பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

soplangi · soplangi Thu Jun 13, 2013 11:20 am

மத்திய அரசு அலுவலகங்களில் பணியாற்றுவோர், தங்களின் பணிகளில் உள்ள பிரச்னைகளை விளக்கியும், உயர் அதிகாரிகளை போட்டு கொடுத்தும், நேரடியாக, பிரதமர் அலுவலகத்துக்கு, புகார் கடிதங்களை அனுப்புவதால், பிரதமர் அலுவலக அதிகாரிகள் திணறி வருகின்றனர். "இனிமேல், பிரதமர் அலுவலகத்துக்கு நேரடியாக புகார் கடிதம் எழுதினால், அவர்கள் மீது, ஒழுங்கு நடவடிக்கை எடுக்கப்படும்' என, மத்திய அரசு எச்சரித்துள்ளது.

பிரச்னை :

மத்திய அரசு பணியாளர் மற்றும் பயிற்சி துறை அமைச்சகம் பிறப்பித்துள்ள உத்தரவு:மத்திய அரசின் பல்வேறு துறைகளில் பணியாற்றும் அதிகாரிகள் மற்றும் ஊழியர்கள், தங்களின் பணிகளில் ஏற்படும் பிரச்னை, உயர் அதிகாரிகளால் ஏற்படும் நெருக்கடி, குறைகள் ஆகியவை குறித்து, சம்பந்தபட்ட துறைகளின் உயர் அதிகாரிகளுக்கு புகார் கடிதம் எழுதுவது வழக்கம். சமீபகாலமாக, சம்பந்தபட்ட துறைகளின் உயர் அதிகாரிகளுக்கு புகார் அனுப்புவதற்கு பதிலாக, பிரதமர், சம்பந்தபட்ட துறைகளின் அமைச்சர்கள், செயலர்கள் ஆகியோருக்கு புகார் கடிதங்களை எழுதுகின்றனர். துவக்கத்தில், சிறிய அளவில் தான், புகார் கடிதங்கள் வந்தன. தற்போது, அளவுக்கு அதிகமான கடிதங்கள், வந்து குவிகின்றன. பிரதமர் அலுவலகத்துக்கு ஏராளமான பணிகள் உள்ள நிலையில், இந்த புகார் கடிதங்களால், பெரும் பணிச்சுமை ஏற்பட்டுள்ளது. தனி நபர் புகார்களை தவிர, சம்பந்தபட்ட துறைகளின் தொழிற் சங்கங்கள் மூலமாகவும், எம்.பி.,க்களின் பரிந்துரைகள் படியும், கடிதங்கள் வருகின்றன. மத்திய அரசு ஊழியர்கள், தங்களின் பணிகளை பற்றிய குறைகளை தெரிவிப்பதற்கு, ஏற்கனவே உள்ள வழிமுறைகளைத் தான், பின்பற்ற வேண்டும்.

கீழ் நிலை :

சம்பந்தபட்ட துறைகளின் உயரதிகாரிகள், துறைகளின் தலைவர்கள், இதுபோன்ற பிரச்னைகளை கையாளுவதற்காக நியமிக்கப்பட்டுள்ள கீழ் நிலை அதிகாரிகள், ஆகியோருக்கு, கடிதங்களை அனுப்பலாம்.இதைவிடுத்து, பிரதமருக்கும், அமைச்சர்களுக்கும், சம்பந்தபட்ட துறைகளின் செயலர்களுக்கும், புகார் கடிதங்களை அனுப்பக் கூடாது. அப்படி அனுப்பினால், சம்பந்தபட்ட ஊழியர்கள் மீது, கடுமையான ஒழுங்கு நடவடிக்கை எடுக்கப்படும். இவ்வாறு, அந்த உத்தரவில் கூறப்பட்டுள்ளது.

-- dina malar

யினியவன் · யினியவன் Thu Jun 13, 2013 11:21 am

பிரதமரே சரி இல்லைன்னா???

ராஜு சரவணன் · ராஜு சரவணன் Thu Jun 13, 2013 11:38 am

யினியவன் wrote:பிரதமரே சரி இல்லைன்னா???

2G வழக்கு என்னாச்சுன்னு கேட்டு மனு போடலாமா தல புன்னகை

யினியவன் · யினியவன் Thu Jun 13, 2013 12:04 pm

ஹான் ஜி ஹான் ஜி நீங்க சொல்றது கேக்கவே
இல்ல ஜி ன்னு சொல்லி சமாளிச்சிடுவாறு ராஜூ ஜி புன்னகை

ராஜு சரவணன் · ராஜு சரவணன் Thu Jun 13, 2013 12:12 pm

யினியவன் wrote:ஹான் ஜி ஹான் ஜி நீங்க சொல்றது கேக்கவே
இல்ல ஜி ன்னு சொல்லி சமாளிச்சிடுவாறு ராஜூ ஜி

தல காத துணியால் சுத்தி அடச்சுட்ட எப்படி காது கேக்கும் புன்னகை

Sponsored content · Sponsored content

பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

Re: பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

Re: பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

Re: பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

Re: பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

Re: பிரதமருக்கு புகார் கடிதம் அனுப்பினால் ஒழுங்கு நடவடிக்கை எடுக்கப்படும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக