Search found 1 match for கன்னக்குழி

Topics tagged under கன்னக்குழி on ஈகரை தமிழ் களஞ்சியம் Dimple

``கன்னக்குழி நடுவே சிக்கிக்கொண்டேன் அழகே... நெற்றி முடி வழியே தப்பி வந்தேன் வெளியே...'' என்ற `ரன்' திரைப்படப் பாடலைப் போல், கன்னக்குழி உள்ள பெண்களை வர்ணித்துப் பல பாடல்கள், கவிதைகள் உள்ளன. `அவள் என்னைப் பார்த்துச் சிரித்தாள், அவள் கன்னத்தில் குழி விழுந்தது... நான் அவளைப் பார்த்துச் சிரித்தேன்... என் வாழ்க்கையே குழியில் விழுந்தது’ போன்ற மீம்ஸ்களும் உண்டு.

கன்னத்தில் குழி என்றாலே பெண்கள்தான் நினைவுக்கு வருகிறார்கள். ஆனால், ஆண்களுக்கும் கன்னக்குழி விழுவதுண்டு என்றாலும், பெண்களுக்கு விழும் கன்னக்குழி அவர்களின் அழகை அதிகரித்துக் காட்டுகிறது. சமீபத்தில் வெளியான `போர்த்தொழில்' திரைப்படத்தில்கூட, கன்னக்குழி முக்கிய இடம்பெற்றிருக்கும்.

கன்னக்குழியில் இத்தனை விஷயங்களா? கன்னத்தில் குழி விழுவதற்கு என்ன காரணம்?

``கன்னத்தில் குழிவிழுவது முழுக்க முழுக்க மரபணு சார்ந்தது. அம்மா, அப்பா, தாத்தா, பாட்டி என உங்கள் பரம்பரையில் யாருக்கேனும் கன்னக்குழி இருந்தால், உங்களுக்கும் கன்னக்குழி விழுவதற்கு அதிக வாய்ப்பு இருக்கிறது. நம் முகத்தில் நாம் சிரிப்பதற்காக பல தசைநார்கள் உள்ளன. அதாவது ஸைகோமேட்டிக்கஸ் மேஜர், ஸைகோமேட்டிக்கஸ் மைனர் போன்ற தசைநார்கள் உள்ளன. அதில் ஸைகோமேட்டிக்கஸ் மேஜரில் உள்ள சிறிய குறைபாட்டின் காரணமாகத்தான் கன்னக்குழி விழுகிறது. சில நேரங்களில் குழந்தைகளுக்கு முகத்தில் அதிகமாக ஏற்படும் கொழுப்பினாலும் கன்னக்குழி இருப்பதுபோல் தோன்றும். ஆனால், குழந்தை வளரவளர கன்னத்தில் உள்ள கொழுப்பு குறைந்து கன்னக்குழியும் மறைந்துவிடும். பெற்றோர்களுக்குக் கன்னக்குழி இருந்தால் குழந்தைகளுக்கும் கன்னக்குழி இருப்பதற்கு வாய்ப்புள்ளதே தவிர, எல்லாக் குழந்தைகளுக்கும் அப்படி வரும் என்று சொல்லிவிட முடியாது.

சிலர் தங்களை அழகாகக் காட்டிக் கொள்ள நினைத்து `டிம்பிள் பிளாஸ்டி’ அறுவை சிகிச்சை செய்துகொண்டு செயற்கையாகக் கன்னக் குழியை வரவழைத்துக் கொள்கின்றனர். இது பாதுகாப்பான அறுவை சிகிச்சைதான். ஆனால், எந்த அறுவை சிகிச்சையிலும் சிக்கல் வர வாய்ப்புகள் உண்டு. நிபுணத்துவம் பெற்ற மருத்துவரிடம் பாதுகாப்பாகச் செய்யப்படும் பட்சத்தில் சிக்கல்கள் இருக்காது. சிலருக்கு இந்த அறுவை சிகிச்சைக்குப் பின்பு, ரத்தக் கட்டிகள், கன்னத்தில் வீக்கம், தொற்றுகள் ஏற்படலாம். அறுவை சிகிச்சைக்குத் தயாராகிறவர்கள், இவற்றுக்கும் தயாராக இருக்க வேண்டும்.

கன்னக்குழி என்பது வசீகரத் தோற்றத்தைக் கொடுப்பதால் பலரும் செயற்கையாகக் கன்னக்குழி ஏற்படுத்தும் அறுவை சிகிச்சையை மேற்கொள்கின்றனர். அமெரிக்கா, வடகொரியா போன்ற நாடுகளில் இந்தச் சிகிச்சையைச் செய்துகொள்வதில் மக்கள் அதிக ஆர்வம் காட்டுகின்றனர்''.

குறிச்சொற்கள் #கன்னக்குழி
#டிம்பிள்
#dimple

அவள் விகடன்

Search found 1 match for கன்னக்குழி

கன்னக்குழி - செயற்கையாக உருவாக்குவது சரியா?