ப்பிணிகளின் நீர்ப்பிடிப்பு பிரச்னைகளையும் குறைக்கிறது.

தூக்கமின்மையை போக்கும்

முலாம் பழத்தில் உள்ள பண்புகள் மூளையின் நரம்புகள் மற்றும் தசைகளை தளர்த்துகின்றன. இது தூக்கமின்மை போன்ற தூக்கம் சார்ந்த பிரச்சினைகளில் இருந்து விடுபட உதவும்.

மாதவிடாய் வலிக்கு நிவாரணம்

ஆராய்ச்சியின் படி, முலாம்பழத்தில் உள்ள வைட்டமின் C மாதவிடாய் நாட்களில் ஏற்படும் தசை பிடிப்பிலிருந்து விடுபட உதவுவதாக தெரியவந்துள்ளது. இதனுடன் மாதவிடாய் ரத்தப்போக்கும் சீராக இருக்கும்.

குறிச்சொற்கள் #முலாம்_பழம் #முலாம்பழம் #Muskmelon