கேரளாவில் சுவற்றில் ஏறி சாகசம் செய்யும் பள்ளி மாணவி

soplangi · soplangi Wed 12 Jun 2013 - 14:05

கேரள மாநிலம் பத்தனம் திட்டையைச் சேர்ந்தவர் ஜோன்ஸ். கூலித்தொழிலாளி. இவரது மனைவி மினி. இந்த தம்பதியின் ஒரே மகள் ஆனிமேரி ஜோஸ் (வயது 9). அந்த பகுதியில் உள்ள பள்ளியில் 4-ம் வகுப்பு படித்து வருகிறார்.

மற்ற மாணவிகளை போல் அல்லாமல் ஆனிமேரிக்கு சுவரிலும் ஏறி விளையாடும் வினோத பழக்கம் ஏற்பட்டது. வீட்டில் உள்ள குறுகலான சுவற்றில் 2 புறமும் கைகளை பிடித்தபடி அதன் உச்சி வரை சர்வ சாதாரணமாக ஏறி விடுவார்.

4 வயதில் இந்த பழக்கம் அவருக்கு ஏற்பட்டது. தற்போது எவ்வளவு உயரமான அறையாக இருந்தாலும் சுவற்றை பிடித்தபடி மேலே ஏறி விடுவார். மகளின் இந்த வினோத பழக்கத்தை பார்த்து முதலில் அவரது பெற்றோர் பயந்தனர். ஆனால் சர்வ சாதாரணமாக ஆனிமேரி சுவற்றில் ஏறுவதை பார்த்து பழகிய பிறகு அவர்கள் பயத்தை கைவிட்டு மகளை உற்சாகப்படுத்தினர்.

இப்போது சக மாணவிகள், ஆசிரியர்கள் முன்பும் ஆனிமேரி சாகசத்தை நிகழ்த்தி அதிர்ச்சி கலந்த ஆச்சரியத்தில் ஆழ்த்துகிறார். மேலும் இந்த மாணவிக்கு ஓவியம் வரைவதிலும், பாடுவதிலும் அதிக ஆர்வம் உள்ளது.

-- மாலைமலர்