வரும்... ஆனால் வராது...!

**சாமி** · **சாமி** Sun 9 Jun 2013 - 7:31

தமிழ் எழுத்துகளில் ண, ழ, ள, ற, ன என்னும் எழுத்துகள் சொல்லுக்கு முதலில் வருவதில்லை. அதேபோல "ற்' என்ற மெய்யெழுத்து மட்டும் சொல்லுக்கு இறுதியில் வராது.

ந், ண், ன் ஆகிய மூன்று மெய்யெழுத்துகள் எந்தெந்த இடங்களில் வரும் என்பதில் பலருக்கும் குழப்பம் ஏற்படும். சிலர் இரண்டு சுழி "ன்' னா? மூன்று சுழி "ண்' னா? என்றெல்லாம் கேட்பார்கள். இதை அறிய மிகச் சுலபமாக வழி:

தகர வரிசைக்கு முன் இந்த "ந்' தான் வரும். (எ.கா.) சந்து, மந்தி, பொந்து, தொந்தி, முந்து, குந்தி, பந்து, பந்தி, சிந்து, நந்தி.

டகர வரிசைக்கு முன் இந்த "ண்' தான் வரும். (எ.கா.) வண்டி, தண்டி, உண்டி, மண்டி.

றகர வரிசைக்கு முன் இந்த "ன்' தான் வரும். (எ.கா) கன்று, குன்று, மன்று, தின்று, நின்று, நன்று.

இதைத் தந்நகரம், டண்ணகரம், றன்னகரம் என்றும் கூறுவர். இதை நினைவில் வைத்துக்கொண்டால் இந்த மூன்று ண், ன், ந் - களின் குழப்பம் தீரும்!

நன்றி-தினமணி