மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

**சிவா** · **சிவா** Tue Jun 11, 2013 5:30 pm

https://fbcdn-sphotos-g-a.akamaihd.net/hphotos-ak-frc1/p480x480/1003880_505214542884981_1971170575_n.jpg

டெல்லி: சத்தீஸ்கர் மாநிலத்தில் மாவோயிஸ்டுகள் நடத்திய தாக்குதலில் காயமடைந்து டெல்லியில் சிகிச்சை பெற்று வந்த மூத்த காங்கிரஸ் தலைவரும் முன்னாள் மத்திய அமைச்சருமான வி.சி.சுக்லா இன்று சிகிச்சை பலனின்றி உயிரிழந்தார்.

சத்தீஸ்கர் மாநிலத்தின் தண்டேவடா வனப்பகுதியில் கடந்த மாதம் 25-ந் தேதியன்று காங்கிரஸ் கட்சியினர் நடத்திய யாத்திரை மீது மாவோயிஸ்டுகள் மிகப் பெரும் தாக்குதல் ஒன்றை நடத்தினர். இதில் மாவோயிஸ்டுகளுக்கு எதிரான சல்வா ஜூதும் அமைப்பை உருவாக்கிய அம்மாநில காங்கிரஸ் மூத்த தலைவர் மகேந்திர கர்மா உட்பட 28 பேர் பலியாகினர். மூத்த காங்கிரஸ் தலைவரும் முன்னாள் மத்திய அமைச்சருமான வி.சி.சுக்லா உள்ளிட்ட 35 பேர் படுகாயமடைந்தனர்.

படுகாயமடைந்த வி.சி.சுக்லா டெல்லி குர்கானில் உள்ள மேதாந்தா மருத்துவமனையில் சிகிச்சைக்காக அனுமதிக்கப்பட்டார். தொடர்ந்து அவருக்கு சிகிச்சை அளிக்கப்பட்டும் அவர் சிகிச்சை பலனின்றி இன்று உயிரிழந்தார்.

மன்மோகன்சிங், மோடி, சோனியா இரங்கல்

வி.சி.சுக்லாவின் மறைவுக்கு பிரதமர் மன்மோகன்சிங், குஜராத் முதல்வர் நரேந்திர மோடி, காங்கிரஸ் தலைவர் சோனியா காந்தி உள்ளிட்டோர் ஆழ்ந்த இரங்கல் தெரிவித்துள்ளனர்.

**Muthumohamed** · **Muthumohamed** Wed Jun 12, 2013 10:19 am

அவரின் ஆத்மா சாந்தி அடையட்டும்

**சிவா** · **சிவா** Wed Jun 12, 2013 9:20 pm

வி.சி.சுக்லா உடல் தகனம்

ராய்ப்பூர்: சத்தீஸ்கரில், கடந்த மாதம், 25ம் தேதி நக்சல்கள் நடத்திய கொடூர தாக்குதலில் படுகாயம் அடைந்து, நேற்று , குர்கான் மருத்துவமனையில் இறந்த, காங்கிரஸ் மூத்த தலைவரும், முன்னாள் மத்திய அமைச்சருமான, வி.சி.சுக்லாவின் உடல் நேற்று தகனம் செய்யப்பட்டது.ராய்ப்பூரில் உள்ள அவரின் பண்ணை வீட்டில், அவர் உடல், இன்று மாலை தகனம் செய்யப்பட்டது; மகள் வழி பேரன், சிதைக்கு தீமூட்டினார். முன்னதாக நடந்த இறுதி ஊர்வலத்தில் ஏராளமானோர் பங்கேற்றனர்.

Sponsored content · Sponsored content

மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

Re: மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

Re: மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

Re: மாவோயிஸ்டுகளின் தாக்குதலில் காயமடைந்த வி.சி.சுக்லா இன்று உயிரிழந்தார்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக